Баженова Ольга Николаевна
| Баженова Ольга Николаевна | |
|---|---|
 | |
| Чужан лун | 1992 во тӧвпом 18 лун (34 года) |
| Чужанін | |
| Канму | |
| Велӧтчанін | |
| Учёнӧй тшупӧт | филология кандидат[d] |
Баженова Ольга Николаевна (1992 во тӧвпом 18 лун, Кожмудор[d], Коми Республика) — коми (зыряна) гижись, филология кандидат. Коми Республикася да Россия гижиссез Союззэзӧ пырись.
Олантуй
Ольга Баженова чужис 1992 во тӧвпом 18 лунӧ Емдін районісь Кӧжмудор деревняын. Медодз велӧтчис Кӧжмудор школаын, а сёрӧнжык, сизимӧт классӧдз велӧтчис Туискерӧс школаын.
2009-ӧт воӧ зарни медальӧн помаліс Сыктывкарын Ю. А. Спиридонов нима Коми Республикаись Юралісь бердын искусствоэз гимназия.
2008—2014 воэзӧ велӧтчис Сыктывкар канму университетын гуманитарнӧй наукаэз институтлӧн коми юкӧтын, помаліс гӧрд дипломӧн.
2014—2015 воэзӧ уджаліс Коми Республикаись шылада-драмаа театрын, сы коста жӧ велӧтіс Искусствоэз гимназияын.
2016 вося арсянь вӧлі Коми наука шӧринлӧн Кыв, литература да история институтын аспирантӧн. 2022 воӧ филология кандидат ним вылӧ дорйис диссертация (темаыс рочӧн «Стилистические ресурсы лексики в коми художественных текстах», юралісьыс Евгений Цыпанов)[1].
2016 восянь 2022 воӧдз уджаліс Коми наука шӧринын кыв секторса старшӧй лаборантӧн. 2024 восянь уджалӧ научнӧй сотрудникӧн[2].
2020—2023 воэзӧ — Сыктывкар канму университетын филология кафедраын велӧтісь.
Гижан удж
Гижӧ кывбуррез 2007 восянь, кор велӧтчис Гожся филологияса университетын (семинарресӧ нуӧтіс В. В. Тимин).
Ольга Баженова унажыксӧ гижӧ кывбуррез. Гижӧмыс вӧлі йӧзӧтлӧм 2007 воӧ «Войвыв кодзув» да «Арт» журналлэзын, «Медводдза муслун» ӧктӧтын[3].
Медоддза небӧгнас позьӧ шуны «Кывбуръяс» нима чукӧр, кодӧс лосьӧтӧм С. К. Терентьев 2011 воӧ. Небӧгас 35 кывбур, кӧдна гижӧмӧсь перем анбурӧн, а ордччӧн — ӧння графикаӧн[4].
2012 воӧ сылӧн петӧм «Шондіа ю» медоддза кывбура небӧг. Мӧдік небӧгсӧ — «Ме велӧдча радейтны выльысь» (2016) — вӧлі йӧзӧтӧм Эстонияись Национальнӧй Культура Фондлӧн сьӧм вылӧ.
Коми Республикаись «Эзысь борд» литературнӧй конкурсын, кодӧ чулӧтӧ «Войвыв кодзув» журнал, «Поэзия» номинацияын вермысь.
2013 воӧ, студентӧн на, пырӧма драматургияӧ: гижӧм да йӧзӧтӧм «Арт» журналын «От» нима пьеса, кӧда сьӧрті Искусствоэза гимназияись велӧтчиссезлӧн «Ордым» театр котыр Сыктывкар канму университетісь велӧтчиссезкӧт сувтӧтӧмась спектакль (режиссёрыс В. М. Напалков).
Ольга Баженова пырӧ Коми гижись котырӧ да Россия гижиссез союзӧ[5].
Небӧггес
• Баженова О. Н. Кывбуръяс: [кывбуръяс важ перым анбурӧн]. — Сыктывкар: [С. К. Терентьев], 2011. — 64 с.
• Баженова О. Н. Шондіа ю: кывбуръяс / Ред. Е. Е. Афанасьева, Серпасаліс Ю. Н. Лисовский. — Сыктывкар: Коми Республикаса гижысь котыр, 2012. — 32 с. («Шондіа енкӧла» чукӧр / Лӧсьӧдіс А. Г. Елфимова)
• Баженова О. Н. Ме велӧдча радейтны выльысь: кывбуръяс / Водзкывйыс А. Г. Елфимовалӧн. — Сыктывкар, 2016. — 64 с.
Донтан пассэз
• А. Лужиков нима литературнӧй премиялӧн лауреат (2011);
• «Эзысь борд» республикаса литературнӧй конкурсын вермысь «Поэзия» номинацияын (2016)[6].
Пасйӧттэз
- ↑ Баженова О.Н. Стилистические ресурсы лексики в коми художественных текстах рус.. РГБ. Видзӧтӧм 2025.09.25.
- ↑ Баженова Ольга Николаевна рус.. КНЦ. Видзӧтӧм 2025.09.25.
- ↑ Баженова Ольга Николаевна рус.. НБРК. Видзӧтӧм 2025.09.25.
- ↑ Кывбуръяс (О. Баженовалӧн 2011 вося небӧг) ком.. Видзӧтӧм 2025.09.25.
- ↑ Джавршян Г. Двух авторов из Коми приняли в Союз писателей России рус.. Комиинформ (2018.07.19). Видзӧтӧм 2025.09.25.
- ↑ Баженова Ольга Николаевна рус.. Союз писателей РК. Видзӧтӧм 2025.09.25.
Ыстӧттэз
• «Финноугория» юӧр сетан шӧрин
• Баженова Ольга гижӧм йылісь FU-Lab сайтын