Евстигнеев Дмитрий Сергеевич
| Евстигнеев Дмитрий Сергеевич | |
|---|---|
| Чужан лун: | 1930 во тӧвпом 18 лун |
| Чужанін: | |
| Кулан лун: | 2012 во гожумпом 2 лун (82 года) |
| Куланін: | |
| Канму | |
| Удж | серпасалісь |
Евстигнеев Дмитрий Сергеевич (1930 во тӧвпом 18 лун, Ленинград — 2012 во гожумпом 2 лун, Кудымкар) — Российскӧй Федерациялӧн Заслуженнӧй серпасалісь, К. С. Станиславский нима Госпремиялӧн лауреат, Коми-Пермяцкӧй театрись юралісь серпасалісь.
Олантуй
Чужис 1930 во тӧвпом 18 лунӧ Ленинградын[1]. 1941 воӧ гожупомӧ, Великӧй Отечественнӧй война пондӧтчиккоста, мам-бабнас локтіс Коми-Пермяцкӧй округӧ эвакуацияӧ. Олісӧ Полваын[2]. Война бӧрын бертісӧ Ленинградас. Сэтчин Дмитрий Евстигнеевыс помаліс шӧрӧт школа. 1947 воӧ бертісӧ пыр кеж Коми-Пермяцкӧй округӧ, овмӧтчисӧ Кудымкарӧ.
Помаліс Коми-Пермяцкӧй музей дынся художственнӧй студия, велӧтісьнас вӧлі Андрей Горкунов. 1952 воӧ помаліс Кудымкарись уджалісь томпӧлӧс школа. Кысъяліс армияын. Демобилизация бӧрын уджаліс Кудымкарын ВЛКСМ горкомын да Кудымкарскӧй лесотехникумын.
1957 восянь 40 во сьӧрна уджаліс Коми-Пермяцкӧй театрын[1]. Уджаліс бутафорӧн, декораторӧн, серпасалісьӧн. 1965–1997 воэзӧ вӧлі юралісь серпасалісьӧн.
1997 воӧ петіс пенсия вылӧ.
Куліс 2012 во гожумпом 2 лунӧ Кудымкарын[3].
Иньыс — Татьяна (гортся нимыс Нина) Евстигнеева, окружнӧй больницаись главнӧй медсестра[3].
Удж
Коми-Пермяцкӧй театрын уджалікӧ керис декорацияэз 150-ся унажык спектакль понда[1]. 1983 воӧ «Снегурочка» спектакль декорацияэз понда лоис К. С. Станиславский нима Государственнӧй премиялӧн лауреатӧн.
Декорацияэз киння уна серпасаліс ас понда. 1995 воӧ Коми-Пермяцкӧй музей понда керис «Заводы Верхнего Прикамья» экспозиция. Коми-Пермяцкӧй краеведческӧй музейын видзӧны Д. С. Евстигнеевлісь 59 серпас[4]. 2015 воӧ Коми-Пермяцкӧй театрын чулаліс сы персональнӧй выставка[5]. 2018 воӧ музейын вӧлі осьтӧм «Жил-был художник один...» нима персональнӧй выставка[4].
Донтан пассэз
Пасйӧттэз
- ↑ 1 2 3 4 5 [Евстигнеев Дмитрий Сергеевич] Гордость Пармы : [биографический справочник]. — Кудымкар : Коми-Пермяцкое книжное издательство, 2008. — 568 с. — С. 58.
- ↑ Кудымкар стал его судьбой // Коми-Пермяцкий национальный драматический театр им. М. Горького
- ↑ 1 2 [Евстигнеев Дмитрий Сергеевич] Архивная коллекция документов личного происхождения театральных деятелей Коми-Пермяцкого драматического театра им. М. Горького // Архивы Прикамья
- ↑ 1 2 [Театральный художник Дмитрий Сергеевич Евстигнеев] Виртуальная художественная галерея «Я о лишь пишу, чем живу и дышу...» // Коми-Пермяцкий краеведческий музей им. П. И. Субботина-Пермяка
- ↑ В театре Кудымкара поминают бывшего главного художника. 18.02.2015 // Парма-Новости. Видзӧтан кад: 28.10.2024.