Баталов Валериан Яковлевич
| Баталов Валериан Яковлевич | |
|---|---|
 | |
| Чужан лун: | 1926 во гожумшӧр 17 лун |
| Чужанін: | |
| Кулан лун: | 1996 во арпом 26 лун (70 лет) |
| Куланін: | |
| Канму | |
| Удж | гижись |
Баталов Валериан Яковлевич (1926 во гожумшӧр 17 лун, Шаламовчи, Юсьва район, Коми-Пермяцкӧй национальнӧй округ, РСФСР, СССР — 1998 во арпом 26 лун, Кудымкар, Коми-Пермяцкӧй автономнӧй округ, Россия) — коми гижись[1].
Олантуй
Чужис гожумшӧр 17 лунӧ 1926 воӧ Коми кытшын Юсьва районісь Шаламово деревняын. Медодзза да мӧд классэзын велӧтчис Верх-Иньва шӧрӧт школаын, а куимӧт да нёльӧт классэзын Кудымкарын 1 №-а шӧрӧт школаын.1940 воын помаліс Архангельскӧй семилетньӧй школа. 1937 воын В. Баталовлісь батьсӧ репрессируйтісӧ. Мамыс ыстіс зонкасӧ велӧтчыны 8-ӧт классӧ Юсьваись шӧрӧт школаӧ. Юсьваын оланіныс эз вӧв и В.Баталовлӧ ковсис мунны школаись да пырны уджавны Кубанёвскӧй колхозӧ.
Ыджыт тыш пондӧтчикӧ В.Баталов уджаліс колхозын. Уджыс вӧлі уна и сьӧкыт, посадісь мужиккесӧ босьтісӧ армияӧ и уджавны вӧлі некинлӧ. Учӧт мыгӧр пондаыс (149 см) сійӧ дыр эз босьтӧ армияӧ. 1943 годӧ В.Баталов вӧлі мобилизуйтӧма армияӧ.Веськаліс сія 49-ӧт лыйсян полкӧ.Служитӧмсӧ помаліс Румынияын. 1950 воӧ армияись демобилизуйтӧм бӧрын локтіс овны Кудымкарӧ. Этія кад кежлӧ родвужсис некин эз кольччы: мамыс куліс 1949 воын, ыджытжык воныс усис война вылын, батьыс куліс 1943 воын дзескытінын (1957 воӧ батьыслӧ, Баталов Яков Егоровичлӧ, бӧр бергӧтісӧ бур ним).
1950—1952 годдэзӧ В.Баталов уджалӧ Коми кытшлӧн связь контораын плановик-экономистӧн.1952-1953 велӧтчан воӧ помалӧ Кудымкарын 1 №-а шӧрӧт школаись 10-ӧт класс. Этія кадсянь пондӧтӧ гижны.
Том гижись вежӧртӧ: медбы бура гижны, колӧ одзлань велӧтчыны, босьтны тӧдӧммез. 1954 воын В.Баталов пырӧ велӧтчыны М.Горький нима Литературнӧй институтӧ, кӧдӧс помалӧ 1960 воӧ.
М.Горький нима Литературнӧй институтын велӧтчикӧ В. Я. Баталов тӧдсасис уна тӧдчана гижиськӧт: В.Астафьевкӧт, Р.Гамзатовкӧт,М.Шагинянкӧт,К.Чуковскийкӧт,В.Ивановкӧт,Р.Рождественскийкӧт. Ныкӧт пантасьӧмыс отсаліс гижисьлӧ бӧрйыны ассяма туй гижан творчествоын, лӧсьӧтны олан вылӧ ассис видзӧтӧм.
1953 годсянь В. Я. Баталов уджаліс « Ленин туй кузя» газетын, вӧлі телелевидение да радио комитетын корреспондентӧн, уна ветлӧтіс Коми кытшӧт, тӧдсасис коми отиркӧт, чукӧртіс материал. 1972 восянь 1984 воӧдз веськӧтліс Перем небӧг лэдзанінлӧн Коми-Пермяцкӧй юкӧтӧн.
