Няняшыд
| Няняшыд | |
|---|---|
| Продукттэз | |
| Мыйись керӧм | йӧв[d] и кӧс кӧрыш тор[d] |
Няняшыд — коми вежалунся сёян, пуӧм нетӧ пӧжӧм няньторрезісь йӧла шыд.
Керӧм
Няняшыдыс керӧны йӧлісь да нянись. Няньсӧ няняшыдыс понда керӧны этадз: шӧмтӧм нянись керны кӧвдӧммез, вӧснитика быргӧтны. Кӧрышшесӧ косьтышны недыр да сэсся вевсьӧн вундавны учӧт торрезӧ да бура косьтыны. Косьтӧм няньторресӧ позьӧ дыр видзны.
Няняшыдыс понда колӧ пизьӧтны йӧв, солалыштны, сэтчӧ пуктыны косьтӧм няньторресӧ. Пуны пыр соралалӧмӧн, мед торрес эз лякасьӧ ӧтамӧд бердӧ. Позьӧ пуны сука, позьӧ кизержыка. Пуӧм няняшыдсӧ позьӧ суйыштлыны недыр горӧ, мед сукмыштіс да аркмис кеня.[1]
Традицияын
Няняшыдыс — вежалунся сёян. Сійӧ пуӧны Василей рыт кеж, гӧтрасьӧм кеж да мӧдік вежалуннэз кеж.[2][3]
Пасйӧттэз
- ↑ Коми-пермяцкая кухня [Сб. рецептов / Сост. А. Долдина; Ред.: В. Коколева, Л. Косова]. — Кудымкар : Коми-Пермяц. кн. изд-во, 1998. — 508, [3] с. ил.; 21. — ISBN 5-87901-033-3. — С. 363.
- ↑ Круглый год праздников, обрядов и обычаев коми-пермяков / В. В. Климов, Г. Н. Чагин; [идея Л. Ратеговой]. — Изд. 2-е, доп.. — Кудымкар : Коми-Пермяцкий этнокультурный центр, 2018. — 303 с. — С.105-106. — ISBN 978-5-85383-726-3
- ↑ Климов В. В. Олан вужжез = Корни бытия: этнографические заметки о коми-пермяках; на коми-перм. и рус. яз. — Кудымкар: Коми-Перм. кн. изд-во, 2007. — 368 с. — С. 104. — ISBN 5-87901-110-0