Елфимова Анжелика Геннадьевна
| Елфимова Анжелика Геннадьевна | |
|---|---|
 | |
| Чужан лун | 1970 во тулыспом 27 лун (56 лет) |
| Чужанін | |
| Канму | |
| Велӧтчанін | |
| Удж | журналист, кывбур гижись |
Елфимова Анжелика Геннадьевна (1970 во тулыспом 27 лун, Маджа, Коми Республика) — коми поэт, журналист.
Олантуй
Анжелика Елфимова чужис 1970 во тулыспом 27 лунӧ Коми АССР-лӧн Кӧрткерӧс районісь Маджа посадын. Помаліс Сыктывкарись искусствоэз училищеись хорӧн дирижируйтӧм класс (1989), А. М. Горький нима Литературнӧй институт(2007)[1]. 1996—2000 воэзӧ велӧтчӧм Сыктывкар канмуся университетын[2].
Уджаліс культура керкуын художествоа юралісьӧн, челядь садын шылада юралісьӧн, Маджа школаын шыладӧ велӧтісьӧн (1989—1999), корреспондентӧн Кӧрткерӧс районнӧй «Звезда» (1999) да республикася «Коми му» (2000—2003) газетаэзын, «Чушканзі» журналын (2003—2010).
Уджаліс Коми гижись котырын литературнӧй консультантӧн (2010—2014), Сыктывкарса коми культура шӧринын художествоа юралісьӧн (2017). 2019 восянь редакторалӧ «Чушканзі» журналӧн[3].
Гижан удж
Медодз кывбурресӧ гижис рочӧн, нія вӧлісӧ йӧзӧтӧмӧсь «Красное знамя» нима газетын 1989 воӧ. Коми кывбуррес медоддзаись петісӧ 1999 воӧ «Коми му» газетын.
Кывбуррес петавлісӧ «Войвыв кодзув» да «Арт» журналлэзын, рочӧн, вуджӧтӧмӧн — «Невский альманах» да «Родная Ладога» журналлезын, «Литературный Санкт-Петербург» да «Литературная газета», «Инвожо» журналын, «Мелiлуныс пыдӧстӧм и помтӧм» (2001), «Уна рӧма сикӧтш» (2002), «Возвращение Вяйнемейнена» (2002), «Пӧлӧзнича пӧвстын» (2010) да мӧдік ӧктӧттэзын.
Анжелика Елфимовалӧн лэдзӧмӧсь «Аддзысьлытӧдз» (2002), «Еджыд вӧтъяс» (2008), «Вемӧсӧн ли вӧтӧн» (2010) кывбур чукӧррез.
Сылӧн кывбуррес вуджӧтӧмӧсь роч, удмурт, эст, английскӧй да француз кыввез вылӧ.
Россия гижиссез котырӧ(2005) да Россия журналисттэз котырӧ (2004) пырись[4][5].
Донтан пассэз да премияэз
- М. Кастрен котырсянь (Финляндия) премия (журналистика сьӧрті) (2002);
- «Эзысь борд» республикаса литературнӧй премия: «Поэзия» (2010), «Вуджӧтӧм» (2013), «Публицистика» (2014) номинацияэзын;
- Эстониялӧн ӧтвужья отир Программалӧн литературнӧй премия художествоа кывбуррез юкӧнын (2014);
- «Золотое перо» нима россияпасьтся конкурсын дипломант «Медбур лирикаа кывбур» (2008) да «Россия отирлӧн медбур кывбуррез» номинацияэзын (2012).
Небӧггес
- Елфимова, А. Г. Аддзысьлытöдз : кывбуръяс. — Сыктывкар: Коми небöг лэдзанін, 2002. — 190 с. — ISBN 5-7555-0751-1.
- Елфимова А. Г. Вемӧсӧн ли вӧтӧн… : кывбуръяс. — Сыктывкар: Коми му, 2010. — 158 с. — ISBN 978-5-88186-948-9.
- Елфимова А. Г. Два слова = Кык кыв : стихи : [книга-билингва : на коми и русском языках. — Сыктывкар: Издательский дом Коми, 2021. — 111 с. — ISBN 978-5-906175-26-7.
Отир понда удж
Анжелика Елфимова — «Коми войтыр» ӧтмунӧмлӧн Сыктывкар юкӧнісь юралісьӧс вежлісь (2011—2015), «Коми КВН» ӧтмунӧмӧн юралісь (2012 восянь).
Пасйӧттэз
- ↑ Анжелика Елфимова. Национальный проект сбережения русской литературы "Читальный зал". Видзӧтӧм 7 Аршӧр 2025.
- ↑ Елфимова Анжелика Геннадьевна. Национальная электронная библиотека Республики Коми. Видзӧтӧм 7 Аршӧр 2025.
- ↑ Артур Артеев Анжелика Елфимова: «В жизни всегда есть место юмору». Республика (2022-01-13). Видзӧтӧм 7 Аршӧр 2025.
- ↑ Елфимова Анжелика Геннадьевна. Союз писателей Республики Коми. Видзӧтӧм 7 Аршӧр 2025.
- ↑ Анжелика Елфимова. ГБУ РК Республиканский Дом творчества. Видзӧтӧм 7 Аршӧр 2025.
Литература
- Малева А. В. «Лирическая интроверсия» Анжелики Елфимовой: особенности речевого поведения и жизненного пространства героини // Вестник Томского государственного педагогического университета. — 2015. — № 10 (163).
- Горинова Н. В. Топосы город/деревня в поэтической системе А. Елфимовой: некоторые аспекты реализации художественного пространства в современной коми лирике // Вестник угроведения. — 2018. — № 3.
- Малева А. В. Мифопоэтическое пространство женской коми поэзии // Вестник Сыктывкарского университета. Серия гуманитарных наук. — 2021. — № 1 (17).