Кудымкарлӧн герб
| Кудымкарлӧн герб | |
|---|---|
.gif) | |
| Версии | |
 |
|
| Ассяматоррез | |
| Бурсьӧтӧм | 2008 во тулысшӧр 25 лун |
Кудымкарлӧн герб (рочӧн герб Кудымкара) — геральдика сьӧрті лӧсьӧтӧм пас, кӧда лоӧ карлӧн медшӧр официальнӧй символӧн. Муниципальнӧй герб вӧлі вынсьӧтӧм Кудымкар карся дума 2008 во тулысшӧр 25 лунся № 57 постановленнёӧн, пыртӧм РФ-лӧн канмуся геральдическӧй регистрӧ 4017 номерӧн[1].
История
.gif)
Кудымкарлӧн медодзза герб вӧлі бурсьӧтӧм 1983 во гожумшӧр 14 лунӧ Кудымкар карся исполком № 159 решеннёӧн[2]. Герб проектлӧн автор — Коми-Пермяцкӧй драмтеатрлӧн юралісь художник Дмитрий Евстигнеев.
Лӧз вевья пӧв вылын зарни рӧма ош стилизуйтӧм кӧз уввез да шогді шеппез коласын, кӧдна ӧтлаасьӧны зарни орнамент элементӧн гӧрд лентаӧн. Пӧв вывдӧрас - зарни рӧма стилизуйтӧм шыпассэзӧн гижӧм карлӧн ним - "Кудымкар".
Евстингнеев проект сьӧрті гербыс вӧлі вились бурсьӧтӧм Кудымкар карся думаӧн 1996 во тулысшӧр 12 лунся № 39 постановленнёӧн.
1997 воӧ вӧлі бурсьӧтӧм герблӧн мӧдӧдзза редакция (арпом 26 лунся № 71 постановленнёӧн). Сы композицияыс вӧлі вежӧм[2].
Герблӧн ӧнняся редакцияыс (Виталий Оньков проект сьӧрті) вӧлі вынсьӧтӧм Кудымкар карся дума 2008 во тулысшӧр 25 лунся № 4017 постановленнёӧн. Гербыс пыртӧмРоссийскӧй Федерациялӧн канму геральдика сьӧрті регистрӧ4017 номерӧн.
Эзысь пӧв вылӧт мунӧ гӧрд рӧма ош, сы юр вевдӧрын шульга ладорын лӧзвевья перна.
Символика
Ош, кыдз коми-пермяцкӧй эпосісь медшӧр персонаж, символизируйтӧ одзлань мунӧм, мыла да вын, лӧнь радейтӧм; коми-пермяцкӧй орнаментісь «перна» элемент мыччалӧ важынся аркмӧм, пырся кад, шуд. Пӧв вылас эс вит сюра юркытш, кіда мыччалӧ кар статус[3].
Пасйӧттэз
- ↑ Герб города Кудымкара. Коми-Пермяцкая центральная национальная библиотека им. М. П. Лихачёва (2022-11-22). Видзӧтӧм 4 Одзар 2025.
- ↑ 1 2 Герб г. Кудымкар. Русский Центр флаговедения и геральдики. Видзӧтӧм 9 Тулысшӧр 2025.
- ↑ Герб города Кудымкар. Геральдика.ру. Видзӧтӧм 4 Одзар 2025.