Коми-Пермяцкӧй округлӧн дӧрапас

Коми-Пермяцкӧй округлӧн дӧрапас
Субъект	Коми-Пермяцкӧй округ
Регион	Пермскӧй край
Канму	Российскӧй Федерация
Аркмӧтӧм	2009 во одзар 24 лун
Пропорция	2:3
Номер РФ КГР-ын	5551
Одззася дӧрапассэз
Коми-Пермяцкӧй автономнӧй округлӧн дӧрапас 1997 во одзгожум 27 лун — 2009 во аршӧр 22 лун

Коми-Пермяцкӧй округлӧн дӧрапас (рочӧн флаг Коми-Пермяцкого округа) — лоӧ Пермскӧй крайлӧн канму символикаӧн да Коми-Пермяцкӧй округлӧн кыдз торья статуса административно-территориальнӧй муторлӧн да коми-пермяцкӧй отирлӧн историческӧя аркмӧм олӧминлӧн официальнӧй символӧн.

Аркмӧтӧм

Ӧнняся дӧрапасыс вӧлі пыртӧм 2009 вося одзар 24 лунся Пермскӧй крайлӧн «Пермскӧй крайись Коми-Пермяцкӧй округлӧн дӧрапас йылісь» № 501 законӧн. Вӧлі пыртӧм Российскӧй Федерациялӧн канму геральдика сьӧрті регистрӧ 5551 номерӧн. 2009 во аршӧр 22 лунӧдз, кӧр дӧрапасыс йылісь законыс лоис вына, Коми-Пермяцкӧй округлӧн дӧрапасӧн вӧлі Коми-Пермяцкӧй автономнӧй округлӧн дӧрапас.

Дӧрапас гижалӧм

Дӧрапасыс вӧлі аркмӧтӧм Коми-Пермяцкӧй автономнӧй округлӧн 1996—2009 воэзя герб сьӧрті, кӧда авторрезӧн вӧлісӧ история доктор Андрей Белавин, коми гижись Василий Климов, этнограф, орнамент туялісь Галина Климова да серпасалісь Виталий Оньков.

Пермскӧй крайись Коми-Пермяцкӧй округлӧн дӧрапасыс — веськыт пельӧса дӧра, паськытанас кузяыс дынӧ 2:3 пропорцияӧн, кӧда аркмӧтӧм куим ӧтыжда асык сера куим рӧма отісь: гӧрдісь, чочкомись да лӧзісь; гӧрд отыс шӧрын — чочком перна, чочком отыс шӧрын — гӧрда рӧма шульгаланьӧ мунан ошлӧн силуэт.

Символика вежӧртӧм

Дöрапаснас мыччассьӧ Коми-Пермяцкӧй округлӧн история, культура да георграфияын ассямаыс.

Гӧрд, чочком да лӧз рӧммес — коми отирлӧн медрадейтана да олӧмын тшӧка пантасяна рӧммез. Гӧрд рӧма от шӧрас — чочкӧм рӧма перна, кӧда символизируйтӧ важсянь аркмӧм да туйвизь. Шӧрӧт, чочком рӧма от шӧрас мыччалӧм гӧрд ош, сія символизруйтӧ зорӧтӧм, одзлань мунӧм, чорыт мывкыд, бур вын, лӧнь да рам характер. Лӧз рӧмыс мыччалӧ енӧж, ва да вӧр паськтыта.

Пасйӧттэз