Попов Александр Васильевич
| Попов Александр Васильевич | |
|---|---|
 | |
| Чужан лун | 1924 во аршӧр 26 лун |
| Чужанін | Артамон, Усольскӧй уезд, Уральскӧй область, РСФСР, СССР |
| Кулан лун | 2008 во одзтӧв 31 лун |
| Куланін | Кудымкар, Коми-Пермяцкӧй округ, Пермскӧй край, РФ |
| Киндор |
 CCCР |
| Званнё | старшӧй лейтенант |
| Сраженнёэз/войнаэз | |
| Донтан пассэз |
  |
Попов Александр Васильевич (1924 во аршӧр 26 лун, Артамон, Усольскӧй уезд, Уральскӧй область, РСФСР, СССР — 2008 во одзтӧв 31 лун, Кудымкар, Коми-Пермяцкӧй округ, Пермскӧй край, Российскӧй Федерация) — Великӧй Отечественнӧй войнаын участник, 1945 да 2005 вося Победа параддэзын участник, республиканскӧй категорияа лызь котрасьӧм сьӧрті судья, Коми-Пермяцкӧй окружнӧй спорткмитетӧн юралісь (1965—1991).
Олантуй
Чужис 1924 во аршӧр 26 лунӧ Артамонын (ӧння кадӧ Кудымкар район). 1941 воӧ помаліс Кудымкарись шӧрӧт № 1 школа. Школа помалӧм бӧрын, оланӧ петан рыт ашынӧ, муніс Великӧй Отечественнӧй война вылӧ[1].
Кысъяліс 1260-ӧт стрелковӧй полкын, быдмис старшӧй лейтенантӧдз[2]. Участвуйтіс Курскӧй битваын[3]. 1943 воӧ вӧлі дойдӧм[4]. Участвуйтіс 1945 во одзгожум 24 лунся Победа парадын Москваын[5].
Демобилизуйтчис 1946 воӧ да бертіс Кудымкарӧ[2]. Уджаліс физкультура велӧтісьӧн Кудымкарись школаэзын да техникуммезын[1]. Занимайтчис лызь котрасьӧмӧн. Вермывліс окружнӧй да областнӧй турниррезын.
1950-ӧт воэзӧ вӧлі Юрла ВЛКСМ райкомын медодзза секретерьӧн. 1965 восянь 25 сьӧрна юраліс Коми-Пермяцкӧй окружнӧй спорткомитетӧн[1].
Пенсия вылас овтӧн директораліс «Парма» лызь комплексӧн, вӧлі юралісь судьяӧн окружнӧй да областнӧй соревнованнёэзын, ны коласаын газета «Парма» приз понда кокнит атлетика сьӧрті эстафетаын[1].
2005 воӧ участвуйтіс Победа парадын Москваын[1].
Куліс 2008 во одзтӧв 31 лунӧ[1].
Донтан пассэз
- «Отвага понда» медаль (24.09.1966)[5][6]
- Отечественнӧй войнася II тшупӧта орден (06.04.1985)[5][7]
- «Спорт зорӧтӧмӧ пуктӧм пай понда» Госкомспортлӧн почёта пас[1]
Пасйӧттэз
- ↑ 1 2 3 4 5 6 7 Попов Александр Васильевич // Гордость Пармы : [биографический справочник]. — Кудымкар : Коми- Пермяцкое книжное издательство, 2008. — C. 142—143. — 568 с. — ISBN 978-5-87901-121-0
- ↑ 1 2 Попов Александр Васильевич, 1924 г.р. Учетно-послужная картотека Память народа Видзӧтан кад 04.05.2025
- ↑ Попов Александр Васильевич, 1924 г.р. Коллекция воспоминаний участников Великой Отечественной войны // ГКБУ «Коми-Пермяцкий окружной государственный архив» Видзӧтан кад 04.05.2025
- ↑ Попов Александр Васильевич, 1924 г.р. Картотека ранений Память народа Видзӧтан кад 04.05.2025
- ↑ 1 2 3 Попов Александр Васильевич // Участники Парада Победы в Москве 24 июня 1945 г. Энциклопедия «Пермский край в Великой Отечественной войне» ГКБУ «Пермский государственный архив социально-политической истории» Видзӧтан кад 04.05.2025
- ↑ Попов Александр Васильевич, 1924 г. р. Документы о награждении Память народа Видзӧтан кад 04.05.2025
- ↑ Попов Александр Васильевич, 1924 г.р. Документы о награждении Память народа Видзӧтан кад 04.05.2025