Коми-Пермяцкӧй округлӧн герб
| Коми-Пермяцкӧй округлӧн герб | |
|---|---|
.png) | |
| Ассяматоррез | |
| Бурсьӧтӧм | 2009 во аршӧр 9 лун |
| Юркытш | князь юркытш |
| Пӧв | французскӧй нёльпельӧса ёся увта |
Коми-Пермяцкӧй округлӧн герб (рочӧн герб Коми-Пермяцкого округа) — Пермскӧй крайись Коми-Пермяцкӧй округлӧн официальнӧй символ, Пермскӧй крайлӧн канмуся символлэзісь ӧтік.
Ӧння кадся Коми-Пермяцкӧй округлӧн герб вӧлі бурсьӧтӧм 2009 во аршӧр 7 лунся № 502 Пермскӧй крайлӧн «Пермскӧй крайись Коми-Пермяцкӧй округлӧн герб йылісь» законӧн[1] да пыртӧм Российскӧй Федерациялӧн канму геральдика сьӧрті регистрӧ 5550 номерӧн[2].
Гижалӧм
Коми-Пермяцкӧй округлӧн герб — куим рӧма геральдика пӧв, кӧдалӧн рӧммес мыччалӧны Коми-Пермяцкӧй округлісь дӧрапаслісь рӧммез да Россия канмуӧ пырӧмсӧ. Пӧвыс куим ота.
Гӧрд отын — эзысь перна, эзысьын — гӧрд мунісь ош. Пӧв вевдӧрас — князь юркытш.
Рӧммес — гӧрд, чочком да лӧз — коми отирлӧн медрадейтана да олӧмын тшӧка пантасяна рӧммез. Гӧрд рӧма от шӧрас — чочкӧм рӧма перна, кӧда символизируйтӧ важсянь аркмӧм да туйвизь. Шӧрӧт, чочком рӧма от шӧрас мыччалӧм гӧрд ош, сія символизруйтӧ зорӧтӧм, одзлань мунӧм, чорыт мывкыд, бур вын, лӧнь да рам характер. Лӧз рӧмыс мыччалӧ енӧж, ва да вӧр паськыта[3].
История
Коми-Пермяцкӧй автономнӧй округлӧн герб вӧлі бурсьӧтӧм «Коми-Пермяцкӧй автономнӧй округлӧн герб йылісь» № 9 законӧн, сійӧ округлӧн Законодательнӧй собраннё примитіс 1996 во тӧвпом 12 лунӧ да тӧвпом 19 лунӧ кырымпасаліс администрациялӧн юралісь Николай Полуянов. Законыс лоис вына 1996 во тӧвпом 24 лунсянь[2].
Сы автореззӧн вӧлісӧ история доктор Андрей Белавин, коми гижись Василий Климов, этнограф, орнамент туялісь Галина Климова да серпасалісь Виталий Оньков[2].
1997 во одзгожум 27 лунӧ законас вӧлі пыртӧм вежсьӧм — конкретизируйтӧм «перна» вежӧртас. Законыс лоис вына 1997 во гожумшӧр 14 лунсянь. 2005 во одзтӧв 1 лунӧ Пермскӧй область да Коми-Пермяцкӧй автономнӧй округ ӧтлаасисӧ Пермскӧй крайӧ. 2007 во аршӧр 3 лунся «Пермскӧй крайлӧн герб йылісь» Пермскӧй крайлӧн № 123 закон сьӧрті одззася гербыс вынтӧмсяліс, но кольччис 2009 воӧдз[3].
Ӧння кадся Коми-Пермяцкӧй округлӧн дӧрапас аркмӧтӧм Коми-Пермяцкӧй атономнӧй округлӧн 1996—2009 воэзся герб сьӧрті.
Пасйӧттэз
- ↑ Закон Пермского края от 7 октября 2009 г. N 502-ПК "О гербе Коми-Пермяцкого округа Пермского края". Гарант. Видзӧтӧм 14 Гожумшӧр 2025.
- ↑ 1 2 3 Административно-территориальная единица с особым статусом Коми-Пермяцкий округ. Russian Centre of Vexillology and Heraldry. Видзӧтӧм 15 Гожумшӧр 2025.
- ↑ 1 2 Одобрены флаг и герб Коми-Пермяцкого округа Пермского края Business Class (10.08.2009) Видзӧтан кад: 14.07.2025
Ыстӧттэз
- Закон Пермского края "О гербе Коми-Пермяцкого округа Пермского края" от 7 октября 2009 года №502-ПК. Администрация губернатора Пермского края. Видзӧтӧм 15 Гожумшӧр 2025.
- Герб Коми-Пермяцкого округа. Геральдика.ру. Видзӧтӧм 15 Гожумшӧр 2025.
Эта статья вылӧ озӧ ыстісьӧ Рувикиись мӧдік статьяэз. |
.svg){kind=link}