Шадрин Иван Алексеевич

Шадрин Иван Алексеевич
Чужан лун:	1915 во тӧвпом 20 лун(1915-02-20)
Чужанін:	Шадрин (Кудымкар район), Белоёв посадму, Кудымкар район, Коми-Пермяцкöй автономнöй округ[d]
Кулан лун:	1962 во арпом 23 лун(1962-11-23) (47 лет)
Куланін:	Кудымкар, Пермскӧй область[d], РСФСР[d], СССР[d]
Канму	Российскӧй Федерация
Удж	журналист

Шадрин Иван Алексеевич (1915 во тӧвпом 20 лун, Шадрина — 1962 во арпом 23 лун, Кудымкар) — коми гижись, журналист, вуджӧтісь.

Олантуй

Чужис 1915 во тӧвпом 20 лунӧ Шадринаын. Медодз велӧтчис начальнӧй школаын, сэсся II тшупӧта школаын. Батьыслӧ коліс, медбы зоныс вӧлі сылӧ уджын отсасисьӧн, эта понда эз мӧд лэдзны сійӧ велӧтчыны одзлань.1932 воӧ Иван Шадрин сёжӧ помалӧ Кудымкарись педагогика техникум. Техникумын велӧтчӧм бӧрас И.А.Шадрин пырӧ уджавны Коми-Пермяцкӧй небӧглэдзанінӧ ( издательствоӧ).Татӧн сія тӧдсасьӧ Анна Ивановнакӧт, типографияын наборщицакӧт,кӧда сёрӧнжык лоӧ сылӧн иньӧн.Гӧтрасьӧм бӧрас гозъя вуджӧны овны Юсьва посадӧ, медбы уджавны виль "Бригадир" газетын.Виль местаас Иван Алексеевич уджалис редакторӧн, а Анна Ивановнаыс- наборщицаӧн. Юсьваись Кудымкарӧ вуджӧм бӧрын Иван Алексеевич уджалӧ " Ленин туй вылӧт" газетын,кӧда сетӧ гижисьлӧ уна позянлун тӧдсасьны Коми кытшын олісь отиркӧт да пондӧтны гижан удж.И.А.Шадрин участвуйтіс Айму понда Ыджыт тышын, куим воись унажык вӧлі фронт вылын.Повтӧмлун понда сылӧ сетӧма кык Гӧрд Звезда орден да медаллез. Война бӧрын Иван Алексеевич Шадрин бертӧ Кудымкаӧ " Ленин туй вылӧт" газет редакцияӧ, пондӧ гижны очерккез.Этія жӧ кадӧ пондӧтӧ гижны художествоа проза.

1948 воын " Миян край" литературно-художественнӧй гижӧттэз чукӧрын вӧлі лэдзӧма И. А. Шадринлӧн "Мампаса нывка" висьт. 1949 воын Коми-Пермяцкӧй небӧглэдзанінын петӧ очерккезӧн да висьттэзӧн "Зеленöй золото" небӧг. 1961 воын торья небӧгӧн лэдзӧны " Честь" повесть, кытӧн автор гижӧ 1950 годдэзся колхозын удж йылісь. Бӧрья воэзас гижись уджаліс " Дёма" повесть вылын, кӧдӧс эз ешты помавны.

И.А.Шадрин куліс ноябрь 23 лунӧ 1962 воӧ.

Гижан удж

Гижис комиӧн дженыт проза да публицистика.

Небӧггез

• Шадрин, И. А. Зеленӧй золото: очерккез да рассказзэз = Зелёное золото: очерки и рассказы / Иван Алексеевич Шадрин. – Кудымкар: Коми-Пермяцкое государственное издательство, 1952. – 62 с.
• Шадрин, И. А. Честь: повесть / Иван Алексеевич Шадрин. - Кудымкар: Коми-Пермяцкое книжное издательство, 1961. – 88 с.: ил.

