Тимин (Юсьва район)
| Посад | |
| Тимин | |
|---|---|
 | |
| 59°05′41″ с. ш. 55°25′25″ в. д.HGЯO | |
| Канму |
 Российскӧй Федерация |
| Федерациялӧн субъект | Пермскӧй край |
| Район | Юсьва |
| История да география | |
| Одззася ниммес | Тиминское, Кимна |
| Оліссез | |
| Отир | 192 морт (2020) |
| Цифра идентификаторрез | |
| 619181 | |
| ОКТМО код | 57560000186 |
| ОКАТО код (2014 воӧдз) | 57127000150 |
| ГКГН-ын номер | 0345907 |
|
|
|
Тимин (рочӧн Тимино) — Пермскӧй крайлӧн Юсьва районісь посад. Пырӧ Купрӧс посадмуӧ. Ылынаыс Юсьваӧдз — 34 км.
География
Посадыс пукалӧ Зуевка шор дорын (Пӧй юлӧн вож). Йитӧм Юсьваыскӧт мутуйӧн (Тиминсянь Купрӧсӧдз), сэсся асфальт туйӧн Юсьваӧдз. Купрӧсӧдз −18 км.
Посадас куим тор: посад, 1970-ӧт воэзӧ лэбтӧм вӧрпосёлок да посадыскӧт ӧтлаасьӧм Пилимон деревня.
История
Оланаиныс тӧдса 1765 восянь кыдз деревня, кӧдӧ ӧктӧмась Калинісь локтӧм отир. Медодзза олісьнас лыддиссьӧ Тимофей Шляпин. Отир висьталӧм сьӧрті, медодзза олісьсӧ шуӧмась Тима, мыйсянь и шогмӧма посадлӧн нимыс[1].
1869 воӧ вӧлі фиксируйтӧм кыдз деревня Тиминская (Тимина) Зюлинка шор дорын. Сыын вӧлӧмась 17 керку да олӧмась 108 морт. Деревняас вӧлӧмась Купрӧсісь Вежа Николай вичку дынся часовня, волостнӧй правленнё, нянь лавка[2].
1885 воӧ вӧлі лэбтӧм Кузьма да Демьян вичку (пӧдналӧм 1930 воӧ, разьӧм 1978 воӧ) да Тиминыс лоис посадӧн, Пермскӧй губернияись Соликамскӧй уездлӧн волостнӧй центрӧн.
1895 вося юӧррез сьӧрті, посадас уджалісӧ школа, кык вузасян лавка да казённӧй виннӧй. И. Я. Кривощёков «Пермскӧй губернияись Соликамскӧй уезд карта» дынӧ указательын гижӧма, мый посадас олӧмась коми отир, вӧдитӧмась му, заптӧмась вӧр да керӧтӧмась шом Майкар да Никитин заводдэз понда, кылӧтӧмась вӧр Дӧйог, Пӧй да Исыв юэзӧт Иньваӧ. Тиминас сы коста вӧлӧмась 28 керку да 133 олісь. Быдсӧн Тимин волостяс вӧлӧмась 62 оланаин, ныын 475 керку да 2953 морт. Медыджыт деревняэс: Дӧйӧг — 29 керку, Тукачов — 18 керку, Савин — 14 керку. Муыс волотсяс вӧлӧм 9827 вӧдж".
._%D0%9E%D0%B1%D1%89%D0%B8%D0%B9_%D0%B2%D0%B8%D0%B4_%D1%81._%D0%A2%D0%B8%D0%BC%D0%B8%D0%BD%D0%BE,_%D0%AE%D1%81%D1%8C%D0%B2%D0%B8%D0%BD%D1%81%D0%BA%D0%B8%D0%B9_%D1%80%D0%B0%D0%B9%D0%BE%D0%BD.jpeg)
1909 воӧ Тимин посадас Флорентий Павленков сьӧмӧн вӧлі осьтӧм библиотека[3].
1925 воӧ Тимин волостьыс туйӧ вӧлі аркмӧтӧм Юсьва районлӧн Тимин сельсовет.
1956 воӧ Тимин сельсоветісь торья сельсоветӧ янсӧтісӧ Тукачов да вӧр посёлоккез.
Советскӧй кадӧ посадыс вӧлі «Гӧрд Кӧдзув» колхозлӧн шӧр усадьбаӧн да Кудымкар леспромхозлӧн производственнӧй участоклӧн шӧринӧн. Сельсоветас уджалісӧ почта, кыкьямыс класса школа, заготконтора, библиотека, кык ФАП, клуб, Купрӧс сельполӧн да Иньва рейд ОРС-лӧн магазиннэз[4][5].
1969 воӧ Тимин сельсоветӧ пырисӧ 1328 морта 22 оланаин[1].
1997 воӧ Тимин сельсоветас пырисӧ 10 оланаин да быдӧссӧ олісӧ 524 морт.
2006 воӧ Тиминскӧй сельсоветыс вӧлі пыртӧм Купрӧс посадмуӧ. 2020 восянь посадыс пырӧ Юсьва муниципальнӧй округлӧн Купрӧс территорияӧ.
Оліссез
| 1869 | 1908 | 1926 | 1962 | 1970 | 2002[6] |
|---|---|---|---|---|---|
| 108 | ↗179 | ↗208 | ↗243 | ↘190 | ↗299 |
| 2010 | 2020[7] | ||||
| ↘259 | ↘192 |
Экономика да социальнӧй сфера
Отирыс уджалӧны вӧр заптӧмын да асторья куреннезын. Посадас уджалӧны ФАП, почта, библиотека, кык магазин. Тимин небыдса школаыс да сы дынся челядь садыс вӧлісӧ пӧдналӧмӧсь 2024 воӧ, челядьсӧ нуӧтлӧны Купросӧ[8][9].
Гора нима отир
- Агишев Никита Матвеевич (1903—1937) — Коми-Пермяцкӧй окрисполкомлӧн председатель 1935—1937 воэзӧ.
Пасйӧттэз
- ↑ 1 2 Тимино. Народная энциклопедия деревень Юсьвинского района Пермского края. Видзӧтӧм 13 Арпом 2025.
- ↑ Список населённых мест 2 стана Соликамского уезда Пермской губернии 1869 г. рус.. Родная Вятка. Видзӧтӧм 13 Арпом 2025.
- ↑ Тиминская сельская библиотека им. Ф.Ф. Павленкова рус.. МБУК «Юсьвинская централизованная библиотечная система». Видзӧтӧм 13 Арпом 2025.
- ↑ Тиминский сельский совет - Фонд № Р-79 / Архивный сектор администрации Юсьвинского муниципального округа Пермского края рус.. Архивы Прикамья. Видзӧтӧм 13 Арпом 2025.
- ↑ Кудымкарский леспромхоз — Фонд № Р-24 КПОГА рус.. Коми-Пермяцкий окружной государственный архив. Видзӧтӧм 13 Арпом 2025.
- ↑ http://www.perepis2002.ru/content.html?id=11&docid=10715289081460.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Яна Яновская. В Тимино закрывают школу и детский сад, Парма-Новости (6 Гожумшӧр 2024). Дата обращения: 13 Арпом 2025.
- ↑ Зарина Ситдикова. Глава СК России поручил провести проверку по факту закрытия школы в Прикамье, Новый компаньон (30 Гожумпом 2024). Дата обращения: 13 Арпом 2025.
Оланаиннэз Юсьва районын (муниципальнӧй округын) | |||
|---|---|---|---|
.png) |
| .png) | |
