Цифровӧй руб

Босьтöм Рувикиись
Цифровӧй руб
Digital ruble red logo.svg.png

Цифровӧй руб (рочӧн Цифровой рубль) — ЦВЦБ-лӧн (CBDC) цифровӧй валюта, кӧдӧ лӧсьӧтӧ Россиялӧн Банк (ЦБ РФ), российскӧй национальнӧй валюталӧн куимӧт форма, кӧда содӧ наличнӧй да налтӧм формаэз дынӧ. Цифровӧй рубсӧ пондас лэдзны Россиялӧн Банк цифровӧя. Цифровӧй рубын ӧтлаӧтӧмӧсь наличнӧй да налтӧм рублӧн ассяматоррез[1].

История

Криптовалютаэз чожа зорамикӧ 2017 во аршӧрӧ вӧлі лӧсьӧтӧм «крипторуб» аркмӧтӧм технологическӧя реализуйтӧм йылісь правительстволӧн постановленнё проект[2].

Йӧзкостся вештіссьӧммеза Банк донъялӧмӧн, 2020 во кежӧ быдӧс центральнӧй банккезісь 80%-ся унажык уджалісӧ ассиныс цифровӧй валюта лӧсьӧтӧм сьӧрті[3].

2020 во аршӧрӧ РФ-лӧн ЦБ лэдзис доклад, кӧда вӧлі сиӧм цифровӧй руб лӧсьӧтӧмлӧ (Центробанклӧн цифровӧй валюта, ЦВЦБ)[1]. Тӧдчӧтісӧ, мый ЦВЦБ оз ло криптовалютаӧн, сійӧ пондас лэдзны централизованнӧя Россиялӧн Банк  (перм.рус., кӧда лоас вештісьӧм опастомалӧм гарантиӧн. Цифровӧй рублӧн ӧтсаэз лоасӧ идентифицируйтӧмӧсь уникальнӧй цифровӧй кодӧн. ЦВЦБ-лӧ колӧ ӧтлаӧтны налтӧм да наличнӧй сьӧмлісь функцияэз — сійӧн позяс вештисьны кыдз дистанционнӧя, сідз и офлайн-кошелёк пыр; цифровӧй руб лоас конвертируйтӧм наличнӧйӧ да налтӧмӧ 1:1 курс сьӧрті. Докладас гижӧмӧсь 4 позяна модель, кӧдна сьӧрті ЦВЦБ-ыс реалиуйтӧ цифровӧй рублісь бергалӧмсӧ: кин, кыдз да кинлӧ осьтӧ кошелёккесӧ да вештісьӧ. Сэк жӧ Россия президентлӧн пресс-секретарь Дмитрий Песков  (перм.рус. висьталіс, мый цифровӧй руб вынсьӧтӧм понда кадколастыс лоас 3-7 во[4].

2021 во тулысшӧрӧ РФ ЦБ висьталіс проектлӧн ӧнняся этапыс йылісь. Вӧлі бӧрйӧм модель, кытӧн Россиялӧн Банк осьтӧ да видзӧ кошелеккез финансӧвӧй учреждениеэзлӧ, кӧдна осьтӧны да видзӧны кошелеккез клиенттэзлӧ. 2021 во помын вӧлі лӧсьӧтӧм платформа, кытӧн локтан воӧ пондасӧ уджӧтны цифровӧй рубсӧ[5].

2021 во гожумпомӧ ЦБ петкӧтіс 12 банк, кӧдна пондасӧ участвуйтны 2022 во тӧвшӧрся цифровӧй руб тестируйтӧмын: Ак Барс Банк, Альфа-банк  (перм.рус., Банк ДОМ.РФ, Банк ВТБ  (перм.рус., Газпромбанк, Тинькофф Банк, Промсвязьбанк, Росбанк, Сбербанк  (перм.рус., СКБ-банк, Банк СОЮЗ, ТКБ банк. 2022 во тӧвшӧр 12 лунӧ пондӧтчис тестируйтӧмыс[6][7].

2022 во тӧвпом 15 лунӧ Россиялӧн Банк да рынок вылын участвуйтіссез пондӧтісӧ тестируйтны цифровӧй рубся платформа и чулӧтісӧ вуджӧтсьӧм цифровӧй руббезӧн граждана коласын, одзлань лӧсьӧтчисӧ уджӧтны сы отсӧтӧн вузӧс да услугаэз понда вештісьӧм[8][9].

