Пенсияэз да отсӧттэз вештӧм цифровӧй рубӧн

Босьтöм Рувикиись
Пенсияэз да отсӧттэз вештӧм цифровӧй рубӧн
Цифровой рубль.jpg
Пондӧтчан кад 2025-2026
Кытӧн Россия
Мыля Сьӧм вуджӧтӧм костся мунӧм чинтӧм

Пенсияэз да отсӧттэз вештӧм цифровӧй рубӧн (рочӧн Выплата пособий и пенсий в цифровых рублях) — канмуӧн социальнӧй мынтӧммез цифровӧй форматӧ вуджӧтӧм Россияын цифровӧй руб пыртӧм сьӧрті. Цифровӧй руб — сьӧмлӧн куимӧт форма, кӧда ӧтлаӧтӧ ас пытшкас наличнӧй да налтӧм вештан ассяматоррез[1].

2025 во аршӧр 1 лунсянь цифровӧй рубӧн пондасӧ керсьыны мукӧд мынтӧммез федеральнӧй бюджетісь. Ны лыдын тодиль социальнӧй отсӧттэз. Кытшӧмӧсь лоасӧ мынтӧммез, 2025 вося гожумпом кеж, правительство эз юӧрт. 2026 восянь канму вермас видзны виль формат быдкодь мынтӧм понда, ны лыдын пенсияэз да бюджетниккезлӧ удждоннэз вештӧм понда[2].

Контекст

Цифровӧй рублісь пилотнӧй проектсӧ Россиялӧн Банк  (перм.рус. лэдзис 2023 во гожумпомӧ. Сы сьӧрті морттэз, банккез да компанияэз керӧны операцияэз цифровӧй руббезӧн[3].

2025 во тулысшӧрӧ Россиялӧн финанссэз министр Антон Силуанов висьталіс, мый видзчисьӧ 2026 воӧ цифровӧй рублісь пыськыта пыртӧм[4]. Эта кад кежӧ колана лэдзны да пондывны уджын финансовӧй инфраструктура.

Цифровӧй руб пондасӧ используйтны виртуалын: Россиялӧн Банк пондас лэдзны цифровӧй рубсӧ цифровӧй кодӧн, а виль валюталӧн сьӧмкуддэз лоасӧ ЦБ платформа вылын[1].

Сьӧмлӧн виль формаыс пондас видзсьыны физическӧй да юридическӧй лицоэзлӧн цифровӧй кошелёккезын. Кошелёккес озӧ лоӧ кӧрталӧмӧсь конкретнӧй банк бердӧ, но используйтны цифровӧй рубсӧ позяс традиционнӧя: банк содтӧттэза отсӧтӧн. Кошелёкӧ позяс пырны быд банк пыр, кытӧн обслуживайтӧны клиентсӧ. Одзлань туяс вештісьны цифровӧй рубӧн ӧтуввезтӧг[3].

Цифровӧй руббезӧн позяс вештісьны да вуджӧтны сьӧм, нійӧ сідзжӧ позяс вуджӧтны налтӧмӧ, а сэсся и босьтны, кыдз наличнӧйӧ, ковсяс кӧ. Морттэз понда цифровӧй руббезын трансакцияэз понда оз лоӧ банковскӧй комиссияэз. Ны вылӧ оз пондӧ паськавны кредитнӧй организацияэзлӧн лимиттэз. Юридическӧй кыввидзись понда планируйтсьӧны учӧт комиссияэз[5].

Тӧдчӧтсьӧ, мый виль формаыс лӧсялана визирсайся вуджӧтӧммез да трансакцияэз вӧджжӧтӧм понда[1].

Цифровӧй руб пыртан кад

2025 во гожумшӧр 15 лунӧ Госдума  (перм.рус. бурсьӧтіс цифровӧй руб пыртӧм йылісь закон[6], кӧдӧ РФ президент Владимир Путин кырымпасаліс 2025 вося гожумшӧр 23 лунӧ. Виль закон сьӧрті, сійӧ пондасӧ пыртны 2026 вося одзар 1 лунсянь. Сійӧн медодз пондасӧ уджавны медыджыт банккезын да вузасян веззэзын, кӧдна шедтӧны 120 млн рубся унажык, 2028 во кежӧ ӧтлаасясӧ быдӧс вузасиссез да банккез.

