Коми-Пермяцкӧй агротехникум
| Коми-Пермяцкӧй агротехникум | |
|---|---|
 | |
| Аркмӧтӧм | 1930 во |
| Директор | Владимир Беляков |
| Сайт | kpselhos.ru |
Коми-Пермяцкӧй агротехникум (рочӧн Государственное бюджетное профессиональное образовательное учреждение «Коми-Пермяцкий агротехнический техникум») — му да пода вӧдитӧм сьӧрті профессионалитет велӧтчанін Кудымкарын.
Аркмӧтӧм
Вӧлі осьтӧм 1930 воӧ кыдз Коми-Пермяцкӧй мӧсвӧдитӧм сьӧрті техникум (рочӧн Коми-Пермяцкий техникум молочного животноводства)[1]. Сыын уджалісӧ кык юкӧт — зоотехника да агрономия (шабді быдтӧм сьӧрті)[1]. 1932 воӧ техникумас вӧлі аркмӧтӧм бригадиррез школа. 1935-1936 велӧтчан восянь пондіс шусьны Коми-Пермяцкӧй му да пода вӧдитӧм техникумӧн (рочӧн Коми-Пермяцкий сельскохозяйственный техникум). Вӧлі аркмӧтӧм велӧтчан хозяйство, кытӧн велӧтісӧ ыб вӧдитӧмӧ, карч вӧдитӧмӧ, пода быдтӧмӧ[2]. Сыын вӧлі пруд, кытӧн быдтісӧ чери (унажыксӧ пеж тыпыв)[2].
1953 воӧ техникумас вӧлі осьтӧм ветеринария юкӧт[2], 1966 воӧ — бухгалтерия юкӧт[2]. 1992 воӧ оссис фермер юкӧт[2].
2015 воӧ техникумыс вӧлі ӧтлаӧтӧм Юсьвинскӧй агротехникумкӧт[1].
Аркмӧтӧмсянь ӧння кадӧдз техникумсӧ помалісӧ 11 сюрсся унажык му да пода вӧдитӧмын уджалісь[3].
Велӧтчӧм
Ӧння кадӧ техникумас велӧтӧны 11 специальность[4] да 11 удж[5] сьӧрті. Техникумас уджалӧны велӧтчан ветеринарнӧй клиника, кузьвося вирӧдззез, машинотракторнӧй парк, мини-ферма, лабораторияэз, велӧтчан мастерскӧйез. Техникумыс уджалӧ ыджыт агрофирмаэзкӧт, предприяттёэзкӧт, кытӧн велӧтчиссез уджалӧны практика коста.
Велӧтӧм киння уджалӧны спорт секцияэз, берся студияэз, клуб «Патриот».
Директоррез воэз сьӧрті
- Мехоношин Кузьма Тимофеевич (1930—1931)
- Иванов К. Я. (1931—1934)
- Трусов П.Н. (1935—1937)
- Пахомов Г.Д. 1937—1938)
- Трухин П.Р. (1938—1940)
- Охотников Ф.И. (1940—1941)
- Вараксин В.М. (1941—1942)
- Шипарев Н.И. (1942—1943)
- Боталова М.С. (1943—1944)
- Чигвинцев И.А. (1944—1945)
- Никитин Л.Ф. (1945—1950)
- Тотьмянин Д.Ф. (1950—1951)
- Сторожев Н.П. (1951—1955)
- Мурогин Н.Ф. (1955—1958)
- Зубова Прасковья Александровна (1958—1968)
- Арапов И.Н. (1968—1969)
- Карташев П.А. (1969—1970)
- Бушуев Н.С. (1970—1973)
- Титов А.А. (1973—1987)
- Ведерников Николай Иванович (1988—1991)
- Шипицин П. М. (1992—1997)
- Панафидин Николай Михайлович (1997—2002)
- Тотьмянина Елена Анатольевна (2002—2014)
- Филиппова Надежда Николаевна (2014—2023)
- Беляков Владимир Александрович (2023 — ӧ.к.)
Гора нима велӧтчиссез
- Павел Ханжин (пом. 1933), Коми-Пермяцкӧй окрисполкомлӧн председатель.
- Прасковья Зубова (пом. 1936), Коми-Пермяцкӧй сельхозтехникумлӧн директор.
- Клавдия Штейникова (пом. 1939), РСФСР-лӧн Заслуженнӧй агроном, Кудымкарскӧй госсортучасток юралісь.
- Герман Радостев (пом. 1936), РСФСР-лӧн Заслуженнӧй зоотехник, «Россия» колхозӧн 25 во сьӧрна председатель.
- Николай Ведерников (пом. 1956), Кудымкарскӧй райисполкомлӧн председатель, Коми-Пермяцкӧй сельхозтехникумлӧн директор.
- Анна Власова (пом. 1959), Государственнӧй Думаӧ кыкись бӧрйӧм депутат, Коми-Пермяцкӧй автономнӧй округись юралан органнэзісь функционер.
- Александр Хомяков (пом. 1978), СССР Верховнӧй Советісь член, Кочёвскӧй район администрацияӧн юралісь,
- Николай Корюкин (пом. 1978), «Россия» СХПК-лӧн председатель, Российскӧй Федерация сельскӧй хозяйствоын Заслуженнӧй уджалісь, Кудымкарскӧй районлӧн Почётнӧй гражданин.
- Анна Истомина (пом. 1984), поэт, редактор, Россия гижиссез Союзісь член.
Пасйӧттэз
- ↑ 1 2 3 Государственное бюджетное профессиональное образовательное учреждение «Коми-Пермяцкий агротехнический техникум». Фонд № Р-93. Коми-Пермяцкий окружной государственный архив
- ↑ 1 2 3 4 5 Коми-Пермяцкий автономный округ на рубеже веков : [справочное издание / идея проекта, организатор и составитель, редактор издания Л. П. Ратегова]. – Кудымкар : Коми-Перм. кн. изд-во, 2000. – 388 с. – С. 313-314.
- ↑ Справочник профессиональных образовательных организаций Пермского края 2017 Министерство образования и науки Пермского края
- ↑ Программы подготовки специалистов среднего звена. Коми-Пермяцкий агротехнический техникум
- ↑ Образование. Коми-Пермяцкий агротехнический техникум