2022 во тулысшӧр 21 лунӧ РФ ЦБ-ӧн юралісь Эльвира Набиуллина  (перм.рус. Госдумаын висьталіс, мый пилотнӧй операцияэз кыдз канмуын, сідз и отиркостса вештісьӧмын пондасӧ нуӧтны 2023 восянь: «Локтан воӧ пондам жагвыв нуӧтны пилотнӧй вештісьӧммез цифровӧй рубӧн реальнӧй экономикаын. Цифровӧй рубнас вештӧсьӧмыс донтӧмсялас. Мийӧ чайтам, мый сійӧн пондасӧ уджавны и йӧзкостся вештісьӧмын»[10].

2023 во одзтулыс 16 лунӧ цифрӧвӧй руб йылісь законлӧн проект петіс медодзза лыддьӧтӧмӧ Госдумаын[11]. 2023 во одзгожум 20 лунӧ РФ Госдума бурсьӧтіс законопроект, кӧда сьӧрті цифровӧй рубыс лыддиссьӧ договор, эмбур да увтыр дӧнзьӧм объектӧн[12], да гожумшӧр 11 лунӧ мӧдӧдзза да куимӧт лыддьӧтӧмын бурсьӧтіс цифровӧй руб пыртӧм йылісь закон[13].

2023 во гожумшӧр 24 лунӧ Россиялӧн президент Владимир Путин кырымпасаліс цифровӧй руб пыртӧм да лӧсялана платформа аркмӧтӧм йылісь закон. Сы медшӧр положеннёэз вынсялісӧ 2023 во гожумпом 1 лунӧ[14]. Сы сьӧрті ЦБ пондӧтіс пилотнӧй проект цифровӧй руббез бергӧтӧмын, кӧдаын участвуйтісӧ 13 банкись торья лыда клиенттэз[15].

2023 во гожумпом 3 лунӧ Россиялӧн Банк вынсьӧтіс цифровӧй рублісь логотипсӧ[16] да йӧзӧтіс видео[17].

2023 во гожумпом 15 лунсянь цифровӧй рубсӧ уджӧтӧны реальнӧй операцияэзын[18].

2024 во гожумшӧр 17 лунӧ Владимир Путин юӧртіс, мый цифрӧвӧй руба пилотнӧй проектӧ пырисӧ 12 банк, 600 торья морт, 11 карись 22 вузасян да сервис предприяттё. 2024 вося гожумшӧр кежӧ цифровӧй руб отсӧтӧн вӧлі керӧм 27 сюрсся унажык вуджӧтӧм, а сідзжӧ сизим сюрсся унажык вузӧс да услугаэз понда вештӧм. Россияись президент тшӧктіс паськӧтны цифрӧвӧй рубӧн уджалана сфераэз[19].

2025 во тӧвшӧр 28 лунӧ лоис тӧдса, мый Россиялӧн Банк финанссэз министертвокӧт да казначействокӧт чулӧтісӧ медодзза тесттэз цифровӧй руб сьӧрті. Цифровӧй рублӧн массаа лэдзӧмыс вӧлі планируйтӧм 2025 вося гожумшӧр 1 лун кежӧ, да Россиялӧн Банк юӧртіс, мый быдӧс тодиль мога кредитнӧй организацияэс лоасӧ готовӧсь эта кад кежӧ[20].

2025 во тулыспом 4 лунӧ Россия Банк казяліс, кыдз мессенджеррезын да социальнӧй веззэзын ӧддьӧн паськалісӧ цифрӧвӧй руб йылісь миффез. Регулятор висьталіс, мый сэтшӧм рассылкаэзлӧн медшӧр могыс — аркмӧтны паника да падмӧтны сьӧмлісь виль форма, ылӧтӧмӧн, мый цифровӧй руб вылӧ вуджӧмыс лоас тшӧктана. ЦБ тӧдчӧтіс, мый цифровӧй руббез пондасӧ лэдзны наличнӧй да налтӧм сьӧм содтӧтӧн, нійӧн уджалӧмыс пондас керсьыны граждана бӧрйӧм сьӧрті[21].

