Мингалев Сергей Степанович
| Мингалев Сергей Степанович | |
|---|---|
 | |
| Чужан лун | 1918 во одзар 1 лун |
| Чужанін | Аксёновчи, Усольскӧй уезд, Пермскӧй губерния, Россия |
| Кулан лун | 2000 во арпом 11 лун |
| Куланін | Краснодар, Россия |
| Киндор |
 СССР |
| Войскоэз род | артиллерия |
| Кысъялӧм воэз | 1937-1947 |
| Званнё | лейтенант |
| Сраженнёэз/войнаэз | Великӧй Отечественнӧй война |
| Донтан пассэз |
   |
Мингалев Сергей Степанович (1918 во одзар 1 лун, Аксёновчи, Усольскӧй уезд, Пермскӧй губерния, Россия — 2000 арпом 11 лун, Краснодар, Российскӧй Федерация) — велӧтісь, Великӧй Отечественнӧй войнаын участник, петкӧтӧм Советскӧй Союзлӧн Герой званнё дынӧдз.
Олантуй
Чужис 1918 во одзар 1 лунӧ Аксёновчиын. Помаліс Аксёновчиись сизимкласса школа, Кудымкарись педагогика училище[1]. Юраліс Ыджыт Модзга одзшколаӧн. 1939 во аршӧр 26 лунсянь Гӧрд Армияын[2]. Фронт вылын вӧлі 1944 во тулыссянь. Вӧлі Суворова нима II тшупӧта ордена 78 стрелковӧй Запорожскӧй дивизияись 1030 артиллерийскӧй полк 3 двизион 7 батарея взвод командир, лейтенант[3].
1945 вося одзтулыс 22 лунӧ Дебреценскӧй 1030 артиллерийскӧй полклӧн командир полковник Несмелов петкӧтіс Мингалевсӧ Советскӧй Союзлӧн Герой званнё дынӧдз, но сы туйӧ сія вӧлі ошкӧм Гӧрд Дӧрапас орденӧн[3]. Кыдз гижӧм награднӧй листас, 1945 во одзтулыс 3 лунӧ Венгрияын Балатон ты дынся Шегерельеш олӧмин дынын врагыс вӧлі ӧктӧм пехота полка да 40 танк, мед мунны контратакаӧн. Мингалевлӧн взводыслӧ вӧлі сетӧм заданнё видзны врагсӧ, не лэдзны сылӧ сибавны 112 йыв дынӧ да видзны кипод увтаныс Секешфехервар-Будапешт туй тор. Одзтулыс 10 лун асылӧн врагыс пондӧтіс атака. Мингалевыс взвод позицияэз вылӧ уськӧтчис мотопехота батальон да 20 танк. Минглевлӧн взводыс лэдзис врагсӧ локны 400 м матӧ да пондӧтчисӧ лыйлыны. Вӧлісӧ паздӧмӧмӧсь куим враг танк да 50 мымда солдат. Мингалевыс ачыс паздіс кык танк[3].
Победа лунсӧ Мингалевыс панталіс Австрияын.
Война бӧрын кольччис армияас. Демобилизуйтчис 1947 воӧ[4].
Гортас бертӧм бӧрын директораліс Аксёновчиись сизимкласса школаӧн да Спиринаись кыкьямыскласса школаӧн. Помаліс Кудымкарись учительскӧй институтісь история факультет[4].
1971 восянь оліс Краснодарын[4].
Куліс 2000 во арпом 11 лунӧ[4].
Донтан пассэз
- Отечественнӧй войнася II тшупӧта орден (05.11.1944)[2]
- Отечественнӧй войнася I тшупӧта орден (03.04.1945)[2]
- Гӧрд Дӧрапас орден (18.04.1945)[2]
Морт йылісь
- Коньшин А. Е. Фронтовые дороги лейтенанта Мингалева // Парма. 2020, 6 мая.
- Мингалев Сергей Степанович // Алексеев. В. А. Боевые подвиги пермяков. Том 1. — Оса: ООО «Росстани-на-Каме», 2022. — С. 88. — 156 с. — ISBN 5-88441-032-8
Пасйӧттэз
- ↑ Коньшин А. Е. Фронтовые дороги лейтенанта Мингалева // Парма. 2020, 6 мая.
- ↑ 1 2 3 4 Мингалев Сергей Степанович, 1918 Память народа (видзӧтан кад 31.03.2025)
- ↑ 1 2 3 Мингалев Сергей Степанович // Алексеев. В. А. Боевые подвиги пермяков. Том 1. — Оса: ООО «Росстани-на-Каме», 2022. — С. 88. — 156 с. — ISBN 5-88441-032-8
- ↑ 1 2 3 4 Мингалев Сергей Степанович, 1918 г.р. Народная энциклопедия деревень Юсьвинского района Пермского края (видзӧтан кад 31.03.2025)