Канюков Иван Иванович
| Канюков Иван Иванович | |
|---|---|
 | |
| Чужан лун: | 1956 во одзгожум 19 лун (69 лет) |
| Чужанін: | |
| Канму | |
| Удж | велӧтісь, керамист |
Канюков Иван Иванович (1956 во одзгожум 19 лун, Белоёв, Пермскӧй область[d]) — велӧтісь, керамист, Пермскӧй крайлӧн Народнӧй мастер, сёйись коми чачаэз аркмӧтісь.
Олантуй
Чужис 1956 во одзгожум 19 лунӧ Белоеваын[1]. 1979 воын помаліс Нижнетагильскӧй государственнӧй институтісь художественно-графическӧй факультет. 1979 восянь ӧнӧдз уджалӧ Белоева шӧрӧт школаын велӧтісьӧн.
Олӧ Белоеваын.
Кипода удж
Аркмӧтіс коми декоративно-прикладнӧй искусствоын виль петас — коми чача[2][3]. Керис финн-йӧгра, славяна да мӧдік Россияись йӧззэз сьӧрті гозъя аканнез.
Пыртіс коми сёйӧн уджалӧмӧ сьӧда калитӧм[4]. Пыртӧ керамикаӧ Перем вӧрпа стились элементтэз, кыйӧм орнаменттэз да археология сьӧрті тӧдса пермяналісь серрез[5].
Гижис велӧтан программаэз да велӧтан методика сьӧрті «Художествоа керамика» (рочӧн «Художественная керамика») небӧг[4].
2018 воын петіс сы уджжеза альбом-каталог «Искусство керамики. Народный мастер Пермского края Иван Канюков».
Галерея
Иньва вывся коми гозъя. Керис Иван Канюков.
Ойвывся коми гозъя. Керис Иван Канюков.
Важся комиэз. Керис Иван Канюков.
Мари гозъя. Керис Иван Канюков.
Карел гозъя. Керис Иван Канюков.
Татара гозъя. Керис Иван Канюков.
Роч томгозъя. Керис Иван Канюков.
Ваза «Важ отирлӧн олан». Керис Иван Канюков.
Сёян-юан доззэз «Парма». Керис Иван Канюков.
Перем вӧрпа стиль сьӧрті серреза корчага. Керис Иван Канюков.
Мудоззэз. Сьӧда калитӧм сёй, симöт шуллезöн каттьöм, нырыштӧмӧн серӧтӧм. Керис Иван Канюков.
Ки миссьӧтан. Сьӧда калитӧм сёй, нырыштӧмӧн серӧтӧм. Керис Иван Канюков.
Донтан пассэз
- 1994 — Российскӧй Федерация народнӧй просвещеннё отличник[2].
- 2006 — Коми-Пермяцкöй автономнöй округ Администрациялöн Почётнöй грамота[4].
- 2009 — Пермскӧй крайлӧн Народнӧй мастер[1].
- 2017 — Кудымкарскӧй районлӧн Почётнӧй гражданин.
Ас олӧм
Гӧтыра. Иньыс — коми кыв велӧтісь Ольга Канюкова. Быдтісӧ кык ныв да зон. Зонныс — Иван Канюков, Пермскӧй крайлӧн Народнӧй мастер.
Айыслӧн вон[6]— Пётр Канюков, генерал-майор, Великӧй Отечественнӧй войнаын участник. Сы нылыс — Нина Канюкова (Баяндина), Коми-Пермяцкӧй театрись орсісь, РСФСР-лӧн Заслуженнӧй артистка. Мамыслӧн вон — Виталий Канюков, коми гижись, журналист.
Пасйӧттэз
- ↑ 1 2 [Канюков Иван Иванович] Город мастеров ГКБУК «Коми-Пермяцкий этнокультурный центр»
- ↑ 1 2 Канюков Иван. Пермская диковина Пермский дом народного творчества «Губерния»
- ↑ Мастер Иван Канюков. Коми-пермяцкая глиняная игрушка. Самобранка. Комсомольская правда
- ↑ 1 2 3 Жданова А. Керамика Ивана Канюкова: от игрушки и скульптуры до домашней утвари, сервиза и сувенира // Искусство керамики. Народный мастер Пермского края Иван Канюков: альбом-каталог. Кудымкар, 2018. — 120 с. — ISBN 978-5-6040950-6-5
- ↑ [Канюков Иван Иванович] Народные мастера Пермского края Пермский дом народного творчества «Губерния»
- ↑ Михаил Вотинов. Пётр Канюков — генерал из села Белоево. 28.10.2020 Парма-Новости -