Ӧктӧттэзын да периодикаын

• Шадрин, И. А. Мампаса нывка: рассказ = [Девушка с родинкой: рассказ] / Иван Алексеевич Шадрин // Миян крайын = В нашем краю. - Кудымкар, 1949. - С. 72-80.
• Шадрин, И. А.  Ю дорын : рассказ = [Возле реки : рассказ] / Иван Алексеевич Шадрин. // Миян луннэзӧ= В наши дни. – Кудымкар, 1954. – С. 73-78.
• Шадрин, И. А. «Коммунар» колхозын: повестись отрывоккез = [В колхозе «Коммунар»: отрывки из повести «Честь»] / Иван Алексеевич Шадрин. // Иньва. - Кудымкар, 1955. – С. 48-69.
• Шадрин, И. А. Садовод Овчинников: [очерк] / Иван Алексеевич Шадрин. // Иньва. - Кудымкар, 1958. - С. 55-60.
• Шадрин, И. А. Дёма: рассказ / Иван Алексеевич Шадрин // Тулысся ваэз = Вешние воды. – Кудымкар, 1959. - С. 69-81. - [Главы 1-6].
• Шадрин, И. А. Дёма: рассказ / Иван Алексеевич Шадрин.  // Веж ыб = Поле зелёное. - Кудымкар, 1960. – С. 49-59. - [Главы 7-12].
• Шадрин, И. А. Дёма: рассказ / Иван Алексеевич Шадрин // Иньва. - Кудымкар, 1961. – С. 72-79. - [Главы 13-16].
• Шадрин, И. А. Дёма: повестись тор = [Дёма: отрывок из повести] / Иван Алексеевич Шадрин. - Кудымкар, 1995. - С. 25-34.
• Шадрин И. А. Честь: повесть / Иван Алексеевич Шадрин // Пармалӧн шыэз = Голоса Пармы. – Кудымкар, 1997. – С. 45-86.
• Шадрин И. А. Зеленогорск : повесть / Иван Алексеевич Шадрин. // Иньва. - Кудымкар, 2017. – С. 214-224.

Комиӧтӧм

• Neverov, A. S. Kьҙ mijanьn vojna vәli / Neverov - şәrti - I.A . Sadrin ; [ред. В. Якимов]. - Kudьmkar : Okrizdat, 1933. - 11 c. : ил. ; 15 см. - Загл. и авт. ориг. на 4-й с. обл.: Как у нас война была / Неверов. - Текст коми-пермяц.
• Ƶatkin, Petra. Koknita lьddəm : kuim tora orsantor / Ƶatkin Petra ; [пер. И. А. Шадрина ; ред. В. И. Якимов]. - Kudьmkar : Komi (permjackəj) Okruƶnəj izdaţeļstvo, 1933 (печ. 1934). - 47 c.
• Serafimoviç, Aleksandr Serafimoviç. Çudo / Serafimoviç ; komiәtis I.A. Sadrin. - Kudьmkar : Okrizdat, 1933. - 10 c. : ил. - Текст коми-пермяц. - Загл. и авт. ориг. на 4-й с. обл.: Чудо / Серафимович.
• Fraerman, Ruvim Isaeviç. Mədəз tulьs / R. Fraerman. - Kudьmkar : Okrizdat, 1934. - 217, [1] c. : ил. - Загл. и авт. ориг.: Вторая весна / Р. Фраерман ; пер. на Коми (пермяц.) яз. И.А. Шадрина.
• Konkpnickaja, M. Pəris perepļotçik da sьlən nuçok / M. Konkpnickaja ; [пер. И. Шадрин ; ред. В. Якимов]. - Kudьmkar : Okrizdat, 1934. - 33, [1] c. : ил. - Загл. и авт. ориг.: Старый переплетчик и его внук / М. Конопницкая. - Текст коми-пермяц.

Гижись йылісь

• Иван Алексеевич Шадрин: чужан лунсянь 50-летие кежӧ = [Иван Алексеевич Шадрин : к 50-летию со дня рождения] // Иньва. - Кудымкар, 1965. – С. 90-91.
• Кольчурин, В. Мед оз кус сылӧн бичир= Пусть не погаснет его искорка /В. Кольчурин // Парма. – 2000. – 17 февр. – С. 3.
• [Шадрин Иван Алексеевич: 40 лет со дня смерти] // Даты, события, люди : справ. изд. – Кудымкар, 2001. – С. 248-254.
• Кольчурин, В. Прозаику – 90 : к юбилею А. И. Шадрина / Василий Кольчурин // Парма. – 2005. – 17 февр.- С. 3.

Пасйӧттэз