Школаӧ ветлан форма Российскӧй Федерацияын
| Школаӧ ветлан форма Российскӧй Федерацияын | |
|---|---|
| Российскӧй Федерацияын школаӧ ветлан формалӧн виль стандарт (2025 вося гожумпом) | |
.jpg) | |
| Иналӧм | Велӧтчаніннэз |
| Аркмӧтан кад | 1992 |
| Аркмӧтанін |
 Российскӧй Федерация |
Школаӧ ветлан форма Российскӧй Федерацияын (рочӧн Школьная форма в Российской Федерации) — Российскӧй Федерацияын школаӧ ветлан формаӧ пасьтасьӧм вӧлі дугӧдӧтӧм 1994 во тулысӧн (фактическӧя 1992 во одзгожум 1 лунӧ школаӧ ветлан форма керан предприяттёэз сувтӧтісӧ уджнысӧ). 2013 во одзар 1 лунӧ вӧлі школаӧ ветлан формаыс вӧлі пыртӧм, но кыдз рекомендация.
2025 во гожумпомӧ Велӧтан министерство сетіс российскӧй школаэзын велӧтчиссез понда формалісь виль стандарт. Паськӧм кериссезлӧ, кӧдна маркируйтӧны продукциясӧ кыдз школьнӧй форма, колӧ соблюдайтны ГОСТ. Корӧммез сьӧрті, школьнӧй формалӧн стильыс должен лоны деловӧйӧн, а сы вурӧмыс — лӧсяланаӧн. Сія Россияын медодзза сэтшӧм стандарт. Сія паськалӧ небыдса да шӧрӧт велӧтчаніннэзын велӧтчиссез паськӧм вылӧ[1]. Велӧтан министерствоын тодилялісӧ, мый озӧ планируйтӧ пыртны ӧтласа школьнӧй форма, велӧтчаніннэз вермӧны асьныс тшӧктыны велӧтчиссесӧ новйыны ӧткодь паськӧм[2].
История
Российскӧй Федерацияын абу ӧтласа школаӧ ветлан форма, кыдз вӧлі СССР коста, но уна лицейез да гимназияэз пыртісӧ ассиныс форма, кӧда тӧдчӧтіс велӧтчиссезлісь велӧтчанін дынӧ лӧсялӧмсӧ. Мукӧд школаэзын формаыс абу официальнӧя пыртӧм, но формасӧ вермӧны пыртны классэзӧт велӧтчиссез аймамкӧт сёрнитчӧмӧн (унажыксӧ сэтшӧм «класс» формасӧ пыртӧны одз школаын). Велӧтчаніннэзын, кӧднаын абу школьнӧй форма, вермасӧ лоны деловӧй стиля паськӧм новъян правилоэз. Советскӧй кадся чочком фартуккеза школьнӧй формаӧ (нето сы кодя стилизуйтӧм платтёэзӧ) традиционнӧя пасьтасьӧны школа помаліссез Медбӧрья звонок порйӧтан кежӧ, шочажыка — мӧдік вежалуннэз кежӧ.
Но школаэзын (Набережнӧй Челныись кынымкӧ лицейын, Прохоровскӧй гимназияын, Красноярск да Уфа школаэзын) нывкаэз понда платтёэз да фартуккез кольччӧмась советскӧй кадсянь нето вӧлісӧ вились пырӧтӧмӧсь 2000-ӧт воэзӧ. 2022 воӧ Сергей Кравцов висьталіс, мый мӧдӧны пыртны ӧтласа школьнӧй форма, но велӧтчаніннэзлӧн администрацияэз вермасӧ бӧрйыны асьныс, кытшӧм сія лоас. Госдумаись велӧтӧм сьӧрті комитетӧн юралісь Ольга Казакова висьталіс, мыйла вӧлі лэбтӧм сэтшӧм инициатива: «Школьнӧй формаыс организуйтӧ и дисциплинируйтӧ, сійӧн челядьлӧ колана сыӧ пасьтасьны»[3].
2025 вося гожумшӧр 1 лунӧ Россияын вынсяліс школьнӧй форма сьӧрті ГОСТ. Формаыс должен лоны светскӧйӧн, эстетичнӧйӧн да лӧсяланаӧн, сыын оз вермы лоны «ассоциальнӧй неформальнӧй том йӧзлӧн объединеннёэзлӧн» символика, кӧда «пропагандируйтӧ неправомернӧй поведеннё». Канмуся да патриотическӧй символика стандартас рекомендуйтсьӧ[4].
2025 во гожумпом 6 лунӧ велӧтан министерство сетіс российскӧй школьниккез понда формаэзлісь виль стандарт. Паськӧм кериссезлӧ, кӧдна маркируйтӧны продукциясӧ кыдз школьнӧй форма, колӧ соблюдайтны ГОСТ. Корӧммез сьӧрті, школьнӧй формалӧн стильыс должен лоны деловӧйӧн, а сы вурӧмыс — лӧсяланаӧн. Сія Россияын медодзза сэтшӧм стандарт. Сія паськалӧ небыдса да шӧрӧт велӧтчаніннэзын велӧтчиссез паськӧм вылӧ[1].
Велӧтан министерствоынтодилялісӧ, мый озӧ планируйтӧ пыртны ӧтласа школьнӧй форма, велӧтчаніннэз вермӧны асьныс тшӧктыны велӧтчиссесӧ новйыны ӧткодь паськӧм[2].
Пасйӧттэз
- ↑ 1 2 Минпросвещения показало новый стандарт школьной формы, РБК (6 Гожумпом 2025). Дата обращения: 25 Гожумпом 2025.
- ↑ 1 2 Минпросвещения не планирует вводить единую школьную форму, РИА Новости (6 Гожумпом 2025). Дата обращения: 25 Гожумпом 2025.
- ↑ Единая школьная форма в России 2025-2026: суть законодательной инициативы, какой будет форма, когда введут (6 Гожумпом 2025). Дата обращения: 25 Гожумпом 2025.
- ↑ Появился полный текст ГОСТа с требованиями к школьной форме, РБК (29 Одзгожум 2025). Дата обращения: 25 Гожумпом 2025.