Утев Егор Васильевич

Утев Егор Васильевич
Чужан лун	1925 во тӧвпом 1 лун(1925-02-01)
Чужанін	Юсьва район, Коми-Пермяцкöй автономнöй округ[d]
Кулан лун	1943 во аршӧр 22 лун(1943-10-22) (18 лет)
Куланін	Онуфриевский район[d], Кировоградская область[d], Украинская ССР[d], СССР[d]
Сраженнёэз/войнаэз	Великӧй Отечественнӧй война
Донтан пассэз

Утев Егор Васильевич (1925 —1943) — Великӧй Отечественнӧй войнаын участник, Советскӧй Союзлӧн Герой.

Олантуй

Чужис 1925 воӧ арпом 29 лунӧ (мӧдік документтэз сьӧрті — тӧвпом 1 лунӧ) Петуховаын, Антипинскӧй сельсоветын, Юсьвинскӧй районын. Велӧтчис Антипина да Архангельскӧй школаэзын. Сизим класс помалӧм бӧрын отсасис Дмитриева колхозын бригадирлӧ.

1942 воӧ пырис комсомолӧ. Пондӧтчыліс велӧтчыны ФЗО № 25 Губахаын, но шог кузя бертіс гортас. Веськалӧм бӧрын уджаліс Тукачёва ЛПХ-ын вӧрзаптісьӧн.

1943 во тӧвпом 9 лунӧ босьтісӧ РККА-ӧ, ыстісӧ велӧтчыны Пермскӧй пулемётно-миномётнӧй училищеӧ. Сэсся, 1943 во тулыспомсянь, велӧтчис С.М. Киров нима Ленинградскӧй пехотнӧй Краснознамённӧй училищеын, кӧда 1941 во гожумпомсянь вӧлі эвакуируйтӧм Березникиӧ.

1943 во гожумпомӧ муніс фронт вылӧ. Воюйтіс Степнӧй фронтын. Вӧлі 110 гвардейскӧй стрелковӧй Александрийско-Хинганскӧй кыкись Краснознамённӧй II степеня Суворов Ордена дивизияись307 гвардейскӧй стрелковӧй полкись гвардия рядовӧй да гвардия ефрейтор.

1943 во одзар 30 лунсянь аршӧр 15 лунӧдз Куцеволовка посад дын бойезын куимись босьліс асвылас взводӧн юралӧм. Аршӧр 12 лунӧ сы взводыс уничтожитіс враггезісь рота да эз сет позицияэсӧ. Ачыс Утевыс стрӧйдіс гранатаэзӧн «Тигр» танккез. Эта понда Утевыс вӧлі представитӧм Советскӧй Союзлӧн Герой званнё дынӧ, но сэк эз вӧв донтӧм.

1943 во аршӧр 22 лунӧ Ореховка посад дын бойезын Утевыс гранатаэзӧн стрӧйдіс враггеслісь пулемётнӧй точка, да ачыс куліс. Вӧлі дзебӧм Ореховкаас. Войнаыс бӧрын дзебисӧ вились ӧтласа шойнаӧ Марьевка посадӧ (Украинаын Кировоградскӧй областись Онуфриевскӧй районын).

Донтан пассэз

• Медаль «Золотая Звезда» (1944)
• Орден Ленина (1944)

Касьтылӧм

• 1966 воӧ Кудымкарись Пионерскӧй дворецлӧ сетісӧ Утевлісь ним.
• Кудымкарын Егор Утев нимӧн шусьӧ улица.
• Утев нимӧн шусьӧ школа Антипинаын.
• Петуховаын сувтӧтӧм Утевлӧн обелиск.

Морт йылісь

• Герои Советского Союза, полные кавалеры орденов Славы – уроженцы Коми-Пермяцкого автономного округа. Сборник буклетов / Составитель Ю. Зубов. – Кудымкар: Кудымкарское бюро путешествий и экскурсий, 1985 г.

• Золотые звезды Прикамья. Очерково-справочная книга о Героях Советского Союза, родившихся в Прикамье или призывавшихся отсюда в ряды Советской Армии. – Пермь: Пермское книжное издательство, 1988 г. – 408 с.
• Конин Г.К. Подвиги героев бессмертны. Очерки. ‒ Кудымкар: Коми-Перм. кн. изд-во, 2005. С.232‒253.

• Книга памяти Коми-Пермяцкого округа. Т. 2. – Кудымкар, 2005. – С.601.
• Электронная книга памяти Юсьвинского района. Ч.1. Не вернулись из боя / Юсьвинская библиотека. – 2010 г. – CDR.
• Пермский край в Великой Отечественной войне: энциклопедия / коллектив авторов; ред. кол-я: Махов В. П. (главный редактор) и др. – Издание испр. и доп. ‒ Пермь : Изд-во «Пушка», 2020. – С.345.

Пасйӧттэз