Крохалев Матвей Павлович
| Крохалев Матвей Павлович | |
| Чужан лун: |
1926’ вося одзар 1 лун |
|---|---|
| Чужанін: | |
| Кулан лун: |
2008’ вося аршӧр 29 лун (82 год) |
| Куланін: | |
Крохалев Матвей Павлович (1926—2008) — Социалистическӧй Удж Герой, Коми-Пермяцкӧй автономнӧй округлӧн почётнӧй гражданин.
Олантуй
Чужис 1926 во одзар 1 лунӧ Афонинаын, Юсьвинскӧй районын. Быдмис айтӧг. Челядькадсянь отсаліс мамыслӧ — Мария Петровналӧ — шедтыны деньга: весӧтчис колхознӧй ыббез вылын, уджаліс вӧла вартанӧн. 1938 воӧ, нёль класс помалӧм бӧрсянь, пырис Дзержинскӧй нима колхозӧ.
1943 воӧ босьтісӧ РККА-ӧ. Сэтчин лоис сапёрӧн. 1944 во одзгожумӧ Витебск дынын вӧлі ӧддьӧн дойдӧм, джын во куйліс госпитальын Ивановоын. Веськалӧм бӧрсянь, 1944 во одзтӧлӧ, бертіс фронт вылӧ, воюйтіс 3-ӧт Белорусскӧй фронт вылын 24 гвардейскӧй стрелковӧй дивизияын пулемётчикӧн. 1946 воӧ демобилизуйтчис.
Гортас бертӧмсянь уджаліс колхознӧй дорсянінын. 1947 воӧ помаліс Юсьваись мувӧдитӧм механизация училище, сы бӧрын уджаліс трактористӧн, бригадираліс Юсьвинскӧй МТС тракторнӧй паркӧн. 1957 воӧ помаліс комбайнёр курссэз, медодззаӧн Архангельскӧй сельсоветын пондіс веськӧтлыны эта техникаӧн. Пенсия вылӧ петӧмӧдз уджаліс комбайнёрон «Совет» колхозын.
Унаись вӧлі шуӧм Коми-Пермяцкӧй округын медбурӧн аслас профессияын. 1970-ӧт воэзын том комбайнёррез одзасисӧ Крохалев нима приз понда, сійӧ аркмӧтіс комсомол окружком[1]. Медодззаэз коласын Одним из первых в стране он получил знак ЦК ВЛКСМ «Наставник молодежи».
Унаись вӧлі борйӧм депутатӧн местнӧй, районнӧй да областнӧй Советтэзӧ, КПСС окружкомись да Юсьвинскӧй райкомись член, ветліс делегатӧн 3 Всесоюзнӧй колхозниккезлӧн съезд вылӧ (1969) да 24 СССР-ись профсоюззэзлӧн съезд вылӧ (1968).
1986 воӧ петіс пенсия вылӧ. Оліс иньыскӧт — Галина Павловнакӧт — Чинагортын.
2000 воӧ вӧлі корӧм Победа парад вылӧ да Россиялӧн Президент В.В. Путин вежалунся приём вылӧ[2].
Куліс 2008 во аршӧр 29 лунӧ. Дзебӧм Архангельскӧй шойнаын.
Донтан пассэз
- 1945 — Гӧрд кӧдзув Орден, 2 степеня Слава Орден, 3 степеня Слава Орден, «За отвагу» медаль
- 1957 — РСФСР-лӧн Заслуженнӧй механизатор
- 1966 — Социалистическӧй Удж Герой[1]
- 1971 — Октябрьскӧй Революция Орден
- 1985 — 1 степеня Отечественнӧй война Орден
- 2000 — Коми-Пермяцкӧй автономнӧй округлӧн почётнӧй гражданин
Морт йылісь
- Звезды // Герои Труда.— Пермь, 1975.
- Гордость Пармы : биографический справочник / [редкол.: Л. П. Ратегова (гл. ред.) и др.]. - Кудымкар : Коми-Пермяцкое книжное изд-во, 2008. - 563, [3] с. : портр.; 25 см.; ISBN 978-5-87901-121-0
- Герои Прикамья: Биографический справочник / Составитель З. Р. Козлова. – Пермь, 2006.
Пасйӧттэз
- ↑ 1,0 1,1 Крохалев Матвей Павлович.недоступная ссылка
- ↑ ЛИЧНЫЙ ФОНД КРОХАЛЕВА МАТВЕЯ ПАВЛОВИЧА.недоступная ссылка