2025 во тӧвпомӧ ЦБ дырсьӧтіс цифровӧй рублісь паськыта пырӧм, кӧда вӧлі пыртӧм 2025 во гожумшӧр 1 лунсянь[22].

2025 во тулысшӧр 11 лунӧ Центробанк юӧртіс мошенничестволӧн виль форма йылісь: лёккериссес лӧсьӧтӧны фейковӧй интернет-сайттэз да ылӧтӧны отирлісь сьӧм абутӧм цифровӧй руб программаӧ инвестируйтӧмӧн[23].

2025 во одзгожум 30 лунӧ ЦБ лэдзис медодзза бӧртассэз цифровӧй руб сьӧрті, кӧда пондӧтчис 2023 во гожумпом 15 лунӧ. 2025 вося тулыспом кежӧ цифровӧй руб платформалӧн участниккез, кӧдналӧн операторӧн лоӧ ЦБ, керисӧ 63 сюрсся унажык вуджӧтӧм, 13 сюрс мымда вузӧс да услугаэз понда мынтӧммез, тыртӧмась 17 сюрсся унажык контракттэз, висьтассьӧ регуляторлӧн отчётын. Ӧтлаын платформаын оссьӧмась физическӧй да юридическӧй кыввидзисьлӧн 2500 мымда сьӧмкуд — операцияэз керны вермӧны 15 банклӧн клиенттэз 150-ся унажык оланаиннэзісь[24].

2025 во гожумшӧр 15 лунӧ Госдума бурсьӧтіс куимӧт лыддьӧтӧмын цифрӧвӧй руб сьӧрті закон, а сідзжӧ вузӧс да услугаэз вештӧм понда универсальнӧй QR-код оборотӧ сьӧрсьӧн-бӧрьсӧн пыртӧм йылісь. 2026 вося одзар 1 лунсянь банккезлӧ ковсяс сетны клиенттэзлӧ позьӧс керны операцияэз. Вузасиссезлӧ, кӧдна шедтӧны вонас 5 млн рубся етшажык, оз ков пыртны цифровӧй руббез[25]. Виль закон сьӧрті 2026 восянь цифровӧй рубӧн вермасӧ вештісьны федеральнӧй бюджетісь быдкодь мынтӧм понда. Ны лыдын пенсияэз, отсӧттэз, стипендияэз да бюджетниккезлӧ удждоннэз.

Цифровӧй рублӧн логотип

Цифровӧй рублӧн логотип

Цифровӧй рублӧн медодзза логотип, кӧда керӧм кыдз вачкисянаӧн РФ ЦЛ логотип вылӧ сьӧма синбанаӧн — рублӧн кытшшӧвтӧм пас, вӧлі йӧзӧтӧм Россия Банкӧн 2023 во гожумпом 3 лунӧ специальнӧй видеоын да сайтын[17][26][27].

Донъялӧм

Эксперттэз лыддьӧны, мый цифровӧй рублӧн медшӧр вынӧн лоӧ сьӧм нелегальнӧй бергалӧмкӧт тышкасьӧм кокньӧтӧм, сідз кыдз быдӧс информация трансакцияэз йылісь пондасӧ видзны Россия Банкын; нійӧ вӧджжӧтӧм понда оз ни понды ковны видзӧтны банковскӧй вуджӧтаннэз[28].

РФ-лӧн финанссэз министерствоӧн юралісь Антон Силуанов шуис цифровӧй рубсӧ перспективнӧйӧн. Министр тодиляліс, мый валюта эмитентӧн лоӧ Центробанк. Силуанов шуӧмӧн бюджет понда проект лоас интереснӧй аслас «сӧдзӧс» кузя[29].

«Яков и Партнёры» (одзжык McKinsey) нима компанияись эксперттэз сьӧрті, ӧтласа экономическӧй эффект бизнеслӧ да банккезлӧ цифровӧй национальнӧй валюта пыртӧмсянь вермас лоны 328 млрд руб быд во — медодз эквайрингӧвӧй операцияэз вылын экономитӧм понда[30].

