Тыва

**Тыва Республика**
'Тыва Республика
*Республика Тыва*
Вужпас;	Дӧрапас;
Канму	Роч Федерация
Гимн	Мен тыва мен
Статус	республика
Ыджытжык регион	Сибир федерал кытш
Янсалӧм	2 каркытш, 12 кожуун
Веськӧтлан шӧрин	Кызыл
Аркман кад	1944' октяб 11' лунö' во
Веськöтланын юралісь	Шолбан Кара-оол
Ыджыт Хуралын юралісь	Кан-оол Даваа
БПЛ (2008 во); Морт вывся БПЛ	24409100000 ; 76987
Веськöтлан кыввез	тыва, роч
Оліссез (2010 во);	317056 (0.22 %, 77-ӧт места)
Оліссезлӧн тшӧкыта	1.88 морт/км²
Чужанвуж сьӧрті тэчас	тываэз роччез
Эскан сьӧрті тэчас	ламаизм
Мувывтор	168604 км²; (ва - 0,99 %, 21-ӧт места)
Кад кытш	MSK+4 (UTC+8)
Код ISO 3166-2	RU-TY
Индекс FIPS	RS79
Телефон код	(+7) 394xx
Пошта индекссэз	667000–668999
Автомобиль код	17
	[www.gov.tuva.ru Веськöтланлöн сайт]

Тыва (рочӧн Тува) – тыва отирлӧн горт му, асъюралан республика, Роч Федерация видзантор, пырӧ Сибир федерал кытшӧ.

Канкарыс – Кызыл.

Ним

Тыва шусьö сідз тыва отир сьöрті, кöда татöн важысянь олöм и кöда татöн лöсьöтöма аслыс канму.

Статус

Тыва Республика — Роч Федерация видзантор.

География

Тыва Республика куйлö Азия шöрын, Асыввыв Сибир лунвылын, Енисей ю йыввезын. Ойвывсянь лунвылö республикаыс нюжалö 420 км кузя, рытвывсянь асыввылö — 630 км.

Ордча муэз: лунвылын да лунвыв-асыввылын — Монгол Отир Республика, ойвыв-асыввылын — с Иркут лапӧв, ойвыв-рытвылын — Хакас Республика, асыввылын — Бурят Республика, Рытвылын — Алтай Республика, ойвылын — Краснояр ладор.

Медкузь ю Тываын — Улуг-Хем (Вылісь Енисей).

Тываыс — керöсаин, татöн кузь да вылын керас лёдззез вежласьöны пыдын котловинаэзкöт.

Климат чорыта континентвывся — тöвнас кöдзыт, абу тöла, котловинаэзын етша лыма. Гожумнас шоныткодь керöссэзын, а котловинаэзын жар. Тöвнас шонтöгыс унажыксö овлö −25 −35 °C; гожумнас +13 +23 °C. Олан понда медлöсялана кад — сёр тулыс да одз ар.

Быдман кадколас 150—160 лун. Мукöдлаын эмöсь пыркынмуэз. Республика мусис 3 млн га вевттьöмöсь суспуа вöррезöн, эта лоö Рочмуись сыспуаиннэзісь 11 %.

Тываын эм уна курорттэз, медыджытэс — бальнеология сьöрті курорт Уш-Бельдир да нятьсьöтан курорт Чедер ты дорын. Туристтэз понда республика кузя лöсьöтöмöсь туёккез Азия шöринöдз. Кызыл дорын эмöсь базаэз Азас да Жарки.