Морошкин Сергей Владимирович
| Морошкин Сергей Владимирович | |
|---|---|
 | |
| Чужан лун: | 1914 во гожумпом 16 лун |
| Чужанін: | |
| Кулан лун: | 1993 во тулыспом 10 лун (78 лет) |
| Куланін: | |
| Удж | театрын юралан уджалісь |
| Донтан пассэз |
 |
Морошкин Сергей Владимирович(1914 во гожумпом 16 лун, Кӧс — 1993 во тулыспом 10 лун, Кудымкар) — Коми-Пермяцкӧй театрлӧн директор, орсісь, РСФСР культураын Заслуженнӧй уджалісь.
Олантуй
Чужис 1914 во гожумпом 16 лунӧ Кӧсын[1]. 1924—1931 воэзӧ велӧтчис Кӧсісь колхоз томпӧлӧс школаын. 1931—1933 воэзӧ уджаліс киномеханикӧн.
1933—1935 воэзӧ велӧтчис I национальнӧй студияын Коми-Пермяцкӧй театрын. Помалӧм бӧрын 3 во уджаліс театрас. Кысъяліс РККА-ын. 1940 во одтӧлӧ демобилизуйтчис да бертіс Кудымкарӧ уджавны театрын.
Великӧй Отечественнӧй война пондӧтчикӧ муніс фронт вылӧ[2]. Воюйтіс Западнӧй, Калининскӧй, 1 Прибалтийскӧй, Ленинградскӧй фронттэз вылын 179 стрелковӧй Витебскӧй Краснознамённӧй дивизияись 180 химзащита торья ротаын. Демобилизуйтчис 1945 во аршӧрӧ.
Бертіс Кудымкарӧ да вились кутчис уджавны Коми-Пермяцкӧй театрын. 7 во сьӧрна уджаліс орсісьӧн да тшӧтш юралісь администраторӧн, директор вежлісьӧн.1952 восянь пенсия вылӧ 1975 воӧ петӧмысӧдз вӧлі театр директорӧн[3]. 1975 восянь вились пондіс уджавны администраторӧн.
Куліс 1993 во тулыспом 10 лунӧ. Дзебӧм Кудымкарын.
Театрын удж
Директор удж
Орсісь удж
Орсіс роч да кывья спектакллезын 40-ся унажык роль.
Медтӧдчана роллес
- Павка Корчагин — «Как закалялась сталь», Н. Островский
- Годун — «Гарнизон», К. Тренев
- Артур — «Овод», Э. Л. Войнич
- Васильков — «Бешеные деньги», А. Островский
- Борис — «Гроза», А. Островский
- Шут — «Двенадцатая ночь», В. Шекспир
- Николай — «Поздняя любовь», А. Островский
- Ипполит — «Не все коту масленица», А. Островский
- Буланов — «Лес», А. Островский
- Мандро — «Мещанин во дворянстве», Ж. Б. Мольер
- Слуга — «Трактирщица», К. Гольдони
Донтан пассэз
- «Боевӧй заслугаэз понда» медаль (1945)
- РСФСР культураын Заслуженнӧй уджалісь (1966)
- Отечественнӧй война II степеня орден (1985)
Пасйӧттэз
- ↑ [Морошкин Сергей Владимирович] Гордость Пармы : биографический справочник / [редкол.: Л. П. Ратегова (гл. ред.) и др.]. — Кудымкар : Коми-Пермяцкое книжное изд-во, 2008. — 563 с. — С. 119.
- ↑ Морошкин Сергей Владимирович. Великой Победе посвящается // Коми-Пермяцкий национальный драматический театр им. М. Горького
- ↑ Театр вчера и сегодня // Коми-Пермяцкий национальный драматический театр им. М. Горького