Кӧчладорся этнография музей
РФ культура министерство
| Кӧчладорся этнография музей | |
|---|---|
 | |
| Аркмӧтан кад | 2003 во одзтулыс 18 лун |
| Адрес | Пермскӧй край, Кӧчладор район, Кӧч посад, Титов нима ул., 3 к. |
| Директор | Ершова Валентина Александровна |
| Сайт | kochevo-museum.ru |
 |
|
Кӧчладорся этнография музей (рочӧн Кочёвский музей этнографии и быта) — Кӧч посадын уджалана этнография музей. Музейыс видзӧ ойвыв коми-пермяккезлісь материальнӧй культура да популяризируйтӧ сійӧ[1][2].
История
Музейыс вӧлі аркмӧтӧм 2003 во одзтулыс 18 лунӧ Кӧчладор районлӧн администрация постановленнё сьӧрті. Сы могӧ вӧлі пуктӧм коми отирлісь материальнӧй культура видзӧм[1]. Аркмӧтан кадсянь музей содтӧ ассис коллекцияэсӧ виль экспонаттэзӧн, мый отсалӧ пыдына тӧдсасьны Кӧчладорись коми отир олӧмӧн.
Коллекция да экспозиция
Музейлӧн коллекцияӧ пырӧны этнографическӧй экспонаттэз, кӧдна мыччалӧны ойвыв коми-пермяккезлісь традицияэз[2]. Музей фондын видзӧны национальнӧй паськӧм, гортся дозмук, дӧраэз, пуись да сёйись керӧмторрез. 2022 во тӧвшӧр 1 лун кежӧ музейлӧн ӧтласа фондыс видзисӧ 2643 видзантор[3].
Медшӧр коллекцияэз[3]:
- «Кипода искусство» нима коллекцияӧ пырӧны берся керӧмторрез пуись, симӧтісь да банісь, сёйись, да сідзжӧ текстиль. Мыччалӧмӧсь Пермскӧй крайлӧн Народнӧй мастеррезлӧн Иван Канюковлӧн, Егор Утробинлӧн, Дмитрий Павловлӧн, Нина Рисковалӧн уджжез.
- «Этнография» коллекцияӧ пырӧны коми-пермяцкӧй национальнӧй паськӧм, дозмук, дӧра торрез, быкодь уджан. Нійӧ мыччалӧны "ХХ сёво пондӧтчикся крестьяна керкуись интерьер"пырся экспозицияын.
Уджалӧм
Музейыс активнӧя участвуйтӧ Кӧчладор оланын, лӧсьӧтӧ выставкаэз, презентацияэз да велӧтан программаэз, кӧдна веськӧвтӧмӧсь ойвыв коми-пермяккезлісь традицияэз тӧдмалӧм да паськӧтӧм вылӧ. Пырся экспозицияэз киння, музей пӧртӧ олӧмӧ проекттэз, кӧдна отсалӧны тӧдсасьны Кӧчладор комиэз историяӧн да культураӧн.
2020 восянь музейлӧ сетӧм Пармайылісь Егор Утробинлӧн «Пуись скульптураэза парк»[4].
Пасйӧттэз
- ↑ 1 2 Муниципальное бюджетное учреждение культуры "Кочевский районный музей этнографии и быта". Видзӧтӧм 9 Одзар 2025.
- ↑ 1 2 Кочевский музей этнографии и быта — Подробная информация на портале Культура.РФ рус.. Видзӧтӧм 9 Одзар 2025.
- ↑ 1 2 Коллекции, Кочёвский музей этнографии и быта. Дата обращения: 9 Одзар 2025.
- ↑ Парк деревянных скульптур Е. Ф. Утробина рус.. Кочёвский муниципальный округ. Видзӧтӧм 9 Одзар 2025.