Андреев Сергей Георгиевич
| Андреев Сергей Георгиевич | |
|---|---|
 | |
| Чужан лун: | 1955 во арпом 10 лун (69 лет) |
| Чужанін: | |
| Удж | театрын режиссёр |
Андреев Сергей Георгиевич (1955 во арпом 10 лун, Демидова, Юрла район, Коми-Пермяцкӧй национальнӧй округ, РСФСР, СССР) — Коми-Пермяцкӧй театрись артист да режиссёр, гижись.
Олан туй
Чужис 1955 во арпом 10 лунӧ Демидоваын, Юрлинскӧй районын. 1973 воӧ помаліс Усть-Зулаись шӧрӧт школа.
1981 воӧ помаліс Ленинградскӧй Государственнӧй театр, музыка да кинематография сьӧрті институт (V коми-пермяцкӧй студия). 1981 восянь 40 во сьӧрна уджаліс Коми-Пермяцкӧй театрын. 2005—2020 воэзӧ вӧлі юралісь режиссёрӧн.
2020 восянь пенсия вылын[1]. Олӧ Кудымкарын.
Айыс — велӧтісь, гижись Георгий Андреев. Сойыс — Валентина Русакова, роч кыв да литература велӧтісь, гижись, кыкись Михаил Лихачёв нима литературнӧй премиялӧн лауреат. Зоныс — артист, сценарист, кинорежиссёр Александр Андреев.
Театрын удж
Коми-Пермяцкӧй театрын уджалікӧ орсіс 80-ся унажык роль. 1985 восянь пондіс керны спектакллез кыдз режиссёр, кӧть и вӧлі орсісьӧн. 1992 восянь лоис режиссёр-постановщикӧн. 2005—2020 уджаліс юралісь режиссёрӧн[2].
Медтӧдчана роллес
- Мизгирь — «Снегурочка», А. Островский
- Князь Эскал — «Ромео и Джульетта» , У. Шекспир
- Курчаев — «На всякого мудреца довольно простоты», А. Островский
- Мелузов — «Таланты и поклонники» А. Островский
- Мишка — «Жестокие игры», А. Арбузов
- Алексей — «В добрый час», В. Розов
- Андрейка — «Свадьба в Малиновке», Е. Шварц
- Сергеев — «Саркофаг», В. Губарев
- Ржевский — «Давным-давно», А. Гладкова
- Николка — «Бабий бунт», Е. Птичкин
- Леандр — «Проделки Скапена» , Ж. Б. Мольер
- Никита — «Власть тьмы» , Л. Толстой
Медтӧдчана керӧм спектакллес
- «В день свадьбы» (В. Розов)
- «Под одной крышей» (Л. Разумовская)
- «Провинциальные анекдоты» (А. Вампилов)
- «Птичка рада, что на свете живёт» («Трудовой хлеб», А. Островский)
- «Саня, Ваня, с ними Римас» (В. Гуркин)
- «Ю дорын» (Т. Савельева)
- «Кудым-Ош йылісь висьтас» (В. Климов, С. Андреев)
- «Хурьма» (Н. Слащёва)[3]
- «Ба» (Ю. Тупикина)[4]
- «Моя тёща» (Г. Хугаев)[5]
- «Капа, Кузика, Парась да Маня…» (Т. Савельева, С. Андреев)[6]
- «Скупой» (Ж. Б. Мольер)
- «Бременские музыканты» (Ю. Энтин, В. Ливанов)
- «Ай да шельмец!» (Г. Квитка-Основьяненко)
- «Доходное место» (А. Островский)
Гижан удж
Гижӧ кывбуррез рочӧн. 1995 воӧ Коми-Пермяцкӧй книжнӧй издательство лэдзис «Моя пристань» нима кывбур чукӧр. Ӧння кадӧдз сія ӧтка небӧг[7].
Пасйӧттэз
- ↑ Новый режиссёр театра // Коми-Пермяцкий национальный драматический театр им. М. Горького
- ↑ [Сергей Андреев] Режиссёры-постановщики // Коми-Пермяцкий национальный драматический театр им. М. Горького
- ↑ [Хурьма] Архив спектаклей // Коми-Пермяцкий национальный драматический театр им. М.Горького
- ↑ [Ба] Архив спектаклей // Коми-Пермяцкий национальный драматический театр им. М. Горького
- ↑ [Моя тёща] Архив спектаклей // Коми-Пермяцкий национальный драматический театр им. М. Горького
- ↑ [Капа, Кузика, Парась да Маня] Архив спектаклей // Коми-Пермяцкий национальный драматический театр им. М. Горького
- ↑ [Андреев Сергей Георгиевич] Литературная карта Юрлинского района // МБУК «Юрлинская ЦБС»