Вӧрва дозирайтаніннэз мирпасьта лун

Босьтöм Рувикиись
Вӧрва дозирайтаніннэз мирпасьта лун
Абиску национальный парк. Медодзза шведскӧй национальнӧй парк Заполярьеын
Абиску национальный парк. Медодзза шведскӧй национальнӧй парк Заполярьеын
Аркмӧтӧм 2000 воӧ Вӧрва дозирайтан мирпасьта союз инициатива сьӧрті
Чулӧтӧны ежегодно
Лун Тулыспом 24 лун
Йитӧм Швецияын 1909 воӧ национальнӧй парк аркмӧтӧмӧн

Вӧрва дозирайтаніннэз мирпасьта лун (рочӧн Международный день заповедников) — донтан лун, кӧда чулӧтсьӧ быд во тулыспом 24 лунӧ Вӧрва дозирайтан мирпасьта союз инициатива сьӧрті. Вӧрва уджаліссезлӧн донтан луннэзісь ӧтік.

История

[вильмӧтны | править код]

1909 во тулыспом 24 лунӧ Швецияын вӧлі аркмӧтӧм национальнӧй парк. Эта канмуыс лоис медодззаӧн Европаын, кытӧн вӧлі аркмӧтӧм национальнӧй парккез да вӧрва дозирайтаніннэз система.

Вӧрва дозирайтан мирпасьта союз  (перм.рус. (МСОП) инициатива сьӧрті 2000 восянь быд во чулӧтӧны вӧрва дозирайтаніннэз мирпасьта лун. Медшӧр мог — вӧрва да вӧрпа-пӧтка видзӧм[1][2].

Россияын эм Вӧрва дозирайтаніннэз да национальнӧй парккез лун, кӧда чулӧтсьӧ тӧвшӧр 11 лунӧ. Датаыс бӧрйӧм канмуын медодзза вӧрва дозирайтанін — Баргузинскӧй  (перм.рус. — аркмӧтан кад сьӧрті.

Донтан лунлӧн традцияэз

[вильмӧтны | править код]

Эта лунӧ парккез да вӧрва дозирайтаніннэзын осьтӧны тематическӧй выставкаэз, чулӧтӧны экскурсияэз, вӧрва видзӧм сьӧрті лекцияэз, фестиваллез да мероприяттёэз.

Вӧрва дозирайтаніннэз

[вильмӧтны | править код]

Вӧрва дозирайтаніннэз — территорияэзын да акваторияэзлӧн юкӧн, кытӧн оз позь керны мортлісь быдкодь удж, медбы дойыны быдмассэз да вӧрпа-пӧтка, а сідзжӧ борганнэз, важ мугырккез да изъя керӧссэз[3].

Мирын медодзза вӧрва дозирайтанін вӧлі аркмӧтӧм Шри-Ланкаын миян эраӧдзся III сёвоӧ. Сэк оксу Деванампиятис тодиль законӧн эз лэдз аслас подданнӧйезлӧ мыччисьны ді вылісь мукӧд ладоррезын, мед кольны вӧрвасӧ аслыс да аслас челядьлӧ вӧрзьӧттӧмӧн[4].

Вӧрва дозирайтан мирпасьта союз даннӧйез сьӧрті, 2024 воӧ мирын, 119 канмуын, вӧлісӧ 6555 национальнӧй парк да 630-ся унажык биосфера дозирайтанін[5].

Мирын медыджыт вӧрва дозирайтанін аркмӧтӧм Африкаын. Сыӧ ӧтлаӧтӧмӧсь куим национальнӧй парк — ЮАР-ись Крюгер национальнӧй парк, Мозамбикись Лимпопо национальнӧй парк да Зимбабвеись Гонарежу национальнӧй парк. Ӧтласа ыждаыс — 35 сюрс кв. км[6]. Медучӧт вӧрва дозирайтаніннэз коласын — Россияись Галичья Гора  (перм.рус., сія 2,3 км² ыжда[7].

Вӧрва дозирайтаніннэз Пермскӧй крайын

[вильмӧтны | править код]

Пермскӧй крайын уджалӧны кык федеральнӧй статуса вӧрва дозирайтанін — «Басеги»  (перм.рус. да Вишерскӧй  (перм.рус.[8][9][10]. 2023 во тӧвшӧр кеж быдӧссӧ регионас вӧлісӧ дозирайтанаӧсь 107 вӧрва территория[11].

