Шамшура (коми иньпӧлӧслӧн юрвот)

Босьтöм Рувикиись
Иньвенсалӧн шамшура, реконструкция. Пермскӧй крайлӧн Народнӧй мастер Надежда Боталова.

Шамшура (сідзжӧ самшура, шешмура, шашмура, шӧмшур, самшур[1]) — лунвывся коми, зюздинса да Кӧсын олісь коми инькаэзлӧн быдлунся да вежалунся юрвот, традиционнӧй паськӧм комплекссэзісь тор, комиэзлӧн шамшуранас шусьӧны 3 ассяма юрвот. Cія жӧ нимӧн шусьӧны иньпӧлӧс ассяма юрвоттэз роччезлӧн, саами да мариэзлӧн.

Гижалӧм

[вильмӧтны | править код]

Шамшура нима юрвот коми инькаэзӧн новйӧм йылісь тӧдса XIX сёвошӧрсянь. Сы йылісь касьтылӧ Николай Рогов 1858 воӧ петӧм «Материалы для описания быта пермяков» уджын[2]. Сы гижӧмыс сьӧрті позьӧ вежӧртны, мый шамшура нима юрвотыс вӧлі новьяна ӧння кадся Кудымкар да Юсьва районнэзын.

Шамшура сцена понда. Россиялӧн Народнӧй мастер Тамара Кольчурина.

Туяліссез сьӧрті, юрвотсӧ комиэс босьтісӧ роччезлісь да вежисӧ ассямамоз[3].

Медодззаись тодиля коми иньпӧлӧс юрвоттэс йылісь, ны локальнӧй варианттэз да керӧм йылісь гижис Александр Теплоухов 1916 воӧ[4]. Сы сьӧрті, коми инькаэс новйӧмась кык ассяма юрвот, кӧдна щусьӧмась «шамшура» нимӧн. Иньвенса инькаэзлӧн вӧлӧма гӧрд, мичӧтӧм трапециякодь юрпыдӧса да Кӧсын олісь инькаэзлӧн — небӧм дона материаллэзісь, мичӧттӧм, квадраткодь юрпыдӧса.

Зюздинсаэзлісь паськӧмсӧ туяліс Вера Белицер. Сы сьӧрті, зюздинса инькаэс XIX-ӧт сёвоын новйӧмась шамшура нима юрвот, кӧда вӧлі керӧм мичӧтӧм гӧгрӧса юрпыдӧсаӧн гӧрд рӧма материалісь[5].

Шамшураэс — быдлунся да вежалунся инькаэзлӧн юрвот[6]. Сійӧ, кыдз и сюра кокошниксӧ, инька юр вылӧ кышӧтісӧ гӧтрасьӧм коста баличаэз кыйӧм бӧрын. Инькаыс новйис юрвотсӧ быдлун кувтӧдз[6]. Шамшураыс мукӧдалын вӧвлӧма юрдон торӧн нето козинӧн ичмоньлӧ.

Шамшураэсӧ новйисӧ традиционнӧй паськӧмӧн 1930-ӧт воэзӧдз[3][6]. Ӧння кадӧ шамшураэсӧ новйӧны фольклорнӧй коллективвез.

Иньвенсалӧн[вильмӧтны | править код]

Юрвотыс керӧм трапециякодь чорыт юрпыдӧсӧн да небыт кымӧсвевтӧн. Юрпыдӧсыс пыр мичӧтӧм, декорируйтӧм бисерӧн, перламутрӧн, позументӧн нето мӧдік вурана мичаторрезӧн, серӧтӧм берся суниссэзӧн[7]. Унажык шамшураэс керӧмӧсь гӧрд рӧма материаллэзісь — шабді дӧраись, ермӧгись, ситечись.

  • Кык шульгаладорся инькаэс иньвенса шамшураэзӧн, веськыт ладорас инькаэслӧн Юрлаись сюра кокошниккез. XIX—XX св. Пермскӧй краеведческӧй музей

    Кык шульгаладорся инькаэс иньвенса шамшураэзӧн, веськыт ладорас инькаэслӧн Юрлаись сюра кокошниккез. XIX—XX св. Пермскӧй краеведческӧй музей

  • Шамшура, Верх-Юсьва посад. XIX сёво. Коми-Пермяцкӧй музей

    Шамшура, Верх-Юсьва посад. XIX сёво. Коми-Пермяцкӧй музей

  • Коми-пермяцкӧй шамшура, XIX сёво. Пермскӧй краеведческӧй музей

    Коми-пермяцкӧй шамшура, XIX сёво. Пермскӧй краеведческӧй музей

  • Позументӧн мичӧтӧм шамшура. XIX сёво. Коми-Пермяцкӧй музей

    Позументӧн мичӧтӧм шамшура. XIX сёво. Коми-Пермяцкӧй музей

Кӧсын да сы гӧгӧр[вильмӧтны | править код]

Кӧсладорын шамшура нето самшура нима юрвотыс вурсис джынви стяжитӧм небыт кымӧсвевдӧраӧн да чорыт квадраткодь юрпыдӧсаӧн[8]. Керсис небӧм материаллэзісь — ермӧгись да парчаись, гӧрд рӧма ситечись; юрпыдӧсыс абу декорируйтӧм[8].