2025 во аршӧр 1 лунсянь цифровӧй рубнас пондасӧ вештыны федеральнӧй мунӧммез да торья социальнӧй отсӧттэз. Кытшӧмӧсь — 2025 во гожумшӧр кежӧ эз вӧв тӧдса.

2026 во тӧвшӧр 1 лунсянь цифровӧй рубӧн позяс вештісьны федеральнӧй бюджетісь быдпӧлӧс мынтӧммез понда: бюджетниккезлӧ пенсияэз, отсӧттэз, стипендияэз да удждоннэз.

2027 воӧ цифрӧвӧй руб пырас региональнӧй мынтӧммезӧ, а сідзжӧ небюджетнӧй фонддэз системаӧ[2].

Кӧсъялӧм принцип

ЦБ-ын тӧдчӧтӧны, мый цифровӧй руб вынсьӧтӧм дырни баитӧмыс абу кытшӧмкӧ тшӧктӧм йылісь:

Граждана, кыдз и ӧні, вермасӧ асьныс бӧрйыны, кытшӧм формаӧн руб используйтны — наличнӧйӧн, налтӧмӧн нето цифровӧйӧн. Бӧрйӧ ачыс мортыс[7].

Кӧр россиянин оз мӧд используйтны цифровӧй руббез, сія вермас не осьтны цифровӧй кошелёк[1]. Сія лӧсялӧ отсӧттэз да пенсияэз босьтӧм понда: нія асьныс лӧсьӧтӧны, кыдз босьтны мынтӧмсӧ (сьӧмтӧм вештісьӧм, наличнӧй сьӧм нето цифровӧй руб)[2].

Отсӧттэз вештӧм

2025 во тӧвпомӧ «Интерфакс» агентство юӧртіс, что Россиялӧн Банк Федеральнӧй казначействокӧт  (перм.рус. ӧтлаын лӧсьӧтчӧны пондӧтны опыт, кыдз позьӧ используйтны цифровӧй рубсӧ социальнӧй отсӧттэз да капитальнӧй строительство понда мунӧм вештӧм понда. Агентство шуӧмӧн этӧ колӧ керны 2025 во гожумпом 25 лунсянь. «Интерфакс» ыстіссьӧ «дорожнӧй карта» вылӧ, кыдз бюджетнӧй процессын используйтны цифровӧй руб. Эксперимент должен мунны одзар помӧдз. Сы дырни документын оз висьтавсьы, кытшӧмӧсь лоасӧ тестируйтӧмӧн мынтӧммез[8].

Бурсьӧтӧм закон сьӧрті, 2025 во аршӧрсянь цифра сьӧрті пондасӧ вештыны отсӧттэз[2]. Сэк жӧ, кыдз вились тӧдчӧтісӧ ЦБ-ын, автоматическӧя оссьыны цифровӧй кошелёк оз понды[7].

Кыдз висьталӧны эксперттэз, цифровӧй рубӧн мынтӧммез лӧсяланаӧсь канмулӧ, сідз кыдз сетӧны канмулӧ видзӧтны сьӧм видзӧм сьӧрті. Финансовӧй грамотность зорӧтан ассоциацияись генеральнӧй директор Вениамин Каганов эта йылісь висьталіс:

…Бюджет понда тӧдчана, медбы казённӧй сьӧмсӧ видзсисӧ дзир моггез сьӧрті. Шуам, медбы челядьлӧ отсӧтӧн аймамыс эз вештісьӧ алкоголь да сигаретаэз понда. Цифровӧй рубӧн вештісикӧ сія лоас быльӧн[5].

Пенсияэз вештӧм

Рунетас мыччисисӧ юӧррез планнэз вуджӧтны быдӧс пенсияэсӧ цифраӧ йылісь. Кыдз юӧртӧны Роccия Банклӧн сайт вылын, сэтшӧм планыс абу[9].

