Надымова Татьяна Николаевна
| Надымова Татьяна Николаевна | |
|---|---|
 | |
| Чужан лун: | 1975 во тӧвпом 16 лун (51 год) |
| Чужанін: | |
| Канму | |
| Удж | серпасалісь |
Надымова Татьяна Николаевна (1975 во тӧвпом 16 лун, Ыджыт Сер, Пермскӧй область[d]) — кипода морт, реставратор, велӧтісь, серпасалісь, иллюстратор, Российскӧй Федерациялӧн Народнӧй мастер, Пермскӧй крайлӧн Народнӧй мастер, кыкись Пермскӧй крайлӧн культура да искусство сьӧрті премиялӧн лауреат, нёлись Коми-Пермяцкӧй округ делоэз сьӧрті Министерство премиялӧн лауреат.
Олантуй
Чужис 1975 во тӧвпом 16 лунӧ Ыджыт Серын[1]. Помаліс Серись шӧрӧт школа. 1993 воын помаліс Кудымкарись ПТУ № 4 кык специальность сьӧрті — серпасалісь да бан керӧтісь. Помалӧм бӧрын кольччис уджавны училищеас мастерӧн да велӧтісьӧн.
1994—2009 воэзын уджаліс юралісь специалистӧн Коми-Пермяцкӧй национальнӧй культураэз сьӧрті центрын.
2005 воын помаліс Уральскӧй государственнӧй педагогика университет «Декоративно-прикладнӧй искусство» специальность сьӧрті.
2010 восянь уджалӧ кыдз предприниматель[2]. Аркмӧтіс «Исток» нима киподаин, кытӧн керӧ сувениррез, вурӧ стилизованнӧй да традиционнӧй коми-пермяцкӧй паськӧм.
Олӧ Зюльганын.
Кипода удж
Уджалӧ банӧн важ да виль технологияэз сьӧрті[1]. Уджалӧ Коми-Пермяцкӧй музейын кыдз бан сьӧрті реставратор.
Туялӧ да вурӧ коми-пермяцкӧй традиционнӧй паськӧм[1].
Быд ыждаа сизим шуля нинкӧммез. Кыйис Татьяна Надымова.
Коробья. Кыйис Татьяна Надымова.
Банісь берсятор. Кыйис Татьяна Надымова.
Серпасалісь удж
1995 восянь пырӧ «Пармалӧн серапасаліссез» чукӧрӧ. Гижӧ пейзажжез да натюрморттэз, керӧ иллюстрацияэз небӧггезӧ[3]. 2020 воын Коми-Пермяцкӧй музейын чулаліс «Ловлӧн рӧммез» персональнӧй выставка.
Донтан пассэз
- 2007 — Пермскӧй крайлӧн культура да искусство сьӧрті премиялӧн лауреат;
- 2009 — Пермскӧй крайлӧн Народнӧй мастер[4];
- 2013 — Коми-Пермяцкӧй округ делоэз сьӧрті Министерство премиялӧн лауреат;
- 2017 — Коми-Пермяцкӧй округ делоэз сьӧрті Министерство премиялӧн лауреат;
- 2017 — Пермскӧй крайлӧн культура да искусство сьӧрті премиялӧн лауреат;
- 2019 — Коми-Пермяцкӧй округ делоэз сьӧрті Министерство премиялӧн лауреат «Изобразительнӧй, декоративно-прикладнӧй, кино-, фотоискусство» номинацияын «Нинкöмок шагнялö Парма му вылöт» проект понда[5];
- 2021 — Коми-Пермяцкӧй округ делоэз сьӧрті Министерство премиялӧн лауреат «Изобразительнӧй, декоративно-прикладнӧй, кино-, фотоискусство» номинацияын «Ӧння кадся мичӧтаннэз (банісь сикӧджжез) сувенир серия» понда[6];
- 2025 — Российскӧй Федерациялӧн Народнӧй мастер[7].
Пасйӧттэз
- ↑ 1 2 3 Надымова Татьяна Николаевна // Город мастеров. ГКБУК «Коми-Пермяцкий этнокультурный центр». Видзӧтӧм 11 Одзар 2025.
- ↑ ИП Надымова Татьяна Николаевна. Электронная база данных "Заповедный сувенир России". Видзӧтӧм 11 Одзар 2025.
- ↑ Надымова Татьяна Николаевна. Пермская краеведческая электробиблиотека (2018-09-04). Видзӧтӧм 11 Одзар 2025.
- ↑ Народные мастера Пермского края // Надымова Татьяна Николаевна. Пермский дом народного творчества «Губерния». Видзӧтӧм 11 Одзар 2025.
- ↑ Состоялось вручение национальных премий. Министерство по делам Коми-Пермяцкого округа Пермского края (2020-09-16). Видзӧтӧм 11 Одзар 2025.
- ↑ «Кужись киэз», «Виль дубас», «Ассяма горт» и другие. 28.06.2022 Министерство по делам Коми-Пермяцкого округа
- ↑ Коми-пермячке первой в Прикамье присвоили звание «Народный мастер России». Министерство культуры Пермского края (2025-09-09). Видзӧтӧм 11 Одзар 2025.