Нефедьев Степан Григорьевич

Нефедьев Степан Григорьевич
Удж:	главный редактор
Чужан лун:	1904’ во
Чужанін:	Селиш, Лёвич посадму, Кӧсладор район, Коми-Пермяцкöй автономнöй округ[d]
Кулан лун:	неизвестно

Нефедьев Степан Григорьевич (1904—1938?) — Коми кытшын комсомолісь функционер.

Олантуй

Чужис 1904’ годö öння Кöсын, кытöн 1919’ воын котыртіс комсомол поз. Чожа мыйись комсомолса бöрйисö сійö волосись, а 1921’ во и районісь комитетын юралісьö. Уджаліс РКСМ-лöн Чердын укомын инструкторöн, помаліс Совпартшкола Перемын. Вöлі Кыдзов ГРЭС строитіссез коласын.

1924’ во помын сійö бöрйöны секретарöн комсомолсалöн Кудымкар райкомö. С. Г. Нефедьев уджаліс Коми кытш лосьöтан бюроын, пырис партиялöн медодзза окружкомö, вöлі сы бюроын. Лоис медодзза секретарöн комсомол окружкомын, кытöн сія уджаліс дас годся дыржык. 1926’ мартын ветліс Мöскваö, комсомол VII öксян вылö.

1930 воэзö

Год да джын редактораліс «Коммунизм сьöрті университет (Я. М. Свердлов нима). Юраліс Кудымкарись совпартшколаын. Сэсся куим во сьöрна вöлі кыввидзись редакторöн «Ленин туй вылöт» газетаын. 1937’ воын сійö бöрйöмась партиялöн окружком бюроö, кытöн сія веськöтліс школаэз да культпросветработа сьöрті юкöтöн.

Вийöм

1938’ майын Советтэза Союзын ыджыт террор коста С. Г. Нефедьев вöлі репрессируйтöм. Нимсö сöстöмтöмась 1956’ воын.

Небöггез

Дед Нефёд ним увтын 1932’ годö сія лэдзис гыриссез понда буквар «Ударник».

Öтлаын Иву Стёпкокöт С. Г. Нефедьев вуджöтіс перем коми кыв вылö В. И. Ленинлісь Молодёж Союззэзлöн задачаэз. (Кудымкар, 1933).

Öшмöссэз

• Коньшин А. Е.. История коми-пермяцкого народа. Книга первая. 1917—1940 гг. Кудымкар, 2004. ISBN 5-900894-22-3