Алебастрова Клавдия Васильевна
| Алебастрова Клавдия Васильевна | |
|---|---|
 | |
| Чужан лун: | 1901 во одзтулыс 2 лун |
| Чужанін: | |
| Кулан лун: | 1973 во одзар 22 лун (72 года) |
| Куланін: | |
| Канму | |
| Удж | бурдӧтчись, велӧтісь |
| Донтан пассэз |
  |
Алебастрова Клавдия Васильевна (1901 во одзтулыс 2 лун, Оса, Пермскӧй губерния[d] — 1973 во одзар 22 лун, Кудымкар, Пермскӧй область[d]) — РСФСР-лӧн Заслуженнӧй врач, Кудымкар медицина техникум директор, Великӧй Отечественнӧй война коста Кудымкарись эвакогоспитальӧн юралісь.
Олантуй
Чужис 1901 во одзтулыс 2 лунӧ Осаын[1]. 1926 воӧ помаліс Пермскӧй университетісь медицина факультет, стажируйтчис Кунгурскӧй больницаын. Cыбӧрын, Уральскӧй областьын Манчажскӧй районын (ӧння кадӧ Башкортостан) ӧтік во уджалӧм бӧрын, 1928 воӧ вуджис Коми-Пермяцкӧй национальнӧй округись Юрла районӧ, уджаліс хирургия юкӧтын да кага чужтанын[1].
1934 воӧ вӧлі ыстӧм уджавны Коми-Пермяцкӧй окружнӧй больницаӧ, кытӧн уджаліс акушер-гинекологӧн да хирургӧн. 1935 воӧ Алебастрова велӧтчис Москва акушерия да гинекология сьӧрті специализация сьӧрті. 1935 воӧ бертіс Кудымкарӧ, кытӧн организуйтіс иньпӧлӧс консультация и уджаліс сэтӧн 1941 воӧдз[2].1937 воӧ велӧтчис Ленинградскӧй акушерско-гинекологическӧй институтын, сыбӧрын квать тӧлісь сьӧрна уджаліс институтын, кытӧн велӧтчис сьӧкыт керана акушерия да гинекология операцияэзӧ.
1941 воӧ вӧлі мобилизуйтӧм Гӧрд Армияӧ, уджаліс Кудымкар эвакогоспитальын юралісьӧн. Сыбӧрын вӧлі пуктӧм организуйтны виль 400 койкаа госпиталь. Вӧлі эвакогоспиталь № 4874 юралісьӧн[2].
Великӧй Отечественнӧй война бӧрын, госпиталь пӧдналӧм бӧрын, кык во сьӧрна уджаліс фельдшерско-акушерскӧй школаын директорӧн, а сыбӧрын юраліс школаись велӧтан юкӧтӧн да веськӧтліс окружнӧй больницаись хирургия юкӧтӧн.
1946 воӧ бертіс юравны гинекология юкӧтӧн. Ӧткӧста, 1952 воӧдз, юраліс велӧтан юкӧтӧн Кудымкар медицина училищеын[2].
1953 восянь юраліс роддомӧн, уджаліс Коми-Пермяцкӧй округ юралісь акушер-гинекологӧн.
1952—1960 воэзӧ Кудымкар медицина училищеын юраліс велӧтчиссез практикаӧн, 1968 воӧдз вӧлі акушерия велӧтісьӧн[2].
Куліс 1973 во одзар 22 лунӧ.
Донтан пассэз
- Почётнӧй грамота, пыртӧм Молотовскӧй областись Великӧй Отечественнӧй война коста медицинаын тӧдчӧмӧн уджаліссез Почёт небӧгӧ (1943)[3]
- РСФСР-лӧн Заслуженнӧй врач[1]
- Ленин нима орден[1]
Касьтылӧм
- 2025 воӧ Кудымкарын ӧктӧны сьӧм, мед сувтӧтны Клавдия Алебастрова шойгу вылӧ касьтылан пӧв[4].
- 2025 во аршӧр 22 лунӧ Кудымкарын, виль корпус дынын, вӧлі осьтӧм мемориал быдӧс Кудымкарын уджалісь Россиялӧн Заслуженнӧй враччез касьтылӧм понда[5].
Пасйӧттэз
- ↑ 1 2 3 4 Алебастрова Клавдия Васильевна // Гордость Пармы : [биографический справочник]. — Кудымкар : Коми- Пермяцкое книжное издательство, 2008. — C. 9-10. — 568 с. — ISBN 978-5-87901-121-0
- ↑ 1 2 3 4 90 лет Кудымкарскому медицинскому училищу. История в лицах, событиях, фактах… ГБПОУ «Кудымкарское медицинское училище» 16 февраля 2022 (видзӧтан кад 17.04.2025)
- ↑ Алебастрова Клавдия Васильевна // Медицинские работники Молотовской (Пермской) области, особо отличившиеся в годы Великой Отечественной войны (1941—1945) ГКБУ «Пермский архив социально-политической истории» (видзӧтан кад 17.04.2025)
- ↑ Долг перед врачами // «Парма», 18.04.2025.
- ↑ В Кудымкаре открыли мемориал, посвящённый врачам Коми округа. Парма-Новости (2025-10-22). Видзӧтӧм 30 Аршӧр 2025.