2025 во тӧвпомӧ Госдумаись эмбур да му сьӧрті комитетӧн веськӧтлісь Сергей Гаврилов шуис фейкӧн соцсетьын юӧррез сы йылісь, мый «россияна ӧні пондасӧ получайтны пенсияэсӧ цифровӧй руббезӧн, а мед кидсьыны, колӧ ыстыны заявленнё регуляторӧ нето пенсионеррезӧс обслуживайтісь банкӧ». Депутат тӧдчӧтіс, мый канму оз вермы сувтӧтны пенсия босьтӧм понда дзир ӧтік туй, кӧть и баитсьӧ традиционнӧй банковскӧй вуджӧтӧммез йылісь, огӧ ни баитӧ цифровӧй деньга йылісь, кӧда кольччӧ виль инструментӧн[10].

Мӧдӧ ко пенсионер ачыс босьтны пенсиясӧ цифровӧй руббезӧн (2026 восянь), то эта понда (кыдз и цифровӧй отсӧт босьтӧм понда) ковсяс осьтны цифровӧй кошелёк. Сыбӧрын гижны заявленнё Социальнӧй фондӧ, медбы юӧртны кӧсйӧм йылісь босьтны вештӧттэз цифровӧй кошелёк вылӧ да иньдыны сылісь номерсӧ. Кытчӧдз СФР оз получит пенсионерсянь сэтшӧм заявленнё, мынтыны пенсиясӧ цифровӧй руббезӧн оз пондӧ. Сёрӧнжык сідзжӧ позьӧ кидсьыны цифровӧй руббеза пенсияись, бертӧмӧн канмуся мынтӧммез босьтан традиционнӧйжык туйез дынӧ[11].

Пасйӧттэз

  1. ↑ 1 2 3 4 Будут ли платить пенсии в цифровых рублях?, ВТБ Пенсионный фонд (4 Одзгожум 2025). Дата обращения: 19 Гожумпом 2025.
  2. ↑ 1 2 3 4 С 1 октября 2025 года пособия и пенсии будут выплачивать в цифровых рублях. Что это значит для получателей, Банки.ру (28 Гожумшӧр 2025). Дата обращения: 18 Гожумпом 2025.
  3. ↑ 1 2 Цифровой рубль. Банк России. Видзӧтӧм 19 Гожумпом 2025.
  4. ↑ Силуанов ждет масштабного внедрения цифрового рубля в 2026 году, Interfax (28 Тулысшӧр 2025). Дата обращения: 19 Гожумпом 2025.
  5. ↑ 1 2 Сергей Болотов. Социальные выплаты в цифровых рублях. Насколько это реально?, Российская газета (10 Тӧвпом 2025). Дата обращения: 19 Гожумпом 2025.
  6. ↑ Госдума определила сроки массового внедрения цифрового рубля, РИА Новости (15 Гожумшӧр 2025). Дата обращения: 19 Гожумпом 2025.
  7. ↑ 1 2 Что такое цифровой рубль, зачем он и как работает, нужно ли заявление на отказ от цифрового рубля. Банк России. Видзӧтӧм 19 Гожумпом 2025.
  8. ↑ ЦБ и Казначейство РФ намерены осенью протестировать выплату пособий в цифровых рублях, Interfax (5 Тӧвпом 2025). Дата обращения: 19 Гожумпом 2025.
  9. ↑ Миф 4. Все зарплаты бюджетников и выплаты для пенсионеров переведут на цифровые рубли, как когда-то заставили всех перейти на «Мир». Банк России. Видзӧтӧм 19 Гожумпом 2025.
  10. ↑ В Госдуме назвали фейком сообщения о переводе пенсий в цифровые рубли, TACC (1 Тӧвпом 2025). Дата обращения: 19 Гожумпом 2025.
  11. ↑ Пенсия в цифровых рублях. Сбербанк. Видзӧтӧм 19 Гожумпом 2025.
Босьтӧма "https://koi.ruwiki.ru/w/index.php?title=Пенсияэз_да_отсӧттэз_вештӧм_цифровӧй_рубӧн&oldid=215698"-ись