Курӧгкар (важся кар)

Босьтöм Рувикиись

Курӧгка́р (рочӧн поселение-городище Борино, Боринское городище, Мокинское городище, Курэгкар, Курегкар) — ломоватовскӧй да родановскӧй археологическӧй культураэзісь важся кар. Аркмӧм VII-VIII сёвоэзӧ. Федеральнӧй статуса археология памятник[1].

Инас

Курӧгкарыс иналӧ Кочёвскӧй районісь Борина деревнясянь 1,6 км ылынаын, Онолва ю шульга вадӧрын. Ыждаыс — 11,6 сюрс м²[2]. Курӧгакарыс дынын эмӧсь мӧдік археология памятниккез — 2 км ылынаын Урья важся шойна (рочӧн Урьинский могильник)[3], 5 км ылынаын Ыджыт Коча важся шойна (рочӧн Большая Коча, могильник)[4] да Учӧт Коча важся горт (рочӧн Малая Коча, селище)[5].

Туялӧм

Курӧгкар 2014 во аршӧрӧ.

Важся карсӧ датируйтӧны кык нёж: VI–VIII[6] сёвоэзӧн да X–XIII[7] сёвоэзӧн.

Памятникыс тӧдса XIX сёвосянь. 1886 воӧ видзӧтны Курӧгкарсӧ вӧвлӧм И.Я. Кривощёков. Сы сьӧрті важся карыслӧн ыждыс вӧлӧм 227 м² мымда. Тӧдчӧма 370 м кузя да 2 м вылына мудйӧт[8]. Сія кадӧ сэтӧн гӧрсьӧмась. Гӧрлікас мусис петавлӧмась «чучкӧй чачаэз». Кривощёковыс неблӧма нійӧ Теплоуховвез коллекция понда.

1952 воӧ Курэгкарсӧ туялӧм В.Ф. Генинг[6], 1973 воӧ — К.М. Русанова, 2014 воӧ — С.И. Абдулова[7]. 2018 воӧ Курӧгкарсӧ туяліс Камскӧй археолого-этнографическӧй экспедициялӧн отряд[7]. Сы кадӧ важся карыс быдсӧн ни вӧлӧм рассялӧм[7].

Ним аркмӧм

Важся карыс тӧдса унажыксӧ Курӧгкар нимӧн. Эта нимлісь этимологиясӧ видзӧны тӧдсаӧн. Нимыс аркмӧм кык коми кывья кывтор ӧтлаӧтӧмӧн. Медодззаыс «курӧг» кыв, сія ӧтлаӧтӧм «‎кар» кывторкӧт[6]. А. С. Кривощёкова-Гантман сьӧрті -кар (-кор) компонентыс перем ӧткывья вежӧртаснас вӧлі «йӧрйӧм оланаин», «увтыр оланаин»[9]. Керӧссӧ, кӧда вылын важся карыс, оліссес шуӧны Курöгкармыс нето Чöлпанамыс[6]. Архивнӧй материаллэзын да кӧркӧся публикацияэзын важся карсӧ гижӧмась кыдз Куроп-кар, Куркар, Курикар, Курылкар[6]. Медбӧрья нимсис одзись компонентыс Курыл- аркмӧм «курöг» да «кырыл» кыввез контаминацияӧн[6].

Культураын

  • В. В. Климов Кудым-Ош йылісь висьтасын да преданнё варианттэзын касьтылӧ Курӧгкарсӧ кыдз кар, кытчӧ Кудым-Ошлӧн айыс, Сылпанісь пам, ветлӧма тышкасьны[10].
  • К. Ф. Жаков «По Косе и Иньве»[11] очеркын гижис Курӧгкарыс йылісь (шуӧм Курӧг-Карӧг[6]): отирас баитӧны, дзебӧмась пӧ сэтчӧ эзысісь дорӧм ыбӧссэз да 40 додь сьӧм. Кин пӧ гарйяс, лоас мыжйӧм, лэбас сэк ыджыт тышк.
  • Ӧння кадӧ Курӧгкарас чулӧтсьӧны экскурсияэз[12] да акцияэз[13][14], сія пырӧ турмаршрутӧ Кӧчёвскӧй районӧт.

Пасйӧттэз

  1. ↑ [Борино, поселение-городище] Сведения из Единого государственного реестра объектов культурного наследия (памятников истории и культуры) народов Российской Федерации
  2. ↑ Приказ СЭД-27-01-10-430 от 16.08.2016 Об установлении границ территории, предмета охраны и режима использования территории объекта археологического наследия – памятника «Борино, поселение-городище» // Государственная инспекция по охране объектов культурного наследия Пермского края
  3. ↑ [Урьинский могильник] Сведения из Единого государственного реестра объектов культурного наследия (памятников истории и культуры) народов Российской Федерации
  4. ↑ [Большая Коча, могильник] Сведения из Единого государственного реестра объектов культурного наследия (памятников истории и культуры) народов Российской Федерации
  5. ↑ [Малая Коча, селище] Сведения из Единого государственного реестра объектов культурного наследия (памятников истории и культуры) народов Российской Федерации
  6. ↑ 1 2 3 4 5 6 7 Голева Т. Г. Предания коми-пермяков о древнем городище Курэгкар // Труды КАЭЭ ПГПУ. 2021. №19.
  7. ↑ 1 2 3 4 Половников Л. В. Результаты археологической разведки в Кочёвском муниципальном районе Пермского края в бассейне реки Онолвы в 2018 году // Труды КАЭЭ ПГПУ. 2024.
  8. ↑ Кривощеков, Иван Яковлевич. Словарь географическо-статистический Чердынского уезда Пермской губернии : с приложением карты бассейна р. Камы и иллюстрациями / И. Я. Кривощеков. — Пермь : Чердын. уезд. земство, 1914. — [2], II, [2], 819, [2] с., [5] л. ил., карт. — С. 87, 233-234.
  9. ↑ Кривощекова-Гантман А. С. Откуда эти названия? Пермь: Перм. кн. изд-во, 1973. 109 с. — С. 31.
  10. ↑ [Кудым-Ош] Этнографическая электронная энциклопедия «‎Традиционная культура народов европейского северо-востока России»‎
  11. ↑ Жаков К. Ф. По Иньве и Косе. Этнографический очерк // Живая старина. – 1903. – Вып. 4. – С. 409–421.
  12. ↑ Василий Гагарин: спасти чудь / Большая страна: люди / Программы // Общественное телевидение России
  13. ↑ На древнем городище в Коми-Пермяцком округе зажгут огонь памяти 20.09.2016 // 59.ru
  14. ↑ В Кочёвском районе состоялись этнокультурные соревнования «Вöралiсь туй» / 21 июня 2017 // ГБУ «Пермский краевой учебно-методический центр военно-патриотического воспитания молодежи «Авангард»

Ыстӧттэз

Босьтӧма "https://koi.ruwiki.ru/w/index.php?title=Курӧгкар_(важся_кар)&oldid=209109"-ись