Мусатова Надежда Александровна
| Мусатова Надежда Александровна | |
|---|---|
 | |
| Чужан лун: | 1990 во одзар 18 лун (35 лет) |
| Чужанін: | |
| Канму | |
| Удж | сьылісь, фольклорист |
Мусатова Надежда Александровна (1990 во одзар 18 лун, Ошыб (Кудымкар район), Пермскӧй область[d]) — коми сьылісь, фольклорист, Коми-Пермяцкӧй сьылан-йӧктан «Шондібан» ансамбльӧн юралісь.
Олантуй
Чужис 1990 во одзар 18 лунӧ Ошыбын. Помаліс Ошыб школаын 9 класс. 2004 воӧ помаліс Кудымкарись искусствоа школа, велӧтчикас вӧлі «Орс, гармоння» ансамбльлӧн солистӧн[1]. 2004—2009 воэзӧ велӧтчис Перем культура колледжын, помаліс сійӧ гӧрд дипломӧн[2].
2009 воӧ муніс велӧтчыны Московскӧй государственнӧй культура да искусствоа институтӧ, велӧтчис «Роч отир сьылан искусство» кафедра вылын. Помалӧм бӧрын уджаліс Москваись «Вольная Русь» ансамбльын[1].
2015 воӧ овмӧтчис Кудымкарӧ[1]. 2017—2023 воэзӧ уджаліс Кудымкар район культура учрежденнёэзын фольклор сьӧрті специалистӧн, юраліс «Силькан» челядь ансамбльӧн да «Виль нинкӧм» фольклорнӧй ансамбльӧн[2].
2016 воӧ вермис «Сьылам чужан да канму кыввез вылын» (рочӧн «Поём на родном и государственном») Россия пасьтся конкурсын Гран-при. 2017 воӧ лоис «Перепляс» нима Россия пасьтся традиционнӧй йӧктан конкурс лауреатӧн[2].
2023 во тӧвшӧр 16 лунсянь юралӧ Коми-Пермяцкӧй сьылан-йӧктан «Шондібан» нима ансамбльӧн[3][4].
«Шай-май» фолк-группа аркмӧтісь да солист. Юралӧ сідзжӧ «Туригум» этно-электроннӧй проектӧн.
Туялӧ коми фольклор. Лэдзис кык небӧг[2].
Небӧггес
- Мусатова Н. А. Музыкально-стилистические и обрядовые особенности коми-пермяцкой свадьбы (по материалам экспедиции в д. Кукушка Кочёвского района Коми-Пермяцкого округа Пермского края). — Кудымкар: ГКБУК «Коми-Пермяцкий этнокультурный центр», 2023. — 80 с. — ISBN 978-5-6050930-1-5.
- Как на шкапике два голубя сидят… Сборник традиционных русских песен, записанных в селе Большая Коча Кочёвского муниципального округа Пермского края в исполнении народного ансамбля «Мича асыв» / сост. А. В. Кротова-Гарина, Н. А. Мусатова. — Кудымкар, 2023. — С. АНО «Трамплин». — 110 с.
Асторья олан
Нывкася гижсяныс — Сидорова. Айкаыс — композитор, мультиинструменталист Алексей Мусатов[1], быдтӧны Василиса да Полина ныввез, Фёдор зон (чуж. 2025). Олӧны Кудымкарын.
Оча сойыс — коми кыв да фольклор туялісь Анастасия Кротова-Гарина.
Донтан пассэз
- Коми-Пермяцкӧй округ делоэз сьӧрті Министерствосянь Почётнӧй грамота (2023)[2]
- Коми-Пермяцкӧй округ делоэз сьӧрті Министерво национальнӧй культура премиялӧн лауреат «Шылада искусство» номинацияын «Отир да чуддэз или Рождество, девки, пришло» нима программа понда (2025)[5].
Пасйӧттэз
- ↑ 1 2 3 4 Ксения Мизёва Шоу-бизнес в лаптях. Певица променяла Москву на коми-пермяцкое село. Аргументы и факты - Прикамье (2016-02-24). Видзӧтӧм 11 Одзар 2025.
- ↑ 1 2 3 4 5 Мусатова Н. А. Музыкально-стилистические и обрядовые особенности коми-пермяцкой свадьбы (по материалам экспедиции в д. Кукушка Кочёвского района Коми-Пермяцкого округа Пермского края). — Кудымкар: ГКБУК «Коми-Пермяцкий этнокультурный центр», 2023. — С. 80. — 80 с. — ISBN 978-5-6050930-1-5.
- ↑ Константин Седегов Надежда Мусатова стала художественным руководителем ансамбля «Шондiбан». Парма-новости (2023-01-27). Видзӧтӧм 11 Одзар 2025.
- ↑ Коми-пермяцкий ансамбль песни и танца «Шондiбан» (Лик солнца). ГКБУК «Коми-Пермяцкий этнокультурный центр». Видзӧтӧм 11 Одзар 2025.
- ↑ В Кудымкаре наградили лауреатов премий в области национальной культуры. Парма-Новости (2025-06-27). Видзӧтӧм 11 Одзар 2025.