Вадты (Гайна район)
| Ты | |
| Вадты | |
|---|---|
| рус. Адово | |
 | |
| Морфометрия | |
| Саридз вевдӧрсянь вылына | 160,8 м |
| Ота | 3,68 км² |
| Гидрология | |
| Минерал сорыта | дуб |
| Инас | |
| 60°13′10″ с. ш. 52°57′50″ в. д.HGЯO | |
| Страна | |
| Субъект РФ | Пермскӧй край |
| Район | Гайна район |
| Идентификаторрез | |
| Код в ГВР: 10010100111111100000192[1] | |
 | |
Вадты (рочӧн Адово озеро) — Гайна районын ты, Коми-Пермяцкӧй округын медыджыт ты, регион статуса вӧрва дозирайтанін[2]. Вӧй туризм объект.
Гижалӧм
Тыыс иналӧ Гайна район лун-рытвылын, дзиб вӧрын, Порыш да Утьва юэз коласын[3]. Пырӧ Кама ю бассейн округӧ. Ыждаыс — 3,7 км², кузьмӧса формаа, ойвысянь лунвылӧ 2,5 км кузя да 2 км мымда паськыта[4]. Пыдынаыс 5—6 м. 500 м ылынаын эм учӧтжык ты, рочӧн сійӧ шуӧны Малое Адово озеро. Комиӧн торья нимыс абу, учӧтжык тыыс лыддиссьӧ Вадты торӧн[3].
1991 восянь Вадтыыс регион статуса вӧрва дозирайтанін[2], дозирайтана ландшафт. Тыыс аркмӧтӧ нюр син, вадорыс сідзкӧ нюрзьӧм, няп. Тыыс чериа тыр, олӧны сирпиннез, ёкышшез. Ты вылас поздісьӧны юссез.
2024 воӧ Пермскӧй крайлӧн вӧрва министерво лӧсьӧтіс проект, мед ӧтлаӧтны Вадтысӧ «Ойвывся кӧр» вӧрва дозирайтанінкӧт «Ойвывся кӧр» нима национальнӧй паркӧ[5][6].
Нимыс йылісь
Вадты нимыс аркмӧтӧм кык коми кылісь — «вад» (вӧрын нюрзьӧм вадора ты)[7] да «ты»[8]. Рочас нимыс йитӧм «ад» кывкӧт, мый кузя акрмӧтӧмӧсь быдберся легендаэз. Сідз висьтассьӧ, олӧма пӧ тыас Сирпинь синбана вакуль-инька, кӧда вӧйӧтлӧма чериаліссесӧ, кыскӧма адӧ. «Вад» коми кывсӧ роччес вежӧмась «ад» вылӧ[9].
Туризм
Вадтыыс дорын абу туризм понда лӧсьӧтӧм объекттэз. Ты дорас ветлӧны автотуристтэз да велотурисстэз[10]. Медматын оланіныс — 50 км ылынаын Сёйва посад[11]. Сы дынсянь тыыс ладорӧ мунӧ разьӧм узкоколейка, туристтэслӧ колӧ вуджны кык постӧм ю — Весляна да Утьва. Тыыс дынӧ матӧ оз позь локны сы нюрзьӧм вадорыс шогья. Тӧлӧн позьӧ локны снегоходдэзӧн[11].
Коми-Пермяцкӧй музейын осьтӧм пырся экспозиция Вадты йылісь[12].
Культураын
Фольклорын
- Пера йылісь эпос сьӧрті, Вадтыыс дорын Пераыс вермасис Вакулькӧт.
- Гайна ладорын эм легенда, кӧдаын висьтассьӧ, мый Ыджыт туй коста муніссесӧ грабитлӧмась да вӧтьлӧмась гусялӧмсӧ Вадтыас.
Ӧння кадся легендаэз
- Ӧння кадӧ висьтассьӧ, мый советскӧй кадӧ Вадтыас вӧтьлісӧ радиоактивнӧй коляссэза контейнеррез.
Литератураын
- Вадтыыс йылісь гижӧм Валериан Баталов «Ордым» висьтын.
- Вадтыыс йылісь касьтылӧ Алексей Иванов роч кывья «Сердце Пармы» нима романын.
Пасйӧттэз
- ↑ Ресурсы поверхностных вод СССР: Гидрологическая изученность. Т. 11. Средний Урал и Приуралье. Вып. 1. Кама / под ред. В. В. Николаенко. — Шаблон:Л.: Гидрометеоиздат, 1966. — 324 с.
- ↑ 1 2 Адово озеро, учётная карточка Министерство природных ресурсов, лесного хозяйства и экологии Пермского края (15.04.2022)
- ↑ 1 2 Природные ресурсы Коми-Пермяцкого автономного округа / Под общей редакцией д. б. н. А. П. Савельева. 2-е изд., испр. и дополн. — Кудымкар: Коми-Пермяцкое кн. изд-во, 2006. — 192 с.
- ↑ [Адово, озеро] База данных «Памятники, памятные знаки, исторические здания и места Коми-Пермяцкого округа» ГКБУ «Коми-Пермяцкий окружной государственный архив»
- ↑ В Прикамье планируют создать национальный природный парк. 24 июня 2024. ТАСС
- ↑ Константин Седегов В Гайнском районе может появиться национальный парк 25.06.2024 Парма-Новости
- ↑ [вад] Баталова Р.М., Кривощекова-Гантман А.С. Коми-пермяцко-русский словарь: Ок. 27 000 слов. — М., 1985. — 624 с. FU-lab
- ↑ [ты] Баталова Р.М., Кривощекова-Гантман А.С. Коми-пермяцко-русский словарь: Ок. 27 000 слов. — М., 1985. — 624 с. FU-lab
- ↑ Семантическая адаптация // Linguistica Uralica. — 1994. — Т. 30, № 4. — С. 275.
- ↑ Константин Завалин. Велобайкеры из Кудымкара прокатились к озеру Ад 59.ru (25.09.2014)
- ↑ 1 2 Адово озеро. Туристический портал Пермского края
- ↑ Раздел отдела природы «Тайны Адова озера» Коми-Пермяцкий краеведческий музей