Коми-Пермяцкӧй округын 2012 воӧ вӧлі осьтӧм заказник статуса «Ойвывся кӧр» вӧрва дозирайтанін вӧй кӧр сьӧр дозирайтӧм могись, сідз кыдз сы кад кеж ны популяцияыс вӧлі чинӧм 200 юрӧдз[12][13]. 2024 воӧ Пермскӧй крайлӧн вӧрва министерво лӧсьӧтіс проект, мед ӧтлаӧтны «Ойвывся кӧр» да сы ордчча дозирайтана ландшафт статуса Вадты «Ойвывся кӧр» нима национальнӧй паркӧ[14][15].

Галерея

[вильмӧтны | править код]
  • Серенгети. Танзания ойвылын национальнӧй парк

    Серенгети. Танзания ойвылын национальнӧй парк

  • Баргузинскӧй вӧрва дозирайтанін. Россия (Бурятия)

    Баргузинскӧй вӧрва дозирайтанін. Россия (Бурятия)

  • Шри-Ланка национальнӧй парк

    Шри-Ланка национальнӧй парк

  • Вилпатту. Шри-Ланка. Мирын медважся вӧрва дозирайтанін

    Вилпатту. Шри-Ланка. Мирын медважся вӧрва дозирайтанін

  • Лимпопо транснациональнӧй парк. Мирын медыджыт.

    Лимпопо транснациональнӧй парк. Мирын медыджыт.

Пасйӧттэз

[вильмӧтны | править код]
  1. ↑ 24 мая отмечается Международный день заповедников. Город Иркутск.РУ (2019-05-22).
  2. ↑ Заповедный мир "Ненецкий", Русское географическое общество (24 Тулыспом 2023). Дата обращения: 25 Тулысшӧр 2025.
  3. ↑ Что такое заповедник, и чем он отличается от заказника: примеры, Моя планета. Дата обращения: 25 Тулысшӧр 2025.
  4. ↑ Национальные парки Шри-Ланки.
  5. ↑ Тамара Казарина. Заповедные места, ТАСС. Дата обращения: 25 Тулысшӧр 2025.
  6. ↑ В Африке создан крупнейший национальный парк, РИА Новости (11 Одзтӧв 2002). Дата обращения: 25 Тулысшӧр 2025.
  7. ↑ Международный день заповедников, Парламентская газета (24 Тулыспом 2019). Дата обращения: 25 Тулысшӧр 2025.
  8. ↑ Басеги, государственный природный заповедник // ООПТ Министерство природы Пермского края Видзӧтан кад: 03.06.2025
  9. ↑ Вишерский государственный природный заповедник // ООПТ Министерство природы Пермского края Видзӧтан кад: 03.06.2025
  10. ↑ Заповедники Пермского края Туристический портал Пермского края «Пермь Великая» (02.03.2017) Видзӧтан кад: 03.06.2025
  11. ↑ Приказ Минприроды ПК от 19.01.2023 № 30-01-02-23 «Об утверждении перечней особо охраняемых природных территорий регионального и местного значения» Министерство природы Пермского края
  12. ↑ ПРАВИТЕЛЬСТВО ПЕРМСКОГО КРАЯ. ПОСТАНОВЛЕНИЕ от 9 апреля 2012 года N 177-п Об образовании государственного природного биологического заказника Пермского края «Северный олень»
  13. ↑ Валерия Останина В Гайнском районе, спасая оленей, ограничили людей 20.10.2024 Парма-Новости
  14. ↑ В Прикамье планируют создать национальный природный парк. 24 июня 2024. ТАСС
  15. ↑ Константин Седегов В Гайнском районе может появиться национальный парк 25.06.2024 Парма-Новости
© Эта материаллӧн правовидзисьыс АНО «Интернет-энциклопедия «РУВИКИ».
Материалсӧ позьӧ босьтны мӧдік сайттэз понда АНО «Интернет-энциклопедия «РУВИКИ» юӧртӧмӧн.
Босьтӧма "https://koi.ruwiki.ru/w/index.php?title=Вӧрва_дозирайтаніннэз_мирпасьта_лун&oldid=140116"-ись