Ефремов Андрей Яковлевич

Босьтöм Рувикиись
Ефремов Андрей Яковлевич
Ефремов Андрей Яковлевич.jpg
Чужан лун 1910 во гожумпом 26 лун(1910-08-26)
Чужанін
Кулан лун 1985 во тӧвшӧр 5 лун(1985-01-05) (74 года)
Куланін
Войскоэз род авиация[d]
Званнё Полковник[d]
Тышккез/войнаэз
Донтан пассэз
Советскӧй Союзлӧн Герой
Ленин нима орден Гӧрд Дӧрапас орден Отечественнӧй войнася орден Отечественнӧй войнася I тшупӧта орден Гӧрд Кӧдзув орден медаль «За боевые заслуги» медаль «В ознаменование 100-летия со дня рождения Владимира Ильича Ленина» медаль «За оборону Ленинграда» медаль «За оборону Кавказа» медаль «За победу над Германией в Великой Отечественной войне 1941—1945 гг.» юбилейная медаль «Двадцать лет Победы в Великой Отечественной войне 1941—1945 гг.» юбилейная медаль «Тридцать лет Победы в Великой Отечественной войне 1941—1945 гг.» медаль «За победу над Японией» медаль «Ветеран Вооружённых Сил СССР» юбилейная медаль «30 лет Советской Армии и Флота» юбилейная медаль «40 лет Вооружённых Сил СССР» юбилейная медаль «50 лет Вооружённых Сил СССР» юбилейная медаль «60 лет Вооружённых Сил СССР»

Ефремов Андрей Яковлевич (1910—1985) — военно-морскӧй авиацияись лётчик, Советскӧй Союзлӧн Герой.

Олантуй

Чужис 1910 во гожумпом 26 лунӧ Лазинка посадын (Рязанскӧй областись Скопинскӧй район). Помаліс Москваын ФЗО, кӧрттуй рабфак вылісь ӧтік курс, совпартшкола. 1926 восянь уджаліс Москва-Курск кӧрттуй вылын, сэсся Войтович нима заводын.

1932 воӧ муніс кысъявны Гӧрд Армияӧ. 1933 воӧ помаліс Оренбургись К. Е. Ворошилов нима лётчиккез да летнаббез 3-ӧт военнӧй школа. 1933 во одзтӧвсянь кысъяліс Балтийскӧй саридзвывся ВВС 105 авиационнӧй бригадаись 121 авиационнӧй эскадрильяын[1]: пилот, младшӧй лётчик, корабль командир. 1938 во тулысшӧрсянь КБВ ВВСС 15 авициационнӧй полкись звено комнадир. 1939 воӧ помаліс Липецкӧй авиационнӧй РККА ВСС бурсьӧтан курссэз.

Участвуйтіс советско-финскӧй войнаын медодзза лунсяняс. Воюйтіс 1940 во тӧвшӧрсянь Балтийскӧй флотісь ВСС 63 истребительнӧй авиабригада 1 минно-торпеднӧй авиационнӧй полкись звено командирӧн. Керис 38 (мӧдік даннӧййез сьӧрті 32) боевӧй лэбзьӧм бомбрадировка понда. 1940 во одзарсянь командуйтіс эскадрильяӧн.

1941 во одзгожумсянь Великӧй Отечественнӧй война фронттэз вылын. 1941 вося гожумпом кеж керис 26 боевӧй лэбзьӧм, вӧйӧтіс враглісь 2 военнӧй корабль[2]. 1941 во гожумпом одзӧ бомбитіс Берлин, керис 5 боевӧй лэбзьӧм Берлин бомбардировка понда, 1 лэбзьӧм бомбитны Данциг[3]. 1941 во гожумпом 13 лунся СССР Верховнӧй Совет Президиум Указӧн вӧлі доньялӧм Советскӧй Союзлӧн Герой званнёӧн, Ленин нима орденӧн да Зарниа кӧдзув медальӧн.[3]

1941 во одзарсянь дорйис Ленинград, бомбитіс враглісь объекттэз Псковын да мӧдік каррезын, сувтӧтіс миннӧй потшӧссэз Балтийскӧй саридзын. 1942 во тулыспом 2 лунӧ вӧйӧтіс враглісь ыджыт транспорт Коткаын.

