Вӧрва дозирайтаніннэз да национальнӧй парккез лун
| Вӧрва дозирайтаніннэз да национальнӧй парккез лун | |
|---|---|
 СССР кадся почта марка | |
| Тип | Экология донтан лун |
| Мӧдінёж | Всероссийский день ЗиНП |
| Аркмӧтӧм | 1997 |
| Чулӧтӧны | Россия |
| Лун | тӧвшӧр 11 лун |
| Йитӧм | Баргузинскӧй вӧрва дозирайтанін аркмӧтӧмӧн |
Вӧрва дозирайтаніннэз да национальнӧй парккез лун (рочӧн День заповедников и национальных парков) — донтан лун, кӧда чулӧтсьӧ Россияын экология дорьян организацияэз инициатива сьӧрті. Донтан луныс чулӧтьсӧ быд во тӧвшӧр 11 лунӧ[1][2].
Аркмӧтӧм
Медодззаись донтан лунсӧ чулӧтісӧ 1997 воын «Вӧрва дорйӧм центр» (рочӧн Благотворительный фонд «Центр охраны дикой природы») да Вӧрва мирпасьта фонд (рочӧн Всемирный фонд дикой природы; англ. World Wildlife Fund, дж. WWF) инициатива сьӧрті.
Донтан луннас вӧлі пуктӧм лун, кӧр петіс Россияын медодзза вӧрва дозирайтанін аркмӧтӧм йылісь постановленнё[3]. 1916 во одзтӧв 29 лунӧ (вильмоза тӧвшӧр 11 лунӧ) вӧлі аркмӧтӧм Баргузинскӧй вӧрва дозирайтанін, кӧдаын ӧнӧдз дорйӧны да йылӧтӧны низзезӧс. Сы одзын, 1916 во арӧн, Россияын вӧлі бурсьӧтӧм медодзза акт, кӧда регламентируйтӧ вӧрва дозирайтанніннэз аркмӧтӧм да удж (рочӧн «Об установлении правил об охотничьих заповедниках»), сія вӧлі публикуйтӧм 1916 во аршӧр 30 лунӧ.
Чулӧтӧм
Вӧрва дозирайтаніннэз да национальнӧй парккез лун кеж Россия пасьта чулӧтсьӧны быдберся акцияэз, конкурссэз да мӧдік порйӧтӧммез[4]. Вӧрва дозирайтаніннэз донтан луннас чулӧтӧны экскурсияэз да велӧтаннэз.
Россия вӧрва сьӧрті Министерство ошкӧ вӧрва дозирайтаніннэзын уджаліссезӧс[5][6].
Пасйӧттэз
- ↑ 11 января – Всероссийский день заповедников и национальных парков. 11 января 2022. Министерство природных ресурсов и экологии Российской Федерации
- ↑ В России отмечается День заповедников и национальных парков. 11 января 2024. национальныепроекты.рф
- ↑ 11 января – День заповедников и национальных парков. 10 января 2024. Заповедник «Басеги»
- ↑ День заповедников и национальных парков: подводим итоги викторины. 13 января 2023. Русское географическое общество
- ↑ День заповедников и национальных парков в России. 11.01.2023. РИА Новости
- ↑ Глава Минприроды России поздравил сотрудников ООПТ с Всероссийским днем заповедников и национальных парков. 10 января 2020. Министерство природных ресурсов и экологии Российской Федерации