Власова Анна Петровна

Власова Анна Петровна
Власова Анна Петровна
Чужан лун:	1941 во тулыспом 8 лун (84 года)
Чужанін:	Ошыб (Кудымкар район), Кудымкар район, Коми-Пермяцкöй автономнöй округ[d], Пермскӧй область[d], РСФСР[d], СССР[d];
Канму	СССР[d]; Российскӧй Федерация;
Удж	политик, депутат, Российскӧй Федерациялӧн Государственнӧй Думаись депутат
Донтан пассэз
	Медиафайлы на РУВИКИ.Медиа

Власова Анна Петровна (*1941) — Коми-Пермяцкӧй автономнӧй округись юралан органнэзісь функционер, Государственнӧй Думаӧ кыкись бӧрйӧм депутат.

Олантуй

Чужис 1941 во тулыспом 8 лунӧ Ошыбын^[1]. 1954 воӧ помаліс Кудымкарись шӧрӧт №3 школа. 1959 воӧ гӧрд дипломӧн помаліс Коми-Пермяцкӧй агротехникумись «Зоотехния» юкӧт. 1959-1964 воэзӧ велӧтчис Д. Н. Прянишников ним Пермскӧй сельскохозинститутын^[2]. Помалӧм бӧрын уджлаіс 1973 воӧдз уджаліс юралісь зоотехникӧн йылӧтӧм сьӧрті Кудымкарскӧй районісь «Россия» колхозын.

1973-1976 воэзӧ велӧтчис Пермскӧй селхозинститутісь аспирантураын мувидзись организацияэзӧн юралӧм юкӧтын. 1978-1980 воэзӧ вӧлі «Россия» колхоз юралісьлӧн вежлісьӧн. 1978-1980 юраліс КПСС Коми-Пермяцкӧй окружкомись мувидз отделӧн. 1980-1984 воэзӧ уджаліс КПСС Юсьвинскӧй райкомись мӧдӧдзза секретарьӧн, сэсся 1989 воӧдз — медодзза секретарьӧн. Недыр юраліс Коми-Пермяцкӧй окружнӧй статистика сьӧрті управленнёӧн. 1990-1993 воэзын уджаліс Коми-Пермяцкӧй окрисполкомись экономика комитет юарлісьӧн да Коми-Пермяцкӧй автономнӧй округлӧн администрцияись юралісьлӧн экӧномика сьӧрті вежлісьӧн.

1993 воӧ вӧлі бӧрйӧм Коми-Пермяцкӧй округсянь Государственнӧй Думаӧ (I созыв). Госдумаас пырис удж да социальнӧй политика сьӧрті комитеты, «Женщины России» фракцияӧ.

1995 воӧ вӧлі вились бӧрйӧм Государственнӧй Думаӧ (II созыв)^[3]. Кольччис удж да социальнӧй политика сьӧрті комитетас, пырис Аграрнӧй депутатскӧй группаӧ да Счётнӧй комиссияӧ. Госдумаас уджалікӧ аркмӧтіс 16 инициатива да федеральнӧй закон веськӧтлӧм^[4].

Пенсия вылын олікӧ юраліс Коми-Пермяцкӧй окружнӧй ветеран чукӧрӧн. Олӧ Кудымкарын.

Донтан пассэз

Орден «Знак Почёта»^[2]
Серебряная медаль ВДНХ^[1]

Пасйӧттэз

↑ ¹ ² Гордость Пармы : биографический справочник / [редкол.: Л. П. Ратегова, гл. ред. и др.]. – [2-е изд., стер.]. – Кудымкар : Коми-Пермяц. кн. изд-во, 2010. – 565, [1] с.
↑ ¹ ² [Власова Анна Петровна] База данных «Лидеры Прикамья» // Пермский государственный архив социально-политической истории
↑ [Власова Анна Петровна] // Государственная Дума Федерального Собрания Российской Федерации 1996-1999
↑ Официальный сайт Государственной Думы Федерального Собрания Российской Федерации. www.gosduma.net. Видзӧтӧм 30 Тулыспом 2020.

[:0-1] ¹ ² Гордость Пармы : биографический справочник / [редкол.: Л. П. Ратегова, гл. ред. и др.]. – [2-е изд., стер.]. – Кудымкар : Коми-Пермяц. кн. изд-во, 2010. – 565, [1] с.

[:1-2] ¹ ² [Власова Анна Петровна] База данных «Лидеры Прикамья» // Пермский государственный архив социально-политической истории

[3] [Власова Анна Петровна] // Государственная Дума Федерального Собрания Российской Федерации 1996-1999

[4] Официальный сайт Государственной Думы Федерального Собрания Российской Федерации. www.gosduma.net. Видзӧтӧм 30 Тулыспом 2020.

[1]

[2]

[3]

[4]