Куліс В. Я. Баталов ноябрь 26 лунӧ 1998 воӧ.
Гижан удж
Медодзза «Рейсын» висьтыс (рочӧн «Закон трудных дорог») петіс 1951 годӧ.Том гижисьлісь талантсӧ казялісӧ тӧдчана гижиссез В.Астафьев да Л.Молчанова, кӧдна вуджӧтісӧ висьтсӧ роч кыв вылӧ да лэдзисӧ « Прикамье» альманахын. 1959 воын петӧ медодзза «Сьӧкыт пондӧтчӧм» гижӧт чукӧр. Шӧр произведеннёӧн гижисьлӧн лоӧ историческӧй роман " Тулысся петассэз.
Аслас произведеннёэзын В. Я. Баталов уна гижӧ чужан му йылісь, чужан муын уджалісь коми отир йылісь, мыччалӧ вӧр-валісь мичсӧ. Уна висьт да повесть гижӧма челядь понда.
1964 воӧ В. Я. Баталов пырис СССР-ись гижиссез Союзӧ.
Небӧггез
- Сьӧкыт пондӧтчӧм. Рассказы и очерки. — Кудымкар: Пермское кн. изд-во, коми-перм. отделение, 1959. — 112 с.
- Асывся шыэз: Рассказзэз. — Кудымкар: Пермское кн. изд-во, коми-перм. отделение, 1967. — 79 с.
- Зэр одзын .- Кудымкар: Пермское кн. изд-во, коми-перм. отделение, 1990. — 206 с.
- Мичашорын.- Кудымкар: Пермское кн. изд-во, коми-перм. отделение, 1966. — 76 с.
- Пыд вӧрын. — Кудымкар: Пермское кн. изд-во, коми-перм. отделение, 1972. — 92 с.
- Пармаын югыт.- Кудымкар: Пермское кн. изд-во, коми-перм. отделение, 1985. — С.109-167
- Расокын. — Кудымкар: Комипермгиз, 1962.- 31 с.
- Тулысся петассэз. — Кудымкар: Пермское кн. изд-во, коми-перм. отделение, 1975. — 133 с.
- Туесок: Рассказзэз. — Пермь: Кн. изд-во, 1977. — 118 с.
- Туйын: Рассказ //Гора му: Лит.-худож. сб.- Кудымкар: Коми-перм. кн. изд-во, 1963.- С.24-26.
- Шатун: Повесть.- М.: Дет. лит. , 1972. — 175 с.
- Шепьясьӧ рудзӧг : Избр. повести и рассказы на коми-перм. Языке.. — Кудымкар: Пермское кн. изд-во, коми-перм. отделение, 1976. — 343 с.
- Югдiкӧ : Роман. — Кудымкар: Пермское кн. изд-во, коми-перм. отделение, 1970. — 186 с.
- Югдiкӧ : Роман. Повести. — Кудымкар: Пермское кн. изд-во, коми-перм. отделение, 1980. — 315 с.
Донтан пассэз
- РСФСР-лӧн гижиссез Союзісь Почётнӧй грамота
- «Заслуженный работник культуры РФ» званнё
Морт йылісь
Коми-пермяцкие писатели: Биографический справочник для образовательных учреждений. В 2 ч. Часть I. / Авт.-сост.: Н. А. Мальцева. — Кудымкар, 2006. — С. 5-6.
Баталов Валериан Яковлевич //Писатели Пермской области: библиографич. справочник /Сост. В.Богомолов.- Пермь: ТОО "Типография «Книга», 1996.- С.35-36
Баталов Валериан Яковлевич (1926—1998) //Гордость Пармы: Биографич. справочник.- Кудымкар: Коми-Перм. кн. изд-во, 2008.- С.13
Пасйӧттэз
- ↑ [https://kpolibrary.ucoz.ru/publ/pisateli_komi_permjackogo_okruga/batalov_valerian_jakovlevich/5-1-0-140 Писатели Коми-Пермяцкого округа]