Александр Теплоухов сьӧрті, сэтшӧм шамшурасӧ новйисӧ инькаэз Кӧсын, Селищеын, Самсордын, Октылсордын, Подгора да Нижньӧй Косаын[4].

  • Инькаэз Кӧсісь шамшураэзӧн Ыджыт Кочаын. 1909 вося одзжык. Фото В. А. Плотниковлӧн. Кунсткамера

    Инькаэз Кӧсісь шамшураэзӧн Ыджыт Кочаын. 1909 вося одзжык. Фото В. А. Плотниковлӧн. Кунсткамера

  • Кӧс посадісь инькаэз. 1911 во. Пермскӧй краеведческӧй музей

    Кӧс посадісь инькаэз. 1911 во. Пермскӧй краеведческӧй музей

  • Шамшура, Кӧс посад, 1917 во. Коми-Пермяцкӧй музей

    Шамшура, Кӧс посад, 1917 во. Коми-Пермяцкӧй музей

  • Кӧсісь шамшура, реконструкция, 2024 во. Пермскӧй крайлӧн Народнӧй мастер Надежда Боталова

    Кӧсісь шамшура, реконструкция, 2024 во. Пермскӧй крайлӧн Народнӧй мастер Надежда Боталова

Зюздинсалӧн[вильмӧтны | править код]

Шамшура Афанасьевскӧй краеведческӧй музейись. 2022 во

XIX сёвоын зюздинса инькапӧлӧс традиционнӧй паськӧмын вӧлӧма «шамшура» нима юрвот[6]. Сы баныс вӧлӧм керӧм гӧрд рӧма материалісь, юрпыдӧсыс гӧгрӧса формаа да чорыт, небыт кымӧс вевта. Юрпыдӧсыс мичӧтӧм. Сёрӧнжык шамшураыс туйӧ пондӧмась новйыны неыджыт гӧрда рӧма «колпачок»[5].

Ӧння кадӧ зюздинсалӧн тӧдса дзир ӧтка шамшура, кӧдӧ видзӧны Афанасьевскӧй районнӧй музейын. Сія оз позь шуны ассямаӧн, сідз кыдз сы кодь шамшураэс тӧдсаӧсь Костромскӧй губернияись роч отир паськомись[9].

Мӧдік йӧззэзлӧн

[вильмӧтны | править код]

Шамшура нимӧн шусьӧны иньпӧлӧс юрвоттэз саами[10], мари [11][12], роччезлӧн [13][14]. Быд юрвотыс ассяма, кӧть и шусьӧ ӧткодь нимӧн.