Критика

«Сбербанк» критикуйтіс докладсӧ, цифровӧй руб вылӧ сьӧм вуджӧмсӧ лыддьӧмӧн 2-4 триллион руб, мый вермас вайӧтны кредитнӧй ставкаэз содӧмӧ. Банккезісь джын мымда сія кадӧ лыддисӧ, мый цифровӧй руб лӧсьӧтны абу колана[31]. Сідзжӧ Сбербанк висьталіс рисккез йылісь, кӧдна йитчӧмась виль формаа валюталӧн кибервидзсьӧмӧн. Медбы сійӧ лэбтыны, банк правленнёись председательӧс вежлісь Станислав Кузнецов видзӧтӧм сьӧрті, колӧ лӧсьӧтны уникальнӧй система, кӧдалӧн доныс лоас 20-25 млрд руб[32].

«Сколково-РЭШ» центрын плюссэзкӧт ӧтлаын висьталісӧ, мый цифрӧвӧй руб пыртӧм бӧрын ЦБ вермас кыссьыны финансӧвӧй услугаэз рынокӧ. Эта вермас вайӧтны асшӧр статуссӧ ӧштӧмӧдз да регулируйтан функция ӧштӧмӧдз[33].

Макроэкономическӧй анализ да недыр кежся прогнозируйтӧм сьӧрті центрись эксперттэз висьталісӧ, мый полӧны, мый цифровӧй руб вермас вайӧтны банккезлӧ ликвидность ӧштӧмӧдз. 2024 во помӧдз торья морттэзлӧн да юридическӧй кыввидзиссезлӧн сьӧмкуддэз вылісь вермас петны 9 трлн-ся не етшажык руб[33].

Цифровӧй рубӧн аркмӧтан рисккез

ЦВЦБ (CBDC) пыртӧмкӧт йитсьӧны сэтшӧм рисккез, кыдз — РФ-лісь финансӧвӧй система монополизируйтӧм, гражданаӧс, организацияэзӧс да канмуся, мунципальнӧй учрежденнёэзӧс сьӧм бергӧтӧмын лимиттэз сувтӧтӧм пондӧтчӧм, а сідзжӧ нылӧн медшӧр функцияись — ӧктан функцияись — сьӧмсӧ мырддьӧм[34]. Цифровӧй руб вынсьӧтӧмлӧн ӧтік опасӧн лоӧ абу колана ёна регулируйтӧм[35].

