Туркин Василий Михайлович

Туркин Василий Михайлович
Туркин Василий Михайлович
Чужан лун:	1922 во тулысшӧр 22 лун
Чужанін:	Сюзьпозъя (Кудымкар район), Ошыб посадму, Российскӧй Федерация;
Кулан лун:	1978 во тулыспом 25 лун (56 лет)
Куланін:	Тукачов, Российскӧй Федерация;
Канму	СССР[d];

Туркин Василий Михайлович (1922 во тулысшӧр 22 лун, Сюзьпозъя (Кудымкар район), Ошыб посадму — 1978 во тулыспом 25 лун, Тукачов) — вӧрзаптісь, вӧр промышленносьтын уджалісь, Социалистическӧй Уджын Герой (1957).

Олантуй

Василий Туркин чужис 1922 во тулысшӧр 22 лунӧ Кудымкар районісь Виль Батинын (Сюзьпозъя да Вагановчи коласын вӧвлӧм деревня) крестьяна семьяын. Велӧтчис Вагановчиись одзшколаын кык класс, сэсся отсасис гортас.

1935 воӧ Туркиннэзлӧн семьяыс муніс овны Юсьва районісь Тукачовӧ. Татӧн 13-восяӧн Василий пондӧтіс ассис уджалан туйсӧ Тукачовскӧй леспромхозын — уджаліс вӧввез новйӧтісьӧн, столярӧн да плотникӧн. 1938 воӧ помаліс тракторист курссэз да лоис 1-а категорияа трактористӧн. Уджаліс вӧрзаптісь трактористӧн, стационарнӧй установкаын мотористӧн да «Комипермлес» трестлӧн Тукачовскӧй леспромхозын бульдозеристӧн.

1942 вося тӧвшӧрӧ муніс Гӧрд Армияӧ да участвуйтіс Великӧй Отечественнӧй войнаын. Воюйтіс Москва дынын. Белоруссияын, Гомель дынын, вӧлі сьӧкыта дойдӧм. Во сьӧрна чулӧтіс Барнаул карись госпитальын. 1944 воӧ бертіс гортас ампутируйтӧм кокӧн. Бӧра кутчис уджавны Тукачовскӧй леспромхозын. Медодз уджаліс механикӧн гаражын, сыбӧрын вились пуксис трактор сайӧ. Уджаліс вӧрзаптӧмын С-80 да С-100 тракторрез вылын. Пӧвкокаӧн кужис тыртны производственнӧй заданнёэз. Петкӧтліс вӧрсӧ 400 кубометрӧн 18-20 километр ылынаӧ. Быд лун тыртіс неӧтік норма. 1956—1957 воэзся арся-тӧвся кадӧ петкӧтіс 100 сюрсся унажык кубометр вӧр.

Вӧрын удж киння нуӧтіс ыджыт отир понда удж. КПСС-лӧн член 1959 восянь, вӧлі XXІІ партия съезд вылын делегатӧн да СССР Верховнӧй Советын депутатӧн^[1].

Отсаліс томпӧлӧсӧс уджалан да патриотическӧя быдтӧмын. ВЛКСМ-лӧн Коми-Пермяцкӧй окружнӧй комитет аркмӧтіс В. М. Туркин нима приз, кӧда понда вермасисӧ вӧрзаптӧмын уджалан томпӧлӧс комсомольскӧй коллективвез.

Оліс Тукачовын. Куліс 1978 во тулыспом 25 лунӧ.

Юсьва районлӧн архивын видзӧны В. М. Туркинлісь фонд^[2]. Сідзжӧ сы документтэза дело эм Коми-Пермяцкӧй гортладор туялана музейын.

Донтан пассэз

Социалистическӧй Уджын Герой Ленин нима орденӧн да «Чарла да доран» зарниа медальӧн ошкӧмӧн (№ 7838, 1957 во аршӧр 5 лун, «вӧр промышленнось сӧвмӧтӧмын ыджыт вермӧммез понда»)^[3]:
Отечественнӧй войнася II тшупӧта орден (1947);
Гӧрд Кӧдзув орден;
«1941-1945 воэзся Великӧй Отечественнӧй войнаын Германия вермӧм понда» медаль (1945);
«Великӧй Отечественнӧй война костася ыджыт удж понда» медаль;
«Уджын доблесть понда» медаль (1953);
СССР ВДНХ-лӧн бронза медаль (1960)^[4]

Морт йылісь

Юхнов И. Василий Туркин. // Газета «3везда». 1955 год, 24 апреля.
Юхнов И., Сокольская Ж. Жизнь — подвиг. // Мастер леса. 1958.
Белой Р. Тракторист леспромхоза Василий Туркин. — Пермь, 1959.
Коми-пермяцкий Маресьев. // Герои Труда. — Пермь, 1975.
Герои Прикамья. Пермь, «Пушка», 2006.

Пасйӧттэз

↑ Депутаты Верховного Совета СССР V-го созыва 1958-1962. Справочник по истории Коммунистической партии и Советского Союза 1898 - 1991. Видзӧтӧм 14 Тӧвпом 2026.
↑ Личный фонд Туркина Василия Михайловича. Архивы Прикамья. Видзӧтӧм 27 Тӧвпом 2026.
↑ Туркин Василий Михайлович. Видзӧтӧм 14 Тӧвпом 2026.
↑ Туркин Василий Михайлович // Гордость Пармы. Видзӧтӧм 14 Тӧвпом 2026.

Ыстӧттэз

Туркин Василий Михайлович рус.. Сайт «Герои страны».
Человек трудового подвига Газета «Юсьвинские вести»

[1] Депутаты Верховного Совета СССР V-го созыва 1958-1962. Справочник по истории Коммунистической партии и Советского Союза 1898 - 1991. Видзӧтӧм 14 Тӧвпом 2026.

[2] Личный фонд Туркина Василия Михайловича. Архивы Прикамья. Видзӧтӧм 27 Тӧвпом 2026.

[gst-perm-3] Туркин Василий Михайлович. Видзӧтӧм 14 Тӧвпом 2026.

[4] Туркин Василий Михайлович // Гордость Пармы. Видзӧтӧм 14 Тӧвпом 2026.

[1]

[2]

[3]

[4]