Коми отирлӧн паськӧм

Коми отирлӧн паськӧм — коми отирлӧн паськӧм, кӧмкӧт, мичатор да юрвоттэзісь комплекс. Ӧння кадӧ традиционнӧйӧн лыддиссьӧ аскерӧм паськӧм, кӧдӧ новйисӧ XIX сёво помын да XX сёво одзын. Сэсся комиэс пондісӧ новйыны унажыксӧ небӧм паськӧм^[1].

"Шондібан" ансамбль коми вежалунся паськӧмын.

Айпӧлӧс паськӧм

Комплексӧ пырӧны асвурӧм йӧрнӧс да вешьян^[2]. Йӧрнӧссэсӧ новйисӧ вешьяннэз вылӧ лэдзӧмӧн. Быдлунся йӧрнӧссэс радзза гӧрд-чӧчком (гӧрд-лӧз, гӧрд-веж-чочком) дӧраись. Вежалунсяэс унажыксӧ чочком сӧдз дӧраись, серӧтӧмӧсь сикӧджӧт, соссэзӧт да увті^[3]. Сикӧджыс оссьӧ веськытладорсяняс. Вурӧм кык кунлӧсӧн. Йӧрнӧс вевдӧрас лупьинса новьисӧ серӧтӧм запон. Вешьянсӧ вурлісӧ виззя дӧраись. Иньвенса, гайнса, лупьинса новйисӧ лӧз-чочком виззяӧсь, косинчи — веж-гӧрд-лӧз виззяӧсь. Кӧдзытувья вешьян увтас кышӧтлісӧ дӧра вешьян. Вешьяннэс кунлӧсаӧсь, пидзӧс увдӧрӧдз.

Коккезӧ пидзоссэдз кышӧтлісӧ дӧракӧммез нето чӧрӧссэз, дӧра идззез. Кӧмавлісӧ нинкӧммез, вӧрын уджалікӧ колыссэз, котіэз, сёрӧнжын кучикись сапоггез. Тӧлӧн кӧмавлісӧ пимиэз, гынкоккез.

Вевдӧрӧ кышӧтлісӧ шабур нето дукӧс, поньток, тӧлӧн — пась.

Юрвоттэз вӧлісӧ аскерӧмаӧсь. Лупьинса кышӧтлісӧ нёльпельӧса чочком нойись вурӧм да сьӧд кучикӧн нето нойӧн дорӧсалӧм ной нима юрвот, вӧралікӧ кышӧтлісӧ нёльпельӧса руд нойись вурӧм юрвот. Иньвенса да ойвывся комиэс — чочкӧм гынись керӧм юрвоттэз.

Тодиль паськӧмӧн вӧлі лузан (лаз, ваз, вузан), сійӧ новйисӧ вӧралікӧ медвевдӧрын.

Иньпӧлӧс паськӧм

Том ичмонь язьвинса сюра кокошникӧн.

Иньпӧлӧс вывся паськӧм комплексыс ӧксьӧ йӧрнӧсісь да дубасісь^[2]. Йӧрнӧсыс кузь, кык тора. Вевдӧрсясӧ — сос — вурисӧ радзза дӧрись, чочкӧм сӧдз дӧраись, гӧрд дӧраись. Увдӧрсӧ — мыгсӧ — чорыт дӧраись. Чочком дӧраись йӧрнӧссэсӧ серӧтлісӧ ӧктӧмӧн кыйӧмторрезӧн сикӧджӧт, соссэзӧт. Одзза йӧрнӧссэз вӧлісӧ вурӧмӧсь пельпоннэзӧн, сэсся модаӧ пырисӧ кӧрӧмӧн ӧктӧм моросаӧсь.

Дубассэсӧ вурлісӧ раддза дӧраись да серрезӧн лӧзӧтӧм дӧраись^[4]. Дубас вевдӧрӧ кышӧтлісӧ раддза дӧраись нето чочком дӧраись одздӧра. Кӧсын да Гайныын одздӧраыс вевттис морос, инвенсалӧн — коссянь пидзӧсви. Одздӧра вылас кӧртавлісӧ аскыйӧм серреза йиэз, тугья да голькиэза покроммез, киззеза костыррез.

Коккезӧ пидзоссэдз кышӧтлісӧ дӧракӧммез нето чӧрӧссэз, дӧра идззез. Кӧмавлісӧ нинкӧммез, вӧрын уджалікӧ колыссэз, котіэз, сёрӧнжын кучикись сапоггез. Тӧлӧн кӧмавлісӧ пимиэз, гынкоккез.

Вевдӧрӧ кышӧтлісӧ шабур нето дукӧс, поньток, тӧлӧн — пась.

