Шипицына Надежда Васильевна
| Шипицына Надежда Васильевна | |
|---|---|
 | |
| Чужан лун: | 1972 во тӧвшӧр 27 лун (53 года) |
| Чужанін: | |
| Удж | кыйсись |
Шипицына Надежда Васильевна (1972 во тӧвшӧр 27 лун, Верх-Иньва) — кыйсись, культураын уджалісь, Пермскӧй крайлӧн Народнӧй мастер.
Олантуй
Чужис 1972 во тӧвшӧр 27 лунӧ Верх-Иньваын[1]. Помаліс Верх-Иньваись шӧрӧт школа. 1989—1991 воэзын велӧтчис Кудымкарскӧй агротехникумын «Бухгалтерия» специальность сьӧрті.
1991—1996 воэзын уджаліс Верх-Иньваись «Иньва» колхозын бухгалтерӧн.
1995 восянь пырӧ «Пармалӧн быдмассэз» Ермаковвез фольклорнӧй чукӧрӧ.
1996—1997 воэзын уджаліс Гуринаын клубын юралісьӧн.
2000 восянь уджалӧ кыдз предприниматель аслас кыйсян киподаинын, кытӧн аркмӧтӧм учӧт гортся музей[2].
2011 восянь уджалӧ Верх-Иньваись этнографическӧй музейын. Юралӧ Верх-Иньваись СКДЦ-ын «Гӧрӧдок» нима кыйсян студияӧн.
Нывкася гижсяныс — Ермакова. Айкаа, вит зон[3]. Медыджыт зоныс — Василий Шипицын, Коми-Пермяцкӧй театрись орсісь.
Кипода удж
Кыйӧ быдберся йиэз: кушаккез, покроммез, йиэз. Уджалӧ унавӧрта кыйӧмӧн[2].
Донтан пассэз
- 2024 — Пермскӧй крайлӧн Народнӧй мастер[4].
Пасйӧттэз
- ↑ [Шипицына Надежда Васильевна] Альбом-каталог «Парма мастеровая. Ткачество». — ГКБУК «Коми-Пермяцкий этнокультурный центр», 2014. — 36 с.
- ↑ 1 2 Юлия Баталина Традиции живут. Десять мастеров традиционных ремёсел удостоены звания «Народный мастер Пермского края» 12.12.2024 Новый компаньон
- ↑ Хранители семейных ценностей. 15.12.2022 Иньвенский край
- ↑ Десять мастеров традиционных ремесел удостоены звания «Народный мастер Пермского края». 11 декабря 2024. Сайт губернатора и правительства Пермского края