1942 во одзгожумӧ вӧлі ыстӧм Сьӧд саридзвывся флотӧ, командуйтіс 36 минно-торпеднӧй авиаполкӧн. Полкыс дорйис Севастополь да Кавказ. 1944 во тулыспомӧ полкыс вӧлі ыстӧм Ойвыв флотӧ, кӧдакӧт сэсся участвутіс Петсамо-Киркенесскӧй операцияын. 1944 во арпомсянь 1945 во одзтулысӧдз подполковник А. Я. Ефимов командуйтіс Ойвыв флот ВВС 5-ӧт минно-торпеднӧй авиационнӧй дивизияӧн. 1945 во гожумӧн полкыс вӧлі ыстӧм Тихоокеанскӧй флотӧ да участвуйтіс советско-японскӧй войнаын.

1941 во одзгожумсянь 1944 во одзтулысӧдз керис 132 боевӧй лэбзьӧм, ныись 32 ойӧн[4]. Лэбаліс ДБ-3 да «Бостон» бомбардировщиккезӧн.

Великӧй Отечественнӧй война бӧрын кольччис кысъявны. Кысъяліс 1964 во одзгожумӧдз. Запасӧ петӧм бӧрын оліс Москваын, уджаліс Ждановскӧй парк директорӧн, «Знание» чукӧр лекторӧн. Сэсся муніс овны Ригаӧ. Куліс 1985 во тӧвшӧр 5 лунӧ, дзебӧм Ригаын[3].

Ас олӧм

Великӧй Отчественнӧй война коста иньыс Фаина Ефремова челядьнаныс олісӧ эвакуацияын Кудымкарын.[5] А. Я. Ефремовыс вовліс Кудымкарас 1942 во тӧвшӧрын. Коми-Пермяцкӧй театрын вӧлі сыкӧт пантасьӧм.[5]

Донтан пассэз

  • Советскӧй Союзлӧн Герой (13.08.1941)
  • Ленин нима орденнэз (13.08.1941, 30.12.1956[6])
  • Гӧрд Дӧрапас орденнэз (19.02.1942, 14.06.1942, 7.11.1943, 27.12.1951[6])
  • Отечественнӧй войнася 1 степеня орден (4.04.1944)
  • Гӧрд Кӧдзув орденнэз (1944, 30.04.1947[6], 14.08.1957)
  • «Боевӧй заслугаэз понда» медаль (3.11.1944)[6]
  • «Ленинград дорйӧм понда» медаль
  • «Кавказ дорйӧм понда» медаль
  • «Советскӧй Заполярье дорйӧм понда» медаль
  • «Япония вермӧм понда» медаль
  • мӧдіккез[3]
  • «КПСС-ын 50 во сьӧрна вӧлӧм» пас

Пасйӧттэз

  1. ↑ С 1935 года — Балтийский флот.
  2. ↑ Представление к присвоению А. Я. Ефремову звания Героя Советского Союза // ОБД «Память народа».
  3. ↑ 1 2 3 4 Ефремов Андрей Яковлевич рус.. Сайт «Герои страны».
  4. ↑ Представление к награждению А. Я. Ефремова орденом Отечественной войны // ОБД «Память народа»
  5. ↑ 1 2 Конин, Г. К. Подвиги героев бессмертны : очерки / Г. К. Конин. — Кудымкар : Коми-Пермяцкое книжное издательство, 2005. — 280 с. — [Ефремов Андрей Яковлевич] — C. 64-77.
  6. ↑ 1 2 3 4 Награждён в соответствии с Указом Президиума Верховного Совета СССР от 04.06.1944 «О награждении орденами и медалями за выслугу лет в Красной Армии»

Морт йылісь

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Коллектив авторов. Великая Отечественная: Комдивы. Военный биографический словарь / В. П. Горемыкин. — М.: Кучково поле, 2014. — Т. 2. — С. 545-547. — 1000 экз. — ISBN 978-5-9950-0341-0.
  • В небе — лётчики Балтики. — Таллин: Ээсти раамат, 1974.
  • Герои войны. — Таллин, 1984.
  • Герои Советского Союза Военно-Морского Флота. 1937—1945. — М.: Воениздат, 1977.
  • Золотые Звёзды тихоокеанцев. — Владивосток, 1982.
  • Натыкин В. Помните их имена. — Новгород, 1981.
  • Волынкин И. Т. Над пятью морями. — М.: Воениздат, 1964.
  • Хохлов П. И. Над тремя морями. — Л.: Лениздат, 1988.
Босьтӧма "https://koi.ruwiki.ru/w/index.php?title=Ефремов_Андрей_Яковлевич&oldid=206814"-ись