Кудымкар районлӧн дӧрапас

Кудымкар муниципальнӧй районлӧн дӧрапас
Субъект	Кудымкар район
Регион	Пермскӧй край
Канму	Россия
Аркмӧтӧм	2010 во аршӧр 4 лун
Пропорция	2:3
Номер РФ КГР-ын	?

Кудымкар районлӧн дӧрапас (рочӧн Флаг Кудымкарского муниципального района) — Пермскӧй крайись Кудымкарся ӧтласа муниципалитетлӧн мыччалан пас.

Дӧрапасыс бурсьӧтӧм 2010 во аршӧр 4 лунӧ да пыртӧм Российскӧй Федерациялӧн канму геральдика сьӧрті регистрӧ 7018 номерӧн.

Дӧрапасыс керӧм Кудымкар муниципальнӧй районлӧн герб керӧм геральдика да традицияэз сьӧрті, да сія мыччалӧ сы история, культура, социально-экономическӧй традицияэз.

Гижалӧм

«Нёльпельӧса кузьмӧса дӧра, кӧдалӧн кузяыс пасьтаыс дынӧ лоӧ кыдз 2:3, вертикаль сьӧрті торйӧтӧм куим абу ӧткодь тор вылӧ: бедь бердся виж дӧраторлӧн 1/5 пасьта, шӧрас чочком дӧраторлӧн 3/5 пасьта да дорся виж дӧраторлӧн 1/5 пасьта, да кӧда вылын чочком от шӧрын серпасалӧмӧсь район герблӧн фигураэз: коми вӧралісь да перна; серпассэз керӧмӧсь виж, гӧрд, сьӧд, руд да чочком рӧммезӧн».

Символика

Дӧрапас шӧр фигураыс — коми вӧралісь айморт — мыччалӧ территориялісь важ кадсӧ, кытӧн олісӧ коми-пермяцкӧй отир, кӧдналӧн ӧтік шӧр удж вӧлі вӧралӧм. Вӧралісь мыччалӧм сувтсаӧн веськытланьӧ бергӧтчӧмӧн, веськыт кинас видзсьӧ сьӧд рӧма эзісь йыла ши бердӧ, сія сук гӧрд юрсиа да тоша, гӧрд йӧрнӧса, виззя вешьяна, гӧрд воннеза котіэзӧн да чочкӧм рӧма нямӧттэзӧн да лузанӧн, кӧда йиалӧм сера йиӧн да сыӧ сюйыштӧм эзысь пуртӧс.

Перна — шонділӧн символ, коми отирлӧн национальнӧй сер.

Чочком рӧм (эзісь) — тыр-бур, сӧстӧмлӧн, эскӧмлӧн, мирлӧн символ.

Веж рӧм (зарни) — эмбур, ыждалӧм, вынлӧн да сьӧлӧмалӧмлӧн символ.

Гӧрд рӧм символизируйтӧ удж, бур олӧм, мич да гаж.

Сьӧд рӧм символизируйтӧ му чужтӧм, да сідзжӧ сьӧд рӧмыс — вежӧрлӧн, артлӧн да окытлӧн символ.

Виж рӧм мыччалӧ территориялісь вӧрва, сы киння, виж рӧмыс лоӧ ловзьӧмлӧн, оланлӧн, гажлӧн да зорамӧмлӧн символӧн.

Пасйӧттэз