Якутму

Яку́тму нето Саха́му (сах. Саха сирэ, рочӧн Яку́тия) – якут отирлӧн горт му, асъюралан республика, Роч Федерация видзантор, пырӧ Ылісь Асыввыв федерал кытшӧ.

Канкарыс – Якутск.

Якутму – Рочмуын ыжда сьӧрті медыджыт регион. Татӧн тыр ресурссэз экономика зорӧтӧм понда.

Асъюралӧм якуттэзлӧн аркмис 1922' годӧ апрель 27' лунӧ.

География

Куйланін

Якут республикаыс 3103,2 сюрс км² ыжда. Сія куйлӧ ойвыв-асыввыв Сибирын. Канмуыс межаасьӧ Чукотка кытшкӧт да Магадан лапӧвкӧт асыввылын, Хабаров ладоркӧт лунвыв-асыввылын, Амур лапӧвкӧт да Байкалсай ладоркӧт лунвылын, Иркут лапӧвкӧт лунвыв-рытвылын да Краснояр ладоркӧт рытвылын. Ойвылас республика паськыта петӧ океан дорӧ. Асчужӧм дорресӧ татӧн аркмӧтӧны Лӧпта саридз да Асыввыв Сибир саридз. Быдсӧн вадӧр визьыс матӧ 4,5 сюрс км кузя.

Мувывторсис 2/5-ся унажык куйлӧ ойвыв полюс кытш сайын. Параллель пӧлӧн Якутму нюжалӧ 2500 км кузя, меридиан пӧлӧн 2000 км кузя.

Медрытвывся чутсӧ адззам Краснояр ладор бердын (105° а.к.), медасыввывсясӧ — Чукотка кытш бердын (165° а.к.). Лунвылас меддорись чут куйлӧ Стан мусюр вылын (55°30' о.п.), Амур лапӧв бердын, а меддорись чутыс ойвылас — Нордвик нӧрыс йылын (74° о.п.), а лыддьыны кӧ и діэсӧ, сэк Генриетта ді вылын (77°о.п.).

Мувевдӧр

Мувевдӧрыс республикаас 2/3 тор – керӧссэз да джуджытіннэз, 1/3 – лажымытіннэз. Медвылын чутсӧ – Победа керӧс (3147 нето 3003 м вылына), адззӧмась Черскӧй мусюр вылын. Мукӧдыс бӧра шуӧны, Мус Хая керӧс пӧ сысся вылынжык (сія сулалӧ Сунтар Хаята мусюр вылын да лэбӧ 2959 нето 3011 м вылына). Якутмуын нюжалӧ сідзжӧ Янайыв мусюр.

Канму рытвылын сулалӧ ыджытся ыжыт джуджытін – Сибир шӧрисьыс.

Лажмытіннэзісь медпаськытӧсь Медшӧр Якут лажмытін, Колыма лажмытін да асыввыв тор Ойвыв Сибир лажмытінсис.

Ваэз

Якутмуын 700 сюрсся унажык ю да 800 сюрсся унажык ты. Юэслӧн ӧтласа кузяныс 2 млн км мымда. Вермана гидроэнергоресурссэс 700 млрд кВт. Медкузь юэз:

Лена — 4400 км
Вилюй — 2650 км
Оленёк — 2292 км
Алдан — 2273 км
Колыма — 2129 км
Индигирка —1726 км
Олёкма — 1436 км
Анабар — 939 км
Яна — 872 км

Медпаськыт тыэз — Бустах, Лабынкыр дмд.

Климат

Колана шедтассэз

Вӧр-ва дорьяніннэз

История

Отир

Чужанвуж сьӧрті тэчас

1939—2002 воэзӧ отирӧс гижӧтикӧ тӧдісӧ, кин да кин оліс Якутмуын:

Чужанвуж	1939^[1]	1959^[2]	1970^[3]	1979^[4]	1989^[5]	2002^[6]
Якуттэз	233 273 (56,5 %)	226 053 (46,4 %)	285 749 (43,0 %)	313 917 (36,9 %)	365 236 (33,4 %)	432 290 (45,5 %)
Роччез	146 741 (35,5 %)	215 328 (44,2 %)	314 308 (47,3 %)	429 588 (50,4 %)	550 263 (50,3 %)	390 671 (41,1 %)
Украинса	4 229 (1,0 %)	12 182 (2,5 %)	20 253 (3,0 %)	46 326 (5,4 %)	77 114 (7,0 %)	34 633 (3,65 %)
Эвенкиэз	10 432 (2,5 %)	9 505 (2,0 %)	9 097 (1,4 %)	11 584 (1,4 %)	14 428 (1,3 %)	18 232 (1,9 %)
Эвеннэз	3 133 (0,8 %)	3 537 (0,7 %)	6 471 (1,0 %)	5 763 (0,7 %)	8 668 (0,8 %)	11 657 (1,2 %)
Тотара	4 420 (1,1 %)	5 172 (1,1 %)	7 678 (1,2 %)	10 976 (1,3 %)	17 478 (1,6 %)	10 768 (1,1 %)