Чеусов Алексей Александрович

Чеусов Алексей Александрович
Чеусов Алексей Александрович
Чужан лун	1882 во аршӧр 15 лун
Чужанін	Выльгорт, Коми Республика, РСФСР[d];
Кулан лун	1940 во гожумшӧр 23 лун (57 лет)
Куланін	Пезмӧг, Кӧрткерӧс район, Коми Республика, РСФСР[d], СССР[d];
Канму	Российскӧй империя[d]; РСФСР[d]; СССР[d];
Удж	кывбур гижись, горт история туялісь, велӧтісь

Чеусов Алексей Александрович (Гӧрд Ӧльӧш; 1882 во аршӧр 15 лун, Выльгорт, Коми Республика — 1940 во гожумшӧр 23 лун, Пезмӧг, Коми Республика) — коми гижись, критик, гортладор история туялісь.

Олантуй

Алексей Чеусов чужис 1882 во аршӧр 15 лунӧ Вологда губернияысь Усть-Сысольск уездлӧн Выльгорт деревняын (ӧні — Сыктывдін районісь Выльгорт).

Велӧтчис Выльгорт да Усть-Сысольскись училищеэзын^[1]. 1898—1901 воэзӧ велӧтчис Тотьмаын велӧтіссез понда семинариа, но эз помав.

1902 воӧ лоис Кулӧмдінын велӧтісьлӧн отсасисьӧн, но вит тӧлісь уджалӧм бӧрын вӧлі ыстӧм Койгортӧ да недыр мыйись вештӧм велӧтан уджись^[1].

1899—1900 воэзӧ Алексей Чеусов участвуйтіс общественнӧй уджын, видзис йитӧттэз политссыльнӧйезкӧт, мыйсянь сы сьӧрын видзӧтіс полиция. Медодзза роч революция коста паськӧтіс листовкаэз, баитіс митинггез вылын Югдін, Тотьма да Кардорын.

1916 воӧ кысъяліс армияын.

1917 воӧ уджаліс Усть-Сысольскӧй обществоын «Общество обновления местной жизни». Февральскӧй революция бӧрын участвуйтіс виль власть органнэз аркмӧтӧмын. Сійӧ бӧрйисӧ делегатӧн Усть-Сысольск уездісь Сӧветтэз I съезд вылӧ (1918 во). Пырис уезднӧй совет исполкомӧ, Северо-Двинскӧй губернскӧй совет исполкомӧ, вӧлі левӧй эсеррез партияын. Участвуйтіс Усть-Сысольскын Народно-образовательнӧй институт организуйтӧмын, да лоис сы деканӧн 1921 воӧ^[1].

1918—1926 воэзӧ уджаліс уезднӧй да губернскӧй органнэзын, велӧтіс Народно-образовательнӧй институтын, ВЦИК-бердса Севернӧй комитетын.

1922—1930 воэзӧ вӧлі Коми му туялан обществоын да сы веськӧтлан органнэзын. Видзӧма йитӧт зырянизация комиссиякӧт.

Чеусовсӧ кыкись арестуйтлісӧ да пуксьӧтлісӧ. 1933 воӧ сійӧ судитісӧ кыдз «буржуазнӧй националистӧс», пукавліс Казахстанын. 1938 воӧ Чеусовсӧ мӧдпырся кутісӧ да пуксьӧтісӧ кыдз «контрреволюционерӧс», «буржуазнӧй националистӧс да финскӧй фашисттэзлісь агентӧс». Куліс Пезмӧг лагерьын 1940 во гожумшӧр 23 лунӧ^[2].

Реабилитируйтӧм 1967 воӧ.

Гижан удж

1899 восянь кутчис гижан уджӧ. Йӧзӧтіс кывбуррез комиӧн да рочӧн.

1903 воӧ А. В. Гудков-Беляковлӧн Вологдаса типографияын йӧзӧтіс «Стихотворения зырянина» неыджыд небӧг^[1].

