Афанасьева Елена Евгеньевна

Афанасьева Елена Евгеньевна
Афанасьева Елена Евгеньевна
Чужан лун	1967 во арпом 14 лун (58 лет)
Чужанін	Важгорт[d], Удора район, Коми Республика, РСФСР[d], СССР[d];
Канму	Российскӧй Федерация;
Велӧтчанін	Сыктывкарса канму университет (1991 во);
Удж	гижись, журналист

Афанасьева Елена Евгеньевна (1967 во арпом 14 лун, Важгорт^[d], Коми Республика) — коми гижись.

Олантуй

Елена Афанасьева чужис 1967 вося арпом 14 лунӧ Коми АССР-лӧн Удора районісь Важгортын. 1984 воӧ помаліс Важгорт шӧрӧт школа. 1991 воӧ помаліс Сыктывкар канмуся университетісь коми юкӧн.

1991—1993 воэзӧ уджаліс Интаын гимназияын, профессионально-техническӧй училищеын. 1993—2004 воэзі вӧлі велӧтчӧм зорӧтан да кадррез вильвыв лӧсьӧтан Коми республиканскӧй институтын велӧтчан да методическӧй комплекссэз лӧсьӧтан центрын научнӧй сотрудникӧн. 2006—2008 воэзӧ уджаліс культура да национальнӧй политика министерстволӧн вуджӧтчан юкӧнын.

2009 восянь уджаліс «Арт» журналын, 2014 восянь — Россиялӧн гижиссез союзісь Коми юкӧнын литературнӧй консультант^[1].

Гижан удж

Елена Афанасьева гижны кутчис 1993 воӧ Интаын овтӧн. Роч кывья кывбуррес да виссьттэс петавлісӧ Интаись «Искра» газетаын. Сыктывкарӧ овмӧтчӧм бӧрын пондіс гижны комиӧн. Кывбуррес да висьттэс вӧлісӧ йӧззӧтӧмӧсь «Йӧлӧга» газетаын, «Чужан кыв» да «Арт» журналлэзын, «Удора, Удора, кык мича ю дорын…» (2000) да «Сьӧлӧмшӧрӧй менам, Удора» (2009) ӧктӧттэзын. 2001 воӧ петіс сылӧн медодзза кывбур чукӧр^[2].

2010 восянь пырӧ Россия гижиссез союзӧ (перм.рус..

Елена Афанасьевалісь кывбурресӧ роч кыв вылӧ вуджӧтлісӧ Екатерина Соколова, Евгений Козлов.

«Дуда Платтьӧа» небӧгыс вӧлі шуӧм Коми Республикаын 2016 вося челядь понда медбур небӧгӧн^[3].

Небӧггес

• Эжӧр-вежӧр: лыддьысян да мӧвпалан книга ичӧт класса велӧдчысьяслы. — Сыктывкар: КРИРОиПК, 2001. — 84 л.б.
• Лэбачӧс ки помысь верді: кывбуръяс. — Сыктывкар: КРИРОиПК, 2001.
• Мӧвпалан визьяс: ичӧт класса челядьлы лыддьысян нига дасьтігӧн чужӧм мӧвпъяс: велӧдысьлы небӧг. — Сыктывкар: КРИРОиПК, 2002. — 24 л.б.
• Енкӧлаӧ ыбӧс: [кывбуръяс: 1994—2008 воясӧ гижӧмъяс]. — Сыктывкар: Эскӧм, 2008. — 85 л.б.
• Каленик-лэбач: кывбуръяс. — Сыктывкар: Коми гижысь котыр, 2010. — 30 л.б.
• Ву: кывбуръяс, висьтъяс. — Сыктывкар: ООО "Издательство «Кола», 2014. — 65 л.б.
• Дуда Платтьӧа: Челядьлы висьтъяс / Пер. с коми С. Новикова. — Сыктывкар: «Арт» журнал редакция, 2016. — 104 л.б.
• «Дуда кимӧститчӧ» (2017), «Кутш» (2019), «Дуда чуксалӧ» (2021), «Тӧвся Дуда» (2022), «Синва пӧль» ӧктӧт (2025).

Донтан пассэс

А. Е. Ванеев нима литературнӧй премиялӧн лауреат;
Коми Республикаса Веськӧдлан котырлӧн И. А. Куратов нима премиялӧн лауреат;
«Слово» Национальнӧй премиялӧн лауреат^[4];
Коми Республикаса Юралісьсянь Почётнӧй грамота (2017);
«Вося медбур небӧг» республикася конкурсын лауреат (2017);
«Коми Республикалӧ 100 во» медаль (2021);
Россияса гижысь котырлӧн Почёт грамота (2021).

Увтыр

Айыс — коми гижись Евгений Афанасьев.

Пасйӧттэз

↑ Афанасьева Елена Евгеньевна рус.. НБРК. Видзӧтӧм 14 Аршӧр 2025.
↑ Малева А. Елена Евгеньевна Афанасьева // Писатели Коми: биобиблиогр. слов. Т. 1. — Сыктывкар, 2017. — С. 51—54.
↑ В Коми выбрана «Лучшая книга года — 2017» рус.. Комиинформ (2018-04-25). Видзӧтӧм 14 Аршӧр 2025.
↑ Елена Афанасьева рус.. Наш современник. Видзӧтӧм 14 Аршӧр 2025.

Литература

• FU-lab сайтын Е. Е. Афанасьева йылісь
• Коми гижись котырлӧн сайтын Е. Е. Афанасьева йылісь
• «Арт» журналлӧн сайт
• Мартынов В. «Лов пыдӧсын дзирдалысь изъяс» // Арт. 2001. — № 4.
• Полякова Э. Мӧвпалана небӧг // Йӧлӧга. 2003. — 25 №.
• Шергина А. Радейтӧмыд вежӧ морттӧ // Коми му. 2002. Одзар 7 лун.

[1] Афанасьева Елена Евгеньевна рус.. НБРК. Видзӧтӧм 14 Аршӧр 2025.

[2] Малева А. Елена Евгеньевна Афанасьева // Писатели Коми: биобиблиогр. слов. Т. 1. — Сыктывкар, 2017. — С. 51—54.

[3] В Коми выбрана «Лучшая книга года — 2017» рус.. Комиинформ (2018-04-25). Видзӧтӧм 14 Аршӧр 2025.

[4] Елена Афанасьева рус.. Наш современник. Видзӧтӧм 14 Аршӧр 2025.

[1]

[2]

[3]

[4]