Майкар (важся кар)

Босьтöм Рувикиись

Майкар (рочӧн Майкорское (Туманское) городище) — родановскӧй археологическӧй культураись важся кар. Аркмӧм X-XIII сёвоэзӧ. Федеральнӧй статуса археология памятник[1].

Инас

Важся карыс иналӧ Майкар лун-рытвыв дорын, Иньва ю пруд ойвыв вадӧрын[1]. Важ карыслӧн ыждаыс — 9,4 га[2]. Ордччӧн сыкӧт Майкар важся шойна (IX‒XIII св.)[3]. Важся карыс быдсӧн ӧння кадся керкуэз да карчйӧррез увтын[2].

Туялӧм

1938 воӧ важся карсӧ туяліс М. В. Талицкий, сія керис план да ӧктіс адззӧссэсӧ неыджыт коллекцияӧ[4]. 1996 воӧ важся карсӧ туяліс Камскӧй археолого-этнографическӧй экспедицияись А. В. Данич[2].

Майкарас да сы гӧгӧрын вӧлісӧ керӧмӧсь важ кадся торья адззӧссэз.[5]

Ним аркмӧм

А. С. Кривощёкова-Гантман сьӧрті, Майкар нимыс аркмӧм кык коми кывья кывторись: медодззаыс «‎мӧй» (мой, май) кывтор, сія ӧтлаӧтӧм «‎кар» кывторкӧт. Перем ӧткылын -кар (-кор) компонент вежӧртаснас вӧлі «йӧрйӧм оланаин», «увтыр оланаин». Сідз, Майкар лоӧ «Май увтырлӧн кар»[6].   

Культураын

  • Василий Климов Кудым-Ош йылісь циклын эм важся висьт, кӧда сьӧрті Кудым-Ошыслӧн эмӧсь кык ыджытжык вон — Купра да Май.[7] Купраыс аркмӧтӧма Купрӧс, Майыс — Майкар.
  • Алексей Иванов «Пармалӧн сьӧлӧм» (рочӧн «Сердце пармы») романын гижӧм Майкор нимӧн, романас Майкарнас юралӧ Елог нима пам.

Пасйӧттэз

  1. ↑ 1 2 Майкорское (Туманское) городище // Сведения из Единого государственного реестра объектов культурного наследия (памятников истории и культуры) народов Российской Федерации
  2. ↑ 1 2 3 Акт государственной историко-культурной экспертизы документов, обосновывающих включение выявленного объекта культурного наследия – «Майкорское (Туманское), городище» расположенного по адресу: Пермский край, Юсьвинский муниципальный Округ, п. Майкор, юго-западная часть, северный берег Иньвенского пруда, в Единый государственный реестр объектов культурного наследия (памятников истории и культуры) народов Российской Федерации // Государственная инспекция по охране объектов культурного наследия Пермского края
  3. ↑ [Майкор, могильник] База данных «Памятники, памятные знаки, исторические здания и места Коми-Пермяцкого округа» // Коми-Пермяцкий окружной государственный архив
  4. ↑ [Майкор, городище] База данных «Памятники, памятные знаки, исторические здания и места Коми-Пермяцкого округа» // Коми-Пермяцкий окружной государственный архив
  5. ↑ [Географический указатель: Майкор, п.] База данных «Памятники, памятные знаки, исторические здания и места Коми-Пермяцкого округа» // Коми-Пермяцкий окружной государственный архив
  6. ↑ Кривощекова-Гантман А. С. Откуда эти названия? Пермь: Перм. кн. изд-во, 1973. — 109 с. — С. 32-33.
  7. ↑ [Кудым-Ош] Этнографическая электронная энциклопедия «‎Традиционная культура народов европейского северо-востока России»‎
Босьтӧма "https://koi.ruwiki.ru/w/index.php?title=Майкар_(важся_кар)&oldid=206644"-ись