1904 воӧ «Этнографическое обозрение» журналын петісӧ сы 4 кывбур комиӧн да «К зыряноведению» очерк^[1].

Сы уджже петавлісӧ сідзжӧ «Трудовая кооперация» журналын (1923), «Гора омра» ӧктӧтын (1924).

1918 восянь йӧзӧтіс статьяэз экономика, литература, кыв да чужан му йылісь «Известия» да «Советская мысль» газетаэзын, «Коми му» да «Парма ёль» журналлэзын.

Кыдз критик гижліс Георгий Лыткин, Афанасий Маегов, Нёбдінса Виттор да мӧдіее культура уджаліссез йылісь литературно-критическӧй статьяэз.

Лӧсьӧдіс «История коми народа» удж, сія абу йӧзӧтӧм.

Небӧггес

Стихотворения зырянина. — Вӧлӧгда, 1903.
К зыряноведению // Этнографическое обозрение. 1904. — № 2.
История коми народа (Введение в 1-ю часть). — Усть-Сысольск, 1927.

Пасйӧттэс

↑ ¹ ² ³ ⁴ ⁵ Чеусов Алексей Александрович рус.. Сыктывдинская ЦБС. Видзӧтӧм 13 Арпом 2025.
↑ Жеребцов И. Алексей Чеусов. Из когорты первых рус.. Регион (2022-10-01). Видзӧтӧм 13 Арпом 2025.

Литература

Чеусов Алексей Александрович (15.10.1882 — 23.07.1940) / [сост. М. И. Ельсова]. Сыктывкар : [б. и.], 2002. — 27 ; 21 см.
Чеусов Алексей Александрович, журналист, краевед, поэт // Кто есть Кто в Сыктывдинском районе / Александр Сугоров. Выльгорт, 2016. С. 215—216.
Чеусов Алексей Александрович (03.10.1882 — 23.07.1940) // Писатели и поэты земли Сыктывдинской : комплект из фотографий. Сыктывкар, 2014. 1 л. об. : фот., портр.
Жеребцов, И. Эксцентричный зырянин : Алексей Чеусов стоял у истоков создания Общества изучения Коми края // Республика. 2012. 31 марта
130 лет (1882 г., 15 октября — 1940 г., 23 июля) со дня рождения Чеусова Алексея Александровича, поэта и краеведа // Календарь знаменательных и памятных дат Республики Коми на 2012 год. Сыктывкар, 2011. С. 89.
Чеусов Алексей Александрович (1882—1940) // «Родина моя…» : 425-лет селу Выльгорт. Выльгорт, 2011. С. 16-17 : фот.
Жеребцов, И. Л. «Интеллектуальное развитие и самообразование — лозунг всей жизни» // Их объединило краеведение. Сыктывкар, 2008. Вып. 4. С. 3-36.
Жеребцов, И. Поэт, краевед, журналист (1882—1940) / И. Жеребцов, Т. Кузнецова // Полещиков, В. М. Репрессированные литераторы. Сыктывкар, 2008. С. 628—640.
Ельсова, М. И. Родословная Алексея Чеусова / М. И. Ельсова // Известия Общества изучения Коми края : науч.-популяр. краевед. журн. Сыктывкар, 2006. № 1 (7). С. 151—155.
«Золотой век» краеведения // Очерки истории становления гуманитарной науки в Коми. Сыктывкар, 2006. Вып. 1. С. 53-60.
Первые организации краеведов // Стоящие у истоков. Сыктывкар, 2005. С. 22-37.

[СБ-1] ¹ ² ³ ⁴ ⁵ Чеусов Алексей Александрович рус.. Сыктывдинская ЦБС. Видзӧтӧм 13 Арпом 2025.

[2] Жеребцов И. Алексей Чеусов. Из когорты первых рус.. Регион (2022-10-01). Видзӧтӧм 13 Арпом 2025.

[1]

[2]