Лесников Вячеслав Дмитриевич

Лесников Вячеслав Дмитриевич
Лесников Вячеслав Дмитриевич
Чужан лун:	1949 во тулысшӧр 19 лун (76 лет)
Чужанін:	Белоёв, Кудымкар район, Коми-Пермяцкöй автономнöй округ[d], Пермскӧй область[d], РСФСР[d], СССР[d];
Канму	СССР[d]; Российскӧй Федерация;
Удж	агроном

Лесников Вячеслав Дмитриевич (1949 во тулысшӧр 19 лун, Белоёв посад, Кудымкар район, Коми-Пермяцкӧй национальнӧй округ) — Ошыб посадмулӧн юралісь, Кудымкар районлӧн Почётнӧй гражданин.

Олантуй

Чужис 1949 во тулысшӧр 19 лунӧ Белоёвын. 1953 воӧ аймамнас мунісӧ овны Ошыб дынся Конанӧ. 1966 воӧ помаліс Йӧг шӧрӧт школа. Школаыс помалӧм бӧрын уджаліс Ошыбись «Совет» колхозын стройбригадаын. 1968—1970 воэзӧ кысъяліс Советскӧй Армияын. Демобилизация бӧрын бертіс гортас да вились кутчис уджавны Ошыбись совхозын. 1975 воӧ вӧлі бӧрйӧм Ошыб сельсовет исполком председательӧн^[1].

1981—1986 воэзӧ Ошыб совхозісь профком председатель. Сы коста велӧтчис Коми-Пермяцкӧй агротехникумын «агроном» специальность сьӧрті, помаліс гӧрд дипломӧн 1985 воӧ. 1986 воӧ вились вӧлі бӧрйӧм Ошыб совхозісь парткӧм секретарьӧн.

1992 во тӧвпомӧ вӧлі пуктӧм Ошыб сельсовет администрация юралісьӧн. 2006—2012 воэзӧ — Ошыб сельскӧй поселеннё юралісь. Юраліс Ошыб посадмунас 20 во сьӧрна. Сы юралікдыр Ошыбас вӧлісӧ строитӧмӧсь больница, аптека, челядь комбинат, библиотека, Конанын клуб, Великӧй Отечественнӧй войнаын участниккез понда керкуэз. Вӧлі нюжӧтӧм 12 км кузя водопровод, лэбтӧм асфальттуй Кудымкарӧдз, пондӧтчис Ошыб школа керку строитӧм.^[2]

Кузь олан олӧ Конанын. Гӧтыра. Иньыс — Елена Павловна, агроном. Быдтісӧ куим зон.

Донтан пассэз

Кудымкар районлӧн Почётнӧй гражданин (2022)^[1]

Пасйӧттэз

[:0-1] ¹ ² Почетные граждане Кудымкарского муниципального района Кудымкарского муниципального округа Пермского края Иньвенский край (29.02.2024)

[2] [Лесников Вячеслав Дмитриевич] Фонд коллекция - Руководители Кудымкарского района. Архивный отдел администрации Кудымкарского муниципального округа Пермского края. Архивы Прикамья

[1]

[2]