Клещин Александр Иванович
| Клещин Александр Иванович | |
|---|---|
 | |
| Чужан лун: | 1928 во аршӧр 25 лун |
| Чужанін: | |
| Кулан лун: | 2005 во тулысшӧр 25 лун (76 лет) |
| Куланін: | |
| Канму | |
| Удж | композитор |
| Донтан пассэз |
  |
Клещин Александр Иванович (1928 — 2005) — медодзза профессиональнӧй перем коми шылад тэчись, профессиональнӧй шыладлӧ под пуктісь[1][2][3][4][5].
Олантуй
Чужис 1928 во аршӧр 25 лунӧ Кӧсын. 1943 воӧ сюрис велӧтчыны II национальнӧй студияӧ Коми-Пермяцкӧм театрӧ. Помаліс студиясӧ 1947 воӧ да пондіс уджавны театрас.
Уджалікӧ гижис мелодияэз спектакллез понда. Медодзза сьыланкывсӧ «Ой тэ, Иньва» гижис 1949 воӧ. Сія жӧ воӧ муніс велӧтчыны Москваӧ, Гнесиннэз нима музыкальнӧй училищеӧ, сэсся помаліс Гнесиннэз нима шылада-педагогика институт Москваын.
Сылісь произведеннёэсӧ пыртісӧ асланыс концерттэзӧ Перемись П.Чайковский нима опера да балет театрлӧн хор да оркестр. Александр Ивановичӧн лӧсьӧтӧм перем коми ансамбльлӧ вӧлі сетӧма "Народнӧй" званнё.
А.И. Клещинӧн веськӧтлан ансамбль неӧтпыр лоис I степеня Лауреатӧн Москваын да Свердловскын. Свердловскын сылісь произведеннёэсӧ сьыліс Уральскӧй народнӧй хор. Композитор гижис шылад и театрлӧн спектакллез понда.А.И.Клещин ветліс фольклорнӧй экспедицияэзӧ Коми кытш пасьта ,чукӧртіс народнӧй сьыланкыввез ,пӧляннэз вылын ассяма орсӧммез, ачыс лӧсьӧтіс пӧляннэз да 1967 воын мыччасис нійӧн Москваын Всесоюзнӧй телевидениеын.
Сылӧн «Ой тэ Иньва» сьыланкыв пырис И. Травиналӧн (1973 во) перем комиэзлӧн сьыланкыв чукӧрӧ кыдз народнӧй. 1975 воӧ петіс сылӧн «Коми-пермяцкие народные песни» сьыланкыввезӧн чукӧр, кӧда 1995 воӧ вӧлі лэдзӧма мӧдпырся, теория юкӧт содтӧмӧн, комиэзлісь пӧляннэз вылын орсӧм исследуйтӧмӧн.А.И. Клещин уна исследуйтіс народнӧй шылад, институтын велӧтчикӧ эта тема сьӧрті гижис ассис диплом уджсӧ.
1968 восянь 1991 воӧдз композитор семьянас оліс да уджаліс Свердловскын. 1991 воӧ бӧр локтіс овны Коми кытшӧ, лоис «Шондібан» сьылан да йӧктан ансамбльлӧн веськӧтлісьӧн. Кудымкарын сія уна гижис, лэдзис ассис уджжез,мыччасис творческӧй рыттэз вылын.
Донтан пассэз
Медаль ордена «За заслуги перед Отечеством» II степени
Заслуженный работник культуры РСФСР
Пасйӧттэз
- ↑ В Коми округе отметили 90-летие композитора Александра Клещина вечером памяти.
- ↑ Государственный архив Пермского Края.
- ↑ Культурно-просветительная работа: орган Комитета по делам культурно-просветительных учреждений при Совете Министров РСФСР. — Гос. изд-во культурно-просветительной литературы, 1966. — 850 с.
- ↑ Гордость Пармы: биогр. справ.. — Коми-Пермяц. кн. изд-во, 2010. — 574 с.
- ↑ М. Изергина, И. Останина, О. Кучева, Э. Колегова. Коса. Путеводитель. — Litres, 2018-12-20. — 96 с. — ISBN 978-5-457-86665-2.