Пасйӧттэз

  1. ↑ 1 2 Цифровой рубль. Доклад для общественных консультаций. Банк России. Видзӧтӧм 18 Гожумпом 2025.
  2. ↑ Фёдор Наумов Цифровой суверенитет. Зачем правительству понадобился крипторубль рус.. Forbes (2017-11-03). Видзӧтӧм 18 Гожумпом 2025.
  3. ↑ Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53), 2021. С. 198—208.
  4. ↑ Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество. № 1, 2021. С. 51—60.
  5. ↑ Ольга Шерункова ЦБ наполнит кошельки цифровыми рублями рус.. Коммерсантъ (2021-04-08). Видзӧтӧм 18 Гожумпом 2025.
  6. ↑ Марина Дульнева ЦБ выбрал 12 банков для тестирования цифрового рубля рус.. Forbes (2021-06-29). Видзӧтӧм 18 Гожумпом 2025.
  7. ↑ Некоторые российские банки уже тестируют платежи между физлицами с цифровым рублем рус.. ТАСС (2022-01-19). Видзӧтӧм 18 Гожумпом 2025.
  8. ↑ Цифровой рубль: старт тестирования. Банк России (2022-02-15). Видзӧтӧм 18 Гожумпом 2025.
  9. ↑ Ксения Чемоданова, Владислав Иванов В пилотном режиме: в России начались первые испытания цифрового рубля. RT (2022-02-15). Видзӧтӧм 18 Гожумпом 2025.
  10. ↑ С 2023 года в России планируют начать расчёты в цифровых рублях рус.. ИА Regnum (2022-04-21). Видзӧтӧм 18 Гожумпом 2025.
  11. ↑ Анастасия Кузьмичева Госдума приняла в первом чтении законопроект о цифровом рубле рус.. РБК (2023-03-16). Видзӧтӧм 18 Гожумпом 2025.
  12. ↑ Анастасия Кузмичева Госдума одобрила законопроект о наследовании цифрового рубля. РБК (2023-06-21). Видзӧтӧм 18 Гожумпом 2025.
  13. ↑ Госдума приняла закон о внедрении цифрового рубля. ТАСС (2023-07-11). Видзӧтӧм 18 Гожумпом 2025.
  14. ↑ Путин подписал закон о внедрении цифрового рубля. ТАСС (2023-07-24). Видзӧтӧм 18 Гожумпом 2025.
  15. ↑ ЦБ РФ начнет пилот с реальными цифровыми рублями после появления законодательной базы рус.. Interfax (2023-03-22). Видзӧтӧм 18 Гожумпом 2025.
  16. ↑ ЦБ утвердил логотип цифрового рубля. ТАСС (2023-08-03). Видзӧтӧм 18 Гожумпом 2025.
  17. ↑ 1 2 У цифрового рубля появился логотип. Банк России (2023-08-03). Видзӧтӧм 18 Гожумпом 2025.
  18. ↑ ЦБ РФ: о появлении цифрового рубля не знают более 30% опрошенных россиян. Эксперт (2024-06-19). Видзӧтӧм 18 Гожумпом 2025.
  19. ↑ Путин поручил перейти к широкому внедрению цифрового рубля. РИА "Новости" (2024-07-17). Видзӧтӧм 18 Гожумпом 2025.
  20. ↑ ЦБ и Минфин провели первые тесты цифрового рубля в бюджетном процессе, РБК (17 Гожумшӧр 2024). Дата обращения: 18 Гожумпом 2025.
  21. ↑ ЦБ зафиксировал всплеск мифов о цифровом рубле в мессенджерах и соцсетях, РБК (4 Тӧвпом 2025). Дата обращения: 18 Гожумпом 2025.
  22. ↑ ЦБ отложил массовое внедрение цифрового рубля, РБК (27 Тӧвпом 2025). Дата обращения: 18 Гожумпом 2025.
  23. ↑ ЦБ предупредил о схеме похищения денег через ложные инвестиции в цифровой рубль, Известия (11 Тулысшӧр 2025). Дата обращения: 18 Гожумпом 2025.
  24. ↑ Наталья Заруцкая. Банк России подвел первые итоги пилотирования цифрового рубля, Ведомости (30 Одзгожум 2025). Дата обращения: 18 Гожумпом 2025.
  25. ↑ Госдума утвердила внедрение цифрового рубля, Коммерсантъ (15 Гожумшӧр 2025). Дата обращения: 18 Гожумпом 2025.
  26. ↑ Фирменный стиль. Банк России. Видзӧтӧм 18 Гожумпом 2025.
  27. ↑ ЦБ утвердил логотип цифрового рубля рус.. Ведомости (2023-08-03). Видзӧтӧм 18 Гожумпом 2025.
  28. ↑ Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25, 2021. С. 77—84.
  29. ↑ Александра Юшкявичюте Министр финансов России Силуанов назвал создание цифрового рубля перспективным. Газета.ру (2023-02-06). Видзӧтӧм 18 Гожумпом 2025.
  30. ↑ Надежда Померанцева Инновационный кошелек. Эксперт (2024-02-14). Видзӧтӧм 18 Гожумпом 2025.
  31. ↑ Что не так с цифровым рублем: Сбер предупредил о рисках новой валюты. Вести (2020-12-15). Видзӧтӧм 18 Гожумпом 2025.
  32. ↑ Сбербанк оценил, во сколько обойдется устойчивость цифрового рубля. РБК (2020-12-03). Видзӧтӧм 18 Гожумпом 2025.
  33. ↑ 1 2 Анна Громова «Полный цикл операций». В России испытали цифровой рубль. Газета.ру (2022-02-15). Видзӧтӧм 18 Гожумпом 2025.
  34. ↑ Анастасия Аксенова Перспективы внедрения ЦВЦБ в России рус.. Blockchain24. Видзӧтӧм 18 Гожумпом 2025.
  35. ↑ Максим Стулов. Четыре главные опасности цифрового рубля, Ведомости (21 Одзтулыс 2025). Дата обращения: 18 Гожумпом 2025.

Литература

  • Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество. № 1, 2021. С. 51—60.
  • Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25, 2021. С. 77—84.
  • Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53), 2021. С. 198—208.

Ыстӧттэз

Босьтӧма "https://koi.ruwiki.ru/w/index.php?title=Цифровӧй_руб&oldid=215980"-ись