Пасйӧттэз

[вильмӧтны | править код]
  1. ↑ Зверева Ю. В. Русинова И. И., Черных А.В. Традиционный костюм народов Пермского края. Русские. Тематический словарь лексики одежды. СПб. : Изд-во «Маматов», 2019. – 416 с.: ил.
  2. ↑ Рогов Н. А. Материалы для описания быта пермяков // Журнал Министерства внутренних дел. — 1858. — Т. 29. — № 4, апр., отд. 3. — С. 45—126.
  3. ↑ 1 2 Чагин Г.Н., Климов В.В., Караваева Л. В. Коми-пермяцкий национальный костюм: Из собрания Коми-Пермяцкого окружного краеведческого музея им. П.И. Субботина-Пермяка: Альбом-каталог / Редактор Г. Н. Чагин. – Кудымкар; Пермь: Коми-Пермяцкое книжное издательство; Пермское книжное издательство, 2006. – [87] с.
  4. ↑ 1 2 Теплоухов А.Ф. Женские головные уборы пермяков и их отношение к головным уборам местного населения. Ежегодник Пермского Губернского Земства. Вып. 2. Пермь, 1916. – 374 с : ил. Пермская электронная библиотека
  5. ↑ 1 2 Белицер В. Н. У зюздинских коми-пермяков // КСИЭ. Вып. XV. М., 1952. С. 27-38.
  6. ↑ 1 2 3 4 Белицер В. Н. Очерки по этнографии народов коми ХIX – начало XX века. М., 1958 г.
  7. ↑ Мальцева Н. А. Традиционное декорирование одежды коми-пермяками: вчера и сегодня // Вестник Пермского федерального исследовательского центра. — 2015. — № 4.
  8. ↑ 1 2 Объект нематериального наследия коми-пермяцкого народа «Косинская шамшура»‎. Паспорт объекта и справочная информация ГКБУК «Коми-Пермяцкий этнокультурный центр»‎
  9. ↑ Хорошева А. М. Опыт актуализации традиционных коми-пермяцких женских головных уборов // Национальные истоки: история и современность. Межрегиональный фестиваль коми-пермяцкого фольклора «Чудо»: материалы научно-практической конференции (Афанасьево, 16 сентября 2023 г.) — Афанасьево: МБУК «Афанасьевский краеведческий музей». — 2023.—Вып. 5. (доп.) — С. 111-115.
  10. ↑ Сулейманова О. А., Бодрова О. А. «Саами приглашают»: культурно-массовые мероприятия как форма сохранения культурного наследия коренного населения Кольского Севера // Труды Кольского научного центра РАН. — 2017. — № 4-11 (8).
  11. ↑ Травин Илья Александрович. Признаки влияния культуры древних мари на ареал проживания древних саами // Человек и культура. — 2024. — № 2. — doi:10.25136/2409-8744.2024.2.70510.
  12. ↑ Фахрутдинова Ф. Д. Народный костюм как выражение интеграции культур // Известия высших учебных заведений. Социология. Экономика. Политика. — 2008. — № 4.
  13. ↑ Банникова Е. В. «Купеческий стиль» (представления о моде в среде уральского купечества первой половины XIX в.) // Вестник Российского университета дружбы народов. Серия: История России. — 2008. — № 4 (14).
  14. ↑ Бавбекова И. А. ТРАДИЦИОННЫЙ ГОЛОВНОЙ УБОР РУССКИХ И ЕГО ХУДОЖЕСТВЕННО-СТИЛИСТИЧЕСКИЕ ОСОБЕННОСТИ // Вестник Казанского государственного университета культуры и искусств. — 2022. — № 4.

Лыддьӧтан

[вильмӧтны | править код]
  • Чагин Г. Н., Климов В.В., Караваева Л. В. Коми-пермяцкий национальный костюм: Из собрания Коми-Пермяцкого окружного краеведческого музея им. П.И. Субботина-Пермяка: Альбом-каталог / Редактор Г. Н. Чагин. – Кудымкар; Пермь: Коми-Пермяцкое книжное издательство; Пермское книжное издательство, 2006. – [87] с.
  • Коми-пермяцкая народная одежда. Мультимедийный диск. – С-Петербург: издательство «Маматов», 2009.
  • Теплоухов А. Ф. Женские головные уборы пермяков и их отношение к головным уборам местного населения. Ежегодник Пермского Губернского Земства. Вып. 2. Пермь, 1916. – 374 с : ил.
  • Белицер В. Н. Очерки по этнографии народов коми ХIX – начало XX века. М., 1958 г.
  • Крестьянская одежда населения европейской России. (XIX - начало XX в.) [Текст] : Определитель / [Лит. обраб. Н. И. Воробьева и А. А. Лебедевой] ; [Отв. ред. А. А. Лебедева] ; М-во культуры РСФСР. Науч.-исслед. ин-т культуры. - Москва : Сов. Россия, 1971. - 365 с.
  • Черных А. В. Коми-пермяки на фотографиях второй половины ХIХ - начала ХХ вв. : этнографический альбом / А. В. Черных ; Администрация губернатора Пермского края, Департамент внутренней политики, Российская академия наук, Уральское отделение, Пермский федеральный исследовательский центр [и др.]. - Санкт-Петербург : Маматов, 2021. - 369, [2] с., [4] л. ил., карт. : ил. ; 30 см. - (Этнографический альбом).
  • Черных А. В. Народы Пермского края. Культура и этнография. - Пермь: Издательство "Пушка", 2007
  • Мальцева Н. А. Традиционное декорирование одежды коми-пермяками: вчера и сегодня // Вестник Пермского федерального исследовательского центра. 2015. №4.
  • Народы Поволжья и Приуралья. Коми-зыряне. Коми-пермяки. Марийцы. Мордва. Удмурты. - М.: Наука, 2000. - 579 е., ил. ISBN 5-02-010191-5
Босьтӧма "https://koi.ruwiki.ru/w/index.php?title=Шамшура_(коми_иньпӧлӧслӧн_юрвот)&oldid=116642"-ись