Страна Вису
| Страна Вису | |
|---|---|
 | |
| Аркмӧтан кад | 2016 |
| Аркмӧтісь | Евгений Смертин |
| Сайт | vk.com/club90764543 |
 |
|
Страна Вису — Майкарись туристическӧй этнокомплекс. Сыын чулӧтсьӧны этнографическӧй экскурсияэз да быдберся мастер-классэз. Семьяӧн вовлӧм да гортладор тӧдмалана туризм понда вовлӧмин.
Иналӧм
Этнопаркыс уджалӧ Майкарын, Иньва вадорын. Лэбтӧм ордчӧн родановса кадся Майкар дынын[1].
Аркмӧтӧм
Этнопарксӧ 2016 воӧ осьтіс Пермскӧй крайлӧн народнӧй мастер, пу керӧтісь Евгений Смертин аслас горт дынын[2][3]:
Сэтшӧм этнографическӧй киподаинсӧ (этнопарксӧ) лӧсьӧтӧм йылісь дума чужис 1990-ӧт воэз пондӧтчикӧ, кӧдкоста ме уджалі Соликамск лицейын да нуӧтлі челядьсӧ экскурсияэзӧн миян крайлӧн быдкодь вӧрва объекттэзӧт. Сыбӧрын ме уджалі Усольеын, «Строгановвезлӧн палатаэз» музейын, кытӧн паськытжыка уджалі туристическӧй группаэзкӧт.
Евгений Смертин[4]
Этнопаркыс вӧлі аркмӧтӧм быдберся дозмук, шылад инструменттэз да транспорттэз, роччез да коми-пермяккез паськӧма коллекцияэзісь[3].
Паркыс вӧлі шуӧм Вису му сьӧрті, кӧда йылісь висьтасьӧма араб путешественник Абу Хамид аль-Гарнати аслас туйгижӧттэзын[5]. Ӧння кадся туяліссез лыддьӧны, мый историческӧй Вису нима муыс лоӧ Чердынын да Кама кытшын.
Локацияэз
- амбар (реставрируйтӧм) — сёянін, музей[6];
- манси павыл (реконструкция) — кола, тшамья, кейман;
- каянін Писанӧй из вывся серпассэзӧн — пуись керӧм каянін;
- узиктӧдз кольччӧм понда керкуэз (2025 во кеж — 3);
- карта — XIX сёвося транспорта коллекция[5];
- пывсян;
- киподаин;
- пос — ӧтӧрся сцена;
- орсанін — ньӧвьёссезӧн лыйсянін да быдберсяӧн орсанін;
- ям станция — Ыджыт туй вывся ям станциялӧн реконструкция (2025 во гожумшӧр кеж абу на помалӧм);
- керку — родановса кадся керку реконструкция (2025 во гожумшӧр кеж абу на помалӧм).
«Страна Вису» этнопаркын
Уджалӧм
Этнопаркас вовлӧмыс вештана. Локны позьӧ организуйтӧм туристическӧй группаӧн. Ны понда чулӧтсьӧны быдкодь вежалуннэз роч да коми-пермяцкӧй календарь сьӧрті да гӧтрасьӧммез.
Этнопаркас уджалӧ Майкар этнографическӧй киподаин, кытӧн Евгений Смертин кипод увтын Майкар коррекционнӧй школаись велӧтчиссезӧс велӧтчӧны пу керӧтан да гор тэчан уджжезӧ[7][8].
Пасйӧттэз
- ↑ Майкор, городище. База данных "Памятники, памятные знаки, исторические здания и места Коми-Пермяцкого округа" рус.. Коми-Пермяцкий окружной государственный архив. Видзӧтӧм 21 Гожумшӧр 2025.
- ↑ Елена Истомина. Землянка для туриста. В Прикамье бывший учитель строит этнографический парк, Аргументы и факты (20 Гожумпом 2014). Дата обращения: 21 Гожумшӧр 2025.
- ↑ 1 2 Елена Истомина. В Майкоре строят старинное жилище 10 века, Парма-Новости (21 Гожумпом 2014). Дата обращения: 21 Гожумшӧр 2025.
- ↑ Регина Бартули. Мистика и пистики. Что можно увидеть и где побывать в Коми-Пермяцком округе?рус., Business Class (24 марта 2025). Дата обращения: 18 Гожумшӧр 2025.
- ↑ 1 2 «Страна Вису»: страна этники и удивительной природы рус.. Наш Урал (2020-10-23). Видзӧтӧм 18 Гожумшӧр 2025.
- ↑ Варвара Гусева. Маршрут по Юсьвинскому району: старинные церкви, коты-священники и другие интересности, Наш Урал (29 Аршӧр 2020). Дата обращения: 21 Гожумшӧр 2025.
- ↑ На излёте учебного года продолжили совместный проект с Майкорской ОШИ рус.. Этнопарк "Страна Вису", ВК (). Видзӧтӧм 21 Гожумшӧр 2025.
- ↑ Евгений Смертин С первого сентября 2024 года заработал ещё один совместный проект рус. (2024-11-19). Видзӧтӧм 21 Гожумшӧр 2025.
Ыстӧттэз
- Этнопарк «Страна Вису» ВКонтакте