Ойвывся кӧр (вӧрва дозирайтанін)
«Ойвывся кӧр» (рочӧн Государственный природный биологический заказник Пермского края «Северный олень») — Коми-Пермяцкӧй округын региональнӧй статуса вӧрва дозирайтанін, кӧдаын оз позь вӧравны.
Аркмӧтӧм
«Ойвывся кӧр» вӧрва дозирайтаніныс вӧлі аркмӧтӧм Пермскӧй крайлӧн правительство 2012 во тулысшӧр 9 лунся №177-п постановленнёӧн [1](рочӧн «Об образовании государственного природного биологического заказника Пермского края «Северный олень») вӧй кӧр сьӧр дозирайтӧм могись, сідз кыдз сы кад кеж ны популяцияыс вӧлі чинӧма 200 юрӧдз[2].
2024 воӧ Пермскӧй крайлӧн вӧрва министерво лӧсьӧтіс проект, мед ӧтлаӧтны «Ойвывся кӧр» да сы ордчча Вадты вӧрва дозирайтанін «Ойвывся кӧр» нима национальнӧй паркӧ[3][4].
Уджалӧм
Инас
«Ойвывся кӧр» вӧрва дозирайтаніныс иналӧ Гайна районын, сія 80490 га ыжда. Сыӧ пырӧны Оныл, Сосновая, Усть-Весляна, Сёйва и Пугвин Мыс посёлоккез.
Флора да фауна
Гайна район да сы ордчча Пермскӧй крайись Чердын район — вӧй кӧр популяциялӧн медлунвыв визир. Вӧй кӧрыс пыртӧм Пермскӧй край Гӧрд небӧгӧ[5]. XX сёво шӧрын популяцияыслӧн ыждаыс вӧлі 2000 юр мымда[6]. 2012 воӧ ны лыдыс вӧлі 200 мымда, 2024 воӧ чиніс 10-20-ӧдз[2].
Вӧрва дозирайтанінас олӧны ошшез, вӧрмӧссэз, уррез, кӧччез, вӧрканнез, туланнэз да вӧрпӧткаэз — сьӧлаэз, таррез, дозмӧррез. Дозирайтана сідзжӧ Пермскӧй крайлӧн Гӧрд небӧгӧ пыртӧм джыдж варыш[7].
Пасйӧттэз
- ↑ ПРАВИТЕЛЬСТВО ПЕРМСКОГО КРАЯ. ПОСТАНОВЛЕНИЕ от 9 апреля 2012 года N 177-п Об образовании государственного природного биологического заказника Пермского края "Северный олень"
- ↑ 1 2 Валерия Останина В Гайнском районе, спасая оленей, ограничили людей 20.10.2024 Парма-Новости
- ↑ В Прикамье планируют создать национальный природный парк. 24 июня 2024. ТАСС
- ↑ Константин Седегов В Гайнском районе может появиться национальный парк 25.06.2024 Парма-Новости
- ↑ Северный олень - Rangifer tarandus Linnaeus, 1758 Красная книга Пермского края
- ↑ День дикого северного оленя Дирекция ООПТ Пермского края
- ↑ [СЕВЕРНЫЙ ОЛЕНЬ] Заказники Дирекция ООПТ Пермского края