Шыдӧса шаньга
| Шыдӧса шаньга | |
|---|---|
 | |
| Продукттэз | |
| Мыйись керӧм | |
Шыдӧса шаньга ― коми традиционнӧй касьтісян да быдлунся сёянтор, шыдӧс парӧга шӧма нянись пӧжас.
Керӧм
Шыдӧса шаньгаэс керсьӧны шӧма нянись да ид шыдӧсісь.[1]
Кӧтассӧ керӧны этадз: учӧт пань мымда кӧс дрожжисӧ пазӧтны, кисьтны куим-нёль панёк шоныт ва, пуктыны ӧтік пань сахар да кык пань пизь, сорлавны, сувтӧтны шонытӧ, ась ловзьӧ. Эта коста шӧмӧсӧ кисьтны литр йӧв да стакан ва, чегны 3-4 кольть, пуктыны 2-3 пань сахар, джын пань сов, 200 г сылӧтӧм ви, быдӧс сорлавны да видзыштны шонытінын. Кӧр быдӧс лэбас, сэтчӧ пуктыны ловзьӧм дрожжи, сорлавны, мед лоис кыдз нӧк, и кольны ой кежӧ.
Парӧгыс керсьӧ ид шыдӧсісь. Рытнас жӧ кӧтӧтны шыдӧссӧ нӧкӧн нето йӧлӧн, кольны ой кеж шонытінӧ. Позьӧ керны этадз: стакан да джын мымда шыдӧссӧ пуны йӧлын, сайкӧтны, сыбӧрын содтыны 2 пань нӧк, чегны 1-2 кольть, сорлавны да кольны 5-6 час кеж шонытінӧ.
Асывнас пӧжавны горын, би одзын, шом вылын. Паньӧн пуктыны виӧн мавтӧм под вылӧ кӧтассӧ, мед паськаліс. Сы вылӧ вӧснитика тэчны кӧтӧтӧм небзьӧм шыдӧс да пӧжавны. Шаньгаэслӧ колӧ пӧжассьыны увтсянь и вевдӧрсянь ӧтмоза, нійӧ озӧ бергӧтлӧ.
Традицияын
Шыдӧса шаньгаэсӧ керӧны быд касьтісян[2][3] кеж да тӧвся вежалуннэз[1] кеж, ӧтлаын кулиггезкӧт.
Пасйӧттэз
- ↑ 1 2 Коми-пермяцкая кухня [Сб. рецептов / Сост. А. Долдина; Ред.: В. Коколева, Л. Косова]. — Кудымкар : Коми-Пермяц. кн. изд-во, 1998. — 508, [3] с. ил.; 21. — ISBN 5-87901-033-3. — С. 324.
- ↑ Голева, Т. Г. Виды традиционной выпечки у коми-пермяков / Т. Г. Голева // Гуманитарные исследования. История и филология. – 2021. – № 4. – С. 17-29.
- ↑ Чугаева, С. В. Трапеза в поминальной обрядности коми-пермяков / С. В. Чугаева // Вестник Чувашского университета. – 2009. – № 1. – С. 98-102.