Саридздын ладор

Босьтöм Рувикиись
Саридздын ладор
Приморский край
Вужпас
Coat of arms of Primorsky Krai.svg
Дӧрапас
Flag of Primorsky Krai.svg
Канму Роч Федерация
Статус ладор
Ыджытжык регион Ылісь Асыввыв федерал кытш
Янсалӧм 12 кар кытш, 22 район
Веськӧтлан шӧрин Владивосток
Аркман кад 1938' октяб 20' лун' во
Губернатор Дарькин Сергей Михайлович
БПЛ (2008 во)
Морт вывся БПЛ
319,4 млрд.
160,3 сюрс
Веськöтлан кыв роч
Оліссез (2010' во)
1 956 400 (26-ӧт места)
Оліссезлӧн тшӧкыта 12,1 морт/км²
Чужанвуж сьӧрті тэчас роччез, украинса, корейса, тотара
Мувывтор 164 673 км²
(ва - 1,9 %, 23-ӧт места)
Саридздын ладор мусерпас
Кад кытш +11 (гожумнас +12)
Урал кад +5
Телефон код +7 423
Пошта индекссэз 690000–692999
Автомобиль код 25, 125
Веськöтланлöн сайт

Сари́дздын ладор (рочӧнжык: Приморскӧй край) — веськӧтлан юкӧт Рочмуын, Роч Федерация видзантор. Пырӧ Ылісь Асыввыв федерал кытшӧ.

Канкарыс — Владивосток, кытӧн 2010' годӧ олӧмась 592 сюрс морт. Быдсӧн ладорас олӧны отир невна не кык миллион. Унажыкыс олӧны каррезын — 75,4 %.

Саридздын ладорыс Роч канмуын токӧ 150 во мымда. 1858' годӧдз эна муэз вӧлӧмась Амур лапӧв да Саридздын лапӧв. 1920-1923 муыс вӧлі с.ш. Ылісь Асыввыв республикаын, сыбӧрын Ылісь Асыввыв ладорын.

Саридздын ладор ыс аркмис 1938' октяб 20' лунӧ, Ылісь Асыввыв ладорсӧ кыкӧ янсӧтікӧ (мӧд торыс – Хабаров ладор).

География

Ордчӧн Саридздын ладорыскӧт куйлӧны: ойвылын — Корея отирлӧн демократ республика.

Лунвывсянь да асыввывсянь Саридздын ладорсӧ миськалӧ Ниппон саридз. Медыджыт курьяыс — Ыджыт Петра нима. Вадӧрыс курьяыслӧн бура вундалӧм да сысянь аркмӧны учӧтжык курьяэз: Амур, Уссури, Посьета, Стрелок, Восток.

Медкузь визьсӧ ладорӧттяс позьӧ нюжӧтны Туманнӧй ю уссёсянь Самарга ю усянінӧдз — сія лоӧ матӧ 900 км ылына. А медпаськыт инӧттяс, Уссури дорсяняс Ниппон саридзӧдз, лоӧ матӧ 280 км ылына.

Визирреслӧн ӧтласа кузяыс 3000 км, ныись саридз дорӧт 1500 км.

Саридздын ладорыс шӧрӧт да асыввыв муэзын сулалӧ керӧса массив Сихотэ Алинь, рытвылас куйлӧны Уссури да Ханкадор лажмытіннэз. Медджуджыт йылыс ладорас Аник — 1933 метра вылына, сулалӧ ойвыв-рытвылын, самӧй Хабаров ладор бердын.

Медыджыт діэз: Русскӧй, Путятина, Аскольд, Попова, Рикорда, Рейнеке, Ыджыт Пелис.

Лунвыв-рытвылын эм ыджыт Ханка ты. Сы кузя мунӧ визир Рочму да Китай коласын.

Медыджыт ю Уссури, сылӧн петанін Снежнӧй керӧс покатын, Облачнӧй керӧссянь ойвыв-асыввылӧ.

Кад кытш

Саридздын ладорын отир олӧны Владивосток кад сьӧрті. Сія куйлӧ Vladivostok Time Zone (VLAT)-ын, м.ш. Гринвич +11:00. Но асланыс кадныс кык часӧн вешшӧм, мыля Рочмуын пыртӧма декрет кад. Мӧсквакӧт неӧткодьыс +7, Кудымкарыскӧт +5.

Отир

Чужанвуж сьӧрті тэчас

2002' годӧ отирӧс лыддикӧ Саридздын ладорын олӧмась:

Медваж отир:

  • Удэгеэз — 918
  • Нанайез — 417
  • Удӧэз — 256

Мӧдіккез:

  • Роччез — 1 861 808 (90 %)
  • Украинса — 94 058 (5 %)
  • Корейса — 17 899 (1 %)
  • Тотара — 14 549 (0,7 %)
  • Беларуссэз — 11 627 (0,5 %)
  • Армяннэз — 5 641
  • Азербайджанса — 4 411
  • Мордваэз — 4 307
  • Ханнез — 3 840
  • Немеччез — 3 578
  • Чувашшез — 3 287
  • Молдаваннэз — 2 288
  • Башкыррез — 2 101
  • Узбеккез — 1 634
  • Казаххез — 1 296
  • Мариэз — 1 151
  • Удмуртпэз — 1 130
  • Поляккез — 1 060
  • Еврейез — 1 059
  • Якуттэз — 300
  • Эзӧ висьталӧ чужанвужнысӧ — 3 521 (0,25 %)



Янсалӧм

История

Веськӧтлан

Культура