Златин Прокопий Прокопьевич

Златин Прокопий Прокопьевич
Златин Прокопий Прокопьевич
Чужан лун:	1913 во
Чужанін:	Сойга, Чердын уезд, Пермскӧй губерния, Российскӧй империя
Кулан лун:	1949 во
Куланін:	Кудымкар, Коми-Пермяцкӧй национальнӧй округ, РСФСР, СССР
Канму	СССР
Удж	велӧтісь, журналист, гижись, партийнӧй функционер, прокурор

Златин Прокопий Прокопьевич (1913 во, Сойга, Чердын уезд, Пермскӧй губерния, Российскӧй империя — 1949 во, Кудымкар, Коми-Пермяцкӧй национальнӧй округ, РСФСР, СССР) — коми гижись, редактор, велӧтісь, прокурор, партийнӧй функционер.

Олантуй

Чужис 1913 во гожумшӧрӧ Сойгаын (ӧння кадӧ Жемчужный тор, Гайнскӧй район) крестьяна семьяын^[1]. 1929—1930 воэзӧ уджаліс «Северная Звезда» колхозын да Гайнаись ЛПХ-ын. 1931—1934 воэзӧ велӧтчис Кӧсісь педагогика техникумын. 1934—1935 воэзӧ уджаліс Гайнскӧй районісь велӧтан юкӧт инспекторӧн^[2].

1935—1937 воэзӧ кысъяліс РККА-ын. Демобилизация бӧрын уджаліс Гайнаись «Коллективист» газета редакцияын ответсекӧн.

1938—1940 воэзӧ вӧлі ВЛКСМ Гайнскӧй райкомын секретарьӧн. 1940—1942 воэзӧ уджаліс Гайнскӧй районісь прокурорӧн, сэсся 1943 во тулыспомӧдз Кудымкарскӧй районісь прокурорӧн.

1943 во тулыспомсянь 1946 во одзтӧлӧдз вӧлі ВКП(б) Белоевскӧй райкомись медодзза секретарьӧн. 1946 во одзтӧвсянь 1948 одзтулысӧдз — ВКП(б) Коми-Пермяцкӧй окружкомись мӧдӧдзза секретарьӧн. 1948 одзтулыссянь юраліс ВКП(б) Коми-Пермяцкӧй окружкомись военнӧй отделӧн^[1].

Куліс 1949 воӧ^[3].

Гижан удж

Гижис комиӧн проза да драматургия, уджаліс кыдз вуджӧтісь да редактор ӧктӧттэз керӧмын. 1949 воӧ «Миян крайын» ӧктӧтын петіс «Тыра шеп» пьеса^[4] да комиӧтӧм В. Поповлісь Иван Овчинников йылісь «Иньва дорын саддэз» нима очерк . Кулӧмыс бӧрын ни, 1958 вося «Иньва» ӧктӧтын, петісӧ «Данило Нешатаев» повестись торрез. Торья небӧг ӧнӧдз абу.

Небӧггезын да ӧктӧттэзын уджжес

Златин П. Тыра шеп (пьеса) / Миян крайын : очерккез, рассказзэз да стиххез = В нашем краю : [очерки, рассказы и стихи / гл. ред. Гусева Р. В. ; редкол.: Златин П. П. и др.]. — Кудымкар : Коми-Пермяцкӧй государственнӧй издательство, 1949. — 117 с. — С. 39—71.^[4]
Коми-пермяцкӧй национальнӧй драматургия. Т.2: Уна акта пьесаэз / сост. Ф. С. Истомин, Т. П. Фадеев. — Кудымкар: Коми-Пермяцкое книжное издательство, 1993. — 378 с. // Прокопий Златин: Тыра шеп. С. 331—363.

Пасйӧттэз

↑ ¹ ² [Златин Прокопий Прокопьевич] База данных «Лидеры Прикамья» // Пермский государственный архив социально-политической истории
↑ Златин Прокопий Прокопьевич. ПермГАСПИ. Видзӧтӧм 24 Одзгожум 2025.
↑ [Прокопий Златин] Коми-пермяцкӧй национальнӧй драматургия. Т.2: Уна акта пьесаэз / сост. Ф. С. Истомин, Т. П. Фадеев. — Кудымкар: Коми-Пермяцкое книжное издательство, 1993. — 378 с. — С. 331.
↑ ¹ ² Миян крайын : очерккез, рассказзэз да стиххез = В нашем краю : [очерки, рассказы и стихи / гл. ред. Гусева Р. В. ; редкол.: Златин П.П. и др.]. - Кудымкар : Коми-Пермяцкӧй государственнӧй издательство, 1949. - 115, [2] с. // Пермская электронная библиотека

[:1-1] ¹ ² [Златин Прокопий Прокопьевич] База данных «Лидеры Прикамья» // Пермский государственный архив социально-политической истории

[2] Златин Прокопий Прокопьевич. ПермГАСПИ. Видзӧтӧм 24 Одзгожум 2025.

[3] [Прокопий Златин] Коми-пермяцкӧй национальнӧй драматургия. Т.2: Уна акта пьесаэз / сост. Ф. С. Истомин, Т. П. Фадеев. — Кудымкар: Коми-Пермяцкое книжное издательство, 1993. — 378 с. — С. 331.

[:0-4] ¹ ² Миян крайын : очерккез, рассказзэз да стиххез = В нашем краю : [очерки, рассказы и стихи / гл. ред. Гусева Р. В. ; редкол.: Златин П.П. и др.]. - Кудымкар : Коми-Пермяцкӧй государственнӧй издательство, 1949. - 115, [2] с. // Пермская электронная библиотека

[1]

[2]

[3]

[4]