Караваев Илья Максимович

Караваев Илья Максимович
Чужан лун:	1913 во гожумшӧр 13 лун(1913-07-13)
Чужанін:	Кудымкар, Соликамский уезд[d], Пермская губерния[d], Российскӧй империя[d]
Кулан лун:	1980 во тулысшӧр 20 лун(1980-04-20) (66 лет)
Куланін:	Кудымкар, Пермскӧй область[d], РСФСР[d], СССР[d]
Канму	СССР[d]
Удж	вуджӧтісь

Караваев Илья Максимович (1913 во гожумшӧр 13 лун, Кудымкар — 1980 во тулысшӧр 20 лун, Кудымкар) — Коми-Пермяцкӧй театрись орсісь, вуджӧтісь.

Олантуй

Чужис 1913 во гожумшӧр 13 лунӧ Кудымкарын. 1931—1935 воэзӧ велӧтчис I национальнӧй студияын Коми-Пермяцкӧй театрын. Помалӧм бӧрын кузь олан 1973 воӧдз уджаліс театрас.

Куліс 1980 во тулысшӧр 20 лунӧ. Дзебӧм Кудымкарын.

Иньыс — Екатерина Котова, Кудымкарскӧй педагогическӧй училищеись велӧтісь, РСФСР-лӧн Заслуженнӧй велӧтісь. Зоныс — Рудольф Караваев, Коми-Пермяцкӧй театрись орсісь, РСФСР-лӧн Заслуженнӧй артист. Нылыс — Людмила Столярова, Коми-Пермяцкӧй театрись орсісь, РСФСР-лӧн Заслуженнӧй артистка, велӧтісь, гижись.

Театрын удж

Орсіс роч да кывья спектакллезын 100-ся унажык роль.

Комиӧтіс роч да коми (зыряна) кывья пьесаэз театр понда. Ны коласын Николай Дьяконовлӧн «Свадьба с приданым» (ӧтлаын Николай Бормотовкӧт, спектакльсӧ керис Ия Субботина 1951 воӧ).

Медтӧчана роллес

• Дед Щукарь, Яков Островнов — «Поднятая целина», М. Шолохов
• Зябра — «Легенда о Кудым-Оше», Н. Свечков
• Кулигин — «Гроза», А. Островский
• Профессор — «Наташа», М. Берестинский
• Гордей — «Чти отца своего», А. Лаврентьев
• Василий Петрович — «Анна», А. Ганина
• Агеич — «Караванный бунт», Н. Свечков
• Вужов — «Гымалӧ парма», С. Можаев
• Рубанов — «Как я отдыхал», А. Покровский
• Филимонов — «Мария», А. Салынский
• Урман-Аке — «Тополёк мой в красной косынке», Ч. Айтматов
• Губернатор — «Мёртвые души», Н. Гоголь
• Тимофей Петрович — «Волчьи ягоды», М. Сторожева

Пасйӧттэз