Гӧтрасьӧм бӧрын инькаэзлӧ эз позь мыччасьны юрвоттӧг. Иньвенса кышӧтлісӧ гӧрд, серӧтӧм трапеция кодь бӧрӧн шамшураэз, Кӧчын, Гайныын, лупьинса кышӧтлісӧ сюра кокошниккез, Кӧсын стяжитӧм, квадрат кодь бӧра самшураэз. Быдлаын чышьянасьлісӧ. Вежалунся чышьяннэсӧ сырйӧтлісӧ^[5]. Тӧлӧн новйисӧ кӧчгӧнісь кыйӧм кыз чышьяннэз.

Лыддьӧтан

Чагин Г.Н., Климов В.В., Караваева Л. В. Коми-пермяцкий национальный костюм: Из собрания Коми-Пермяцкого окружного краеведческого музея им. П.И. Субботина-Пермяка: Альбом-каталог / Редактор Г. Н. Чагин. – Кудымкар; Пермь: Коми-Пермяцкое книжное издательство; Пермское книжное издательство, 2006. – [87] с.
Коми-пермяцкая народная одежда. Мультимедийный диск. – С-Петербург: издательство «Маматов», 2009.
Теплоухов А.Ф. Женские головные уборы пермяков и их отношение к головным уборам местного населения. Ежегодник Пермского Губернского Земства. Вып. 2. Пермь, 1916. – 374 с : ил.
Белицер В. Н. Очерки по этнографии народов коми ХIX – начало XX века. М., 1958 г.
Крестьянская одежда населения европейской России. (XIX - начало XX в.) [Текст] : Определитель / [Лит. обраб. Н. И. Воробьева и А. А. Лебедевой] ; [Отв. ред. А. А. Лебедева] ; М-во культуры РСФСР. Науч.-исслед. ин-т культуры. - Москва : Сов. Россия, 1971. - 365 с.
Федорова Г. А. Традиционный кокошник владимиро-суздальского типа и его вариации на Русском Севере и среди коми-пермяков // Народный костюм и обрядность на Русском Севере: материалы VIII Каргопольской научной конференции. Каргополь, 2004. С. 267-283.
Черных А.В. Коми-пермяки на фотографиях второй половины ХIХ - начала ХХ вв. : этнографический альбом / А. В. Черных ; Администрация губернатора Пермского края, Департамент внутренней политики, Российская академия наук, Уральское отделение, Пермский федеральный исследовательский центр [и др.]. - Санкт-Петербург : Маматов, 2021. - 369, [2] с., [4] л. ил., карт. : ил. ; 30 см. - (Этнографический альбом).
Черных А.В. Народы Пермского края. Культура и этнография. - Пермь: Издательство "Пушка", 2007
Мальцева Н.А. Традиционное декорирование одежды коми-пермяками: вчера и сегодня // Вестник Пермского федерального исследовательского центра. 2015. №4.

Пасйӧттэз

↑ Чагин Г.Н., Климов В.В., Караваева Л. В. Коми-пермяцкий национальный костюм: Из собрания Коми-Пермяцкого окружного краеведческого музея им. П.И. Субботина-Пермяка: Альбом-каталог / Редактор Г. Н. Чагин. – Кудымкар; Пермь: Коми-Пермяцкое книжное издательство; Пермское книжное издательство, 2006. – [87] с.
↑ ¹ ² Черных А.В. Народы Пермского края. Культура и этнография. - Пермь: Издательство "Пушка", 2007
↑ Мальцева Н.А. Традиционное декорирование одежды коми-пермяками: вчера и сегодня // Вестник Пермского федерального исследовательского центра. 2015. №4.
↑ Белицер В. Н. Очерки по этнографии народов коми ХIX – начало XX века. М., 1958 г.
↑ Теплоухов А.Ф. Женские головные уборы пермяков и их отношение к головным уборам местного населения. Ежегодник Пермского Губернского Земства. Вып. 2. Пермь, 1916. – 374 с : ил.

[1] Чагин Г.Н., Климов В.В., Караваева Л. В. Коми-пермяцкий национальный костюм: Из собрания Коми-Пермяцкого окружного краеведческого музея им. П.И. Субботина-Пермяка: Альбом-каталог / Редактор Г. Н. Чагин. – Кудымкар; Пермь: Коми-Пермяцкое книжное издательство; Пермское книжное издательство, 2006. – [87] с.

[:0-2] ¹ ² Черных А.В. Народы Пермского края. Культура и этнография. - Пермь: Издательство "Пушка", 2007

[3] Мальцева Н.А. Традиционное декорирование одежды коми-пермяками: вчера и сегодня // Вестник Пермского федерального исследовательского центра. 2015. №4.

[4] Белицер В. Н. Очерки по этнографии народов коми ХIX – начало XX века. М., 1958 г.

[5] Теплоухов А.Ф. Женские головные уборы пермяков и их отношение к головным уборам местного населения. Ежегодник Пермского Губернского Земства. Вып. 2. Пермь, 1916. – 374 с : ил.

[1]

[2]